اذا مشتاگة لعيوني
هذاك انه بـ آخر زاوية من البيت تلگيني
ذبي كعبچ العالي تعالي امشي اعله اصابيعچ
احب هذا الهدوء البينچ وبيني
وگعدي بصفي لتواسيني بالدمعات
بالبوسات واسيني
يبنية گبل لا تيبس دموعي
مدي ايدچ وامسحيهن
ردي النوب ضحكيني ، ردي النوب غنيلي
حلاة الغنوة بالصنطة
وصدى صوتچ دوة يمشي بشراييني
انه وكانونتي معارَك واحد يحتل الثاني
مُري وبيچ داويني وحك شوغاتي نص الليل
اغارن من المرايات ، خلي مرايتچ عيني
تعالي اهتمي بية ، جروحي هفيهن
تعالي شوية شاقيني دفعي الكرسي بچفوفچ
لحد اخر شبر بالگاع وديني
واذا ماسافِر اعله الگاع بالمضموم سفريني
انه بغمج الحزن لهسة ما مشيول
منتظرچ تشيليني ، ماريد الحزن يحرگلي عشريني
انه راضي بقسمتي وياچ
وشم وبزندچ المرتاح حطيني
رصعة بظهرچ المستور ضميني
شامة اعله النهد يبنية خليني
واذا جاس البرد گلبي
واذا قل اهتمامي وياچ بمعاتب ترديني
لتحبيني چي مكسور حبي رويحتي الخضرة
صيري ملوحة سنيني صيريلي ضوة بالليل
زوريني بروازيني
واصيرنلچ قصيدة شوگ
واحرگ كل دواويني .
هذاك انه بـ آخر زاوية من البيت تلگيني
ذبي كعبچ العالي تعالي امشي اعله اصابيعچ
احب هذا الهدوء البينچ وبيني
وگعدي بصفي لتواسيني بالدمعات
بالبوسات واسيني
يبنية گبل لا تيبس دموعي
مدي ايدچ وامسحيهن
ردي النوب ضحكيني ، ردي النوب غنيلي
حلاة الغنوة بالصنطة
وصدى صوتچ دوة يمشي بشراييني
انه وكانونتي معارَك واحد يحتل الثاني
مُري وبيچ داويني وحك شوغاتي نص الليل
اغارن من المرايات ، خلي مرايتچ عيني
تعالي اهتمي بية ، جروحي هفيهن
تعالي شوية شاقيني دفعي الكرسي بچفوفچ
لحد اخر شبر بالگاع وديني
واذا ماسافِر اعله الگاع بالمضموم سفريني
انه بغمج الحزن لهسة ما مشيول
منتظرچ تشيليني ، ماريد الحزن يحرگلي عشريني
انه راضي بقسمتي وياچ
وشم وبزندچ المرتاح حطيني
رصعة بظهرچ المستور ضميني
شامة اعله النهد يبنية خليني
واذا جاس البرد گلبي
واذا قل اهتمامي وياچ بمعاتب ترديني
لتحبيني چي مكسور حبي رويحتي الخضرة
صيري ملوحة سنيني صيريلي ضوة بالليل
زوريني بروازيني
واصيرنلچ قصيدة شوگ
واحرگ كل دواويني .