Boshqarma va o'quv markazlari o'rtasida hamkorlik o'rnatilmoqda —
QASHQADARYO(Video+) Qashqadaryo viloyati Maktabgacha va maktab ta'limi boshqarma boshlig'i
Ubaydulla Oripov va nodavlat umumta’lim muassasalari direktorlari, viloyatdagi nufuzli o'quv markazlari rahbarlari ishtirokida ochiq muloqot o'tkazdi.
Unda viloyatdagi ta'lim tashkilotlarini yangi o‘quv yiliga tayyorgarlik ishlarini jadallik bilan rivojlantirish hamda maktabgacha va maktab ta’limi tizimi bilan Qashqadaryo viloyatidagi o'quv markazlar hamkorligini yo'lga qo'yish, umumiy o'rta ta'lim maktablariga ularni biriktirish, o'quvchilarni oliy ta'lim muassasalariga kirish ko'rsatkichini oshirishga qaratilgan takliflar tinglandi.
Shuningdek, ochiq muloqot ko'rinishida tashkil etilgan yig'ilishda:
📃PQ 239-son qarori ijrosini ta'minlash;
◼️maktab + o'quv markaz hamkorligi
◾️o'quv markazlariga beriladigan imkoniyatlar;
▪️ta'lim natijalarini rag'batlantirish masalalari ham muhokama etildi.
Eslatib o'tamiz, hozirgi kunda Qashqadaryo viloyatida 24 ta nodavlat umumta’lim muassasalari faoliyat yuritadi. 2024-yil yakuniga qadar 4 ta yangi nodavlat umumta’lim muassasalari faoliyatini boshlaydi.
Qashqadaryo viloyati Maktabgacha va maktab ta'limi boshqarmasi axborot xizmati
@Qashqadaryo_MMTB
