ميلان كوندرا و چرچیوهیه سیغمایان اینسان | ایواز طاها
گؤرهن اینسان آدلی ایکی آیاقلی حئیوان نییه اؤزو یاراتدیغی سیستئملره تام سیغیشمیر و اونون قویروغو همیشه سیستئم سینیرلاریندان باییردا قالیر؟ میلان کوندرا بو بوروشوق مسئلهیه رومان ایشیغیندا توخونور:
منجه، رومان، باشقا بير يوللا دئييلهسي اولمايان بير سؤزو دئيه بيلير؛ آنجاق، بو سؤزون نه اولدوغونو سؤيلهمك بيزه چتيندير. اؤرنهيين، دئمك اولار: رومانين آماجي توپلومو آچیقلاماق دئييل، بونا داها ياخشي يوللاردا وار. هم ده، رومانين يارانما سببي، تاريخي توصيف ائلهمك دئييل، بو ايشي تاريخچيليكله ده گؤرمك اولار. رومان يازانلار ایستالينيزمي تاپدالاماقدان اؤترو ده گلمهييبلر، سولژينیتسين اؤز بيلديريشلريله [اعلاميهلريله] بو مقصده داها قولایلیقلا وارا بیلر. آنجاق، رومان اینسان وارلیغینین بوتون اؤلچولريني گؤسترمهيه، آچيقلاماغا و اونلارين درينلييينه كئچمهيه بيرجه يولدور. من معاریفچیلیک ساحهسينده، رومانين ايشيني گؤره بیلن باشقا بير چاليشما تورو تانيميرام. حتتا وجود فلسفهسي ده بو ايشي گؤره بيلمز، چونكو، رومان بوتون دوشونجه قوروملارينا کؤکلو بير قوشقو ایله ياناشير. هر رومان بو سانیملا [فرضله] باشلايير: اینسان ياشاييشيني هر هانسي بير سیستئمده تام يئرلشديرمك اولاسی دئييل.
@eyvaztaha