في هالوقت اللي نعيشوه، لازم تفهم حاجة وحدة كويسة: مش كل ضحكة صافية، ومش كل كلمة حلوة نية طيبة. الناس تبدّل، والقلوب ما عادش كيف قبل، واللي يعطيك ظهره اليوم يمكن كان أقرب حد ليك امبارح. خليك ذكي، مش كل حد تقربله تحكيله، ومش كل حد تسمعله تصدقه، الدنيا تعلمك غصب، والوجيعة هي اللي تفرز الناس صح من الغلط،احفظ كرامتك، ووقف عند حدك، وما تخليش حد يقلل منك ولا يستغلك باسم الصحبة ولا الحب ولا الطيبة. كون طيب، بس مش ساذج، سامح، بس ما تنساش، وامشي في طريقك راسك مرفوع، اللي يبيك يمشي معاك خطوة بخطوة، واللي ما يقدّركش خليه يتفرج عليك من بعيد، الدنيا ما توقفش على حد، واللي خيره فيك يثبت، واللي شره فيك يكشفه ربي مع الوقت.