ســبحاني کنــــدهاری

السلام عليکم ورحمة الله وبرکاته!
محترمو وروڼو دا خبر ټول درسره نشر کړئ چې خودې د امارت تر مشرانو قومندانانو او واليانو پورې ورسېږي او دوئ د کندهار د حاله خبر سي او کندهار ته جدي کتنه وکړي!

محترمو مسلمانانو وروڼو د کندهار دښار په حال به ان شاءالله  ټول خبر ياست او یابه اوس خبرسئ ،
په کندهار ښار کي خصوصاً په لويه ویاله کې چې ۹ حوزه ده دومره ستر وحشت شروع دی چې په ټول افغانستان کې به بل ځای دومره ستر وحشت نوي شروع  ،
د مدارسو ،مساجدو ، جامعګانو، امامان او طالبان پورته کېږي او په ډېر ظلم او وحشت په شهادت رسېږي او ځني خو ګرسره ورک سي دومره درک یې نوي چې چا بوتلی او چیري دی؟
 د ملا مشر د مدرسې څخه يې پروند غرمه دوه طالبان پورته کړي دي، او دستي یې مازديګر ته يو شهيد کړی دی،
 والله اخر به مو زړونه له درده پړک وچوي،
دا څۀ وحشت روان دی دا څۀ حال دی دا کومه دنيا ده؟
په تېرو دوو هفتو کې لس د مدرسو او حجرو طالبان شهيدان سوي دي،
ورک او بنديان خو تر حساب تېر دي،
 د حنيفيې مدرسې ۱۵۰ طالبان وه اوس فقط ۲۰ نفره پاته دي،
په الهاديه مدرسه کې ۲۰۰ کسه طالبان وه اوس ۱۰ نفره پاته دي،
او هغوی غريبان هم د زړۀ په زور شپه سبا کوي،
ځني مدارس او مساجد خو ګرسره له طالبانو خالي سوي دي طالبان ټول کورو ته تللي دي چي خپل سبقان ځنې پاته سوي دي،
ايا دا مسلماني ده؟
ایا داسي چلند څوک د مسلمان سره کوي؟
ايا دا طالبان مور ،پلار ، خور، لور ،ښځه ،کور ،وطن نه لري؟ چې داسي چلند ورسره کېږي؟
ايا دا طالبان د پنجابه راغلي دي؟
ايا له دې طالبانو سره مو صلاح، او یا کوم بل ضررمن شی لیدلی دی او يامو ورسره ګیر کړی دی؟
ايا دا طالبان او امامان د دغه خاوري بچي نه دي؟
ايا دوئ د دې وطن نه دي که څنګه؟؟
داسي ورځ تر اوسه نه ده راغلي چې طالب دي د مدرسې یا مسجد یا جامعې څخه نوي پورته سوی موږ یوه هفته حساب ورته وکړ په یوه هفته کې یې ۱۵۰ کسان د لویه ويالې څخه پورته کړي وه ځنې شهیدان او ځنې لا تر اوسه ورک دي دا وس حکومت دی دا به کوم کتاب کي راغلي دي؟
داسي ناوړه کارونه مو رسول اکرم صلی الله عليه وسلم  کړي دي او که اصحابُ او تابعینو کړي دي؟
دا کارونه چې فرعون کول اخر انجام یې چشې سو؟
د یوڅو پیسو لپاره بې ګناه طالبان او عالمان په شهادت رسوی او بیا دا دعوه کوی چې موږ ورسره صلاح ونیول او يایې پر موږ برید کاوه،
نو زموږ د الله تعالی جله شانه را لاندي امارت ته اومید دی موږ د امارت څخه دا هیله کوو چې د خدای د پاره تاسي يو چم وکړئ او ستاسو هرڅه په وسه پوره ده والله د کندهار د حکومت هر قومندان تاسو ته معلوم وي نو د خدای د پاره زموږ ږغ واورئ او دا حکومت ته خپل حکومت ور وښیاست ،
ستاسو هر اختار د حکومت زړه لړزوی او ستاسو د هر اختاره نړۍ لړزیږي،
نو لطفأ موږ کندهاریانو سره مرسته او کومک وکړئ او دا ظالمان زموږ د سرو څخه لري کړئ او هغه چلند ورسره وکړئ چې لایکت یې لري،
نور تاسو په کندهار کي د هر عالم هر طالب او هر انسان څخه د کندهار د وضیعت خبر اخستلی شئ،
والسلام عليکم ورحمة الله وبرکاته!

غـزل

که راځې! زۀ به کړم لاره سره ګلونه
انتظار به کړي بې شماره سره ګلونه

ټولو زړو ته دې خوږه مینه لوېدلې!
څۀ دې کړي؟ سول تر ځاره سره ګلونه

ستا د نوم تعبير کي خلګ مبتلاء وه
ځنې يو يې وړل څو واره سره ګلونه

دا خبره مې له فکره ده را خستې
اذادۍ ته کړئ! په غاړه سره ګلونه

پر وطن به بيا د سولي زیری وسي
راته را به وړي نامداره سره ګلونه

سبحاني به د همزولو سره ګرځي
در نه وړي به کندهاره! سره ګلونه

سبحاني کندهاری
👇👇👇👇👇👇
@Subhanijanan

دوه بیته مې ومنئ!

بېخي مو درته تمه ده چې را به شې!
ورکه! نادرکه! ياره! چيري یې؟

او

کلي چې تۀ! نۀ یې نو زۀ نۀ يم
ځانه! ځوانيمرګه! تۀ وا را به شې؟

👇👇👇👇👇👇
@Subhanijanan

غـزل

مومن يم ، مسلمان يمه ، ايمان لرم
زۀ د خدای بنده يم سپین قرآن لرم

دَرس مې سرو کافرو ته ور کړی دی
دين لرم ، مذهب لرم ، سبحان لرم

دامې په نصرت د لایزال مات کی
يو سکنی ورور لرم ، افغان لرم

ای! د نړۍ خلګو نندارې وکړئ
خدای منم ، رسول منم، جانان لرم

زۀ د کافر سر وهم پر دې جهان
يار لرم ،طالب لرم، او ځوان لرم

ځۀ لاس دې اذاد وکړه ارزونه تۀ!
زړۀ لرم، او ګران افغانستان لرم

چاته سبحاني ورکړم ګلاب ،ريحان؟
بېله تا څوک نه لرم، يو ځان لرم

سبحاني کندهاری
👇👇👇👇👇👇
@Subhanijanan

موږ د سر په بایه جنګ کټلی دی
موږ ته را کوي زموږ الله جزا

دلته یې لاسونه او پښې پاته دي
دلته یې وهلې ده په کړس ژړا

ستا د سبحاني ويني به رنګ را وړي
خدای لره یې کړې ده د خوند مسکا

سبحاني کندهاری
👇👇👇👇👇👇
@Subhanijanan

بې وزله خلګ يو رقيب نه لرو، يار نه لرو
عاجزه ګرځو خدای مو ويني په چا کار نه لرو

زموږ هر څه په وسه پوره ده تۀ خبر یې کنه؟
خو په هم دې خاطر غماز نه لرو، دار نه لرو

سبحاني صاحب
👇👇👇👇👇👇
@Subhanijanan

له کوره لري ځم بېبان ته وځم
لارې یې څارمه جانان ته وځم

زۀ یې بېلتون کړمه زخمي خالقه!
ستا د بنده و قبرستان ته وځم

👇👇👇👇👇👇
@Subhanijanan

غــزله غمزده!

په غــم کې دې شريک يمه کابله!غمزده!
چې وينې درنه څاڅي له اوربله!غمزده!

شهيدې جنازې دې سوې قتار تر هدېرې
دا چا په وينو رنګ کړې ګلاب ګله!؟غمزده!

لونګه! تر زخمي وجود دې زۀ سمه قــربان
همېش په غم لړلی یې سُمبله!غمزده!

پخدای چې بې اختياره مې تر سترګو اوښکي ځي
خــــزان چې درنه وړی دی چارګله!غمزده!

زما د زړګي سره! او زماد سترګو توره!
ليکلې سبحاني داســي غـزله!غمزده!

1398-5-28
👇👇👇👇👇👇
@Subhanijanan

ای! شهيـده!!!

د جنت حوري غلمان دي په نصيب شه!
ملاقات د رب سبحان دي په نصيب شه!

ستا د تن ويني پر سپین قرآن پرتې دي!
مقام د حضرت عثمان دي په نصيب شه!

ای! شهيده! مشره! ځه الله دي مل شه!
خوږ ديدار دخوږ جانان دي په نصيب شه!
👇👇👇👇👇👇
@Subhanijanan

السلام عليکم ورحمة الله وبرکاته!؟

خوږو ملګرو تاسو او ستاسو قدرمني او عزتمني کورنۍ ته د زړه له قومي د لوی اختر مبارکي وايم،
رب مو خوښ خوشحاله لره!
رب دې مو ګران وطن کې سوله او اذادي او قرآني قانون راولي،

درنښت سبحاني کندهاری
👇👇👇👇👇👇
@Subhanijanan

چيرې چې مو سر له تنه بېل نشي
ځــو به تر هغو د خپل نېکو پر لار

دا وطــــــن ته وينه ور کوو خلګو
نۀ ځـــــــو د کافرو ګوډاګو پر لار

سبحاني کندهاری
👇👇👇👇👇👇
@Subhanijanan

غـزل

د سهار لمر يې څارنه کوي ژاړي
د زخمي زړۀ يې پالنه کوي ژاړي

داسي څوک دی د بېلتون په درد پوهېږي
چې يو څوک ورنه پوښتنه کوي ژاړي

هر يادګار يې چاته لپې لپې زهر
انځورو نه یې ساتنه کوي ژاړي

لکه زۀ چې پر ملا مات مات را روان دی
د شهيد وروستۍ کتنه کوي ژاړي

د هر چا پر شونډو نوم د هغه چا دی
چې دښمن يې هم ستاينه کوي ژاړي

دا په اوښکو چې لانده دې ګرېوانونه
د خواږه یار یادونه کوي ژاړي

سبحاني ته چا د اوښکو ډالۍ ورکړه
دی بدل کې ترې مننه کوي ژاړي

سبحاني کندهاری
👇👇👇👇👇👇
@Subhanijanan

دوې غبرګې نوې ترانې 👇👇

اواز ، حافظ محمد ادریس حسن يار
شاعــر، سبحاني کنـــدهاری
👇👇👇👇👇👇
@Subhanijanan

غــزل

ګلونه ، ګلابونه ، خاورې شول تنکي سرونه
خالقه! ته خو وينې دا ويجاړ بمبار کورونه

اشغال دی د پرديو ، د سورمخو څو سړيو
په جبر رانه غواړي زرين شال د ناوکيو
شاهد دا ټول جهان دی موږ ورکړي جوابونه

څوک لاړه د بل څنګ ته ، چا ګُزار ور باندي کړی
چا سر پر وطن ځار کړ ، چا پر بل باندي پلورلی
څوک ستړي سول له جنګه ، څوک لا اوس کوي جنګونه

ريحان شو پکې خاوري ، يو ارمان شو پکې خاوري
يو زړۀ د سبحاني ، او بل جانان شو پکې خاوري
خو اوس لا ختم نه دي د جګړې اوږده مزلونه

سبحاني کندهاری
👇👇👇👇👇👇
@Subhanijanan

اخـــتر مو مبارک شه!

لر ؤ بر د هــــــر افغان دې مبارک وي
زما د ګران افغانستان دې مبارک وي

دا اختر په خوشحالیو باندې لمانځو
دا اختر د ټول جهان دې مبارک وي

سبحاني! چې یې د زړه زخم در جوړ کړ
سبحاني! ستا د جانان دې مبارک وي

👇👇👇👇👇👇
@Subhanijanan