الشاعرة ام زينب كربلاء

فزاعيه في حق ابوطالب والد الامام ع

الساده اليوم نصبو ماتم احزان
حزنانه الهواشم وال عدنان

............
واليوم الحزن عم المسلمين
ورسول الله عله عمه هلت العين
يتذكر رباه وتعب الاسنين
وايعزي الصميده بدمع جروان
............

ايون اليوم وايعزي الصميده
جر حسره عله عمه وصفك بيده
ونه عليه والونه شديده
صدك يصعب عليهم يوم الاحنان
............
حنين وراده ابوالقاسم تجيه
اوصه عليه ساعات المنيه
محمد سيد الامه ونبيه
جذب من كال مات الاديان
...........
هذا الربه ابوالقاسم وراعاه
وابوه عليه وكت الموت وصاه
بحظانه ربه وابروح يفداه
بولاده تفده سيد الاكوان
...........
ياشيخ ال الهاشم صبح مفكود
وابوالحسنين يبجي فاكد العود
ياباب الكرامه اليوم مسدود
خن نعزي النبي وداحي البيبان
.........

✍أم زينب كربلاء


https://telegram.me/um_zainab_kar telgram

*لطميه زينب ليلة وفاتها تخاطب رقيه (ع)*

*كتب دهري عليه*
*اموتن يم ورقيه*

*اليله اتنام بحظاني*
*واشتم ريحت خواني*

* اموتن يم رقيه*
.............
كتب دهري يعمه عليه وعليچ
يراويني الدهر لوعه ويراويچ
اجاني الموت عمه وراح الاگيچ

مشتاگه ارد احطننچ
وبحظاني ارد اصمنچ

يالرحتي من اديه * اموتن يم رقيه*
..................
وسولفچ عذابي وضيم الايام
رحت الدار ابوچ وشفت الالام
عگب ذاك الهظم رديت للشام

شفت منظر فجعني
عمه عيوني وصدعني

وهاج الحزن بيه *اموتن يم رقيه*
.............
مروني بمچان البيه الوگفنه
رقيه يوم شفنه روس اهلنه
راس حسين عينه تنظر النه

جني اسمع يحاچيني
وعله گبرچ يوديني

عينچ عله البنيه * اموتن يم رقيه*
..................
چنه ايگول خويه هنا تموتين
رقيه تخاف زينب يمها ترحين
انتي وياها بالغربه تضلي

خويه تسلي بيها
اتخاف وامنيها

حسين يوصي بيه *اموتن يم رقيه *
................
كتب وكتي عليه اموت يمچ
ولاواحد من اهلي ولامن اهلچ
رب الي قسم موتي قسملچ

نموت احنه غرايب
وبعيده الحبايب

وازورج هالمسيه *اموتن يم رقيه *
............
*✍🏻المله ام زينب كربلاء*


القصيده من كتاب الماسي العلويه
الجزء الثالث

https://telegram.me/um_zainab_kar telgram

نعي للابو عن لسان حال معصومه ع


هيبه الابو وتعجب صفاته
لونشد عن بته شحلاته
يشيلن روسهن بسمه بناته


خيمه الابو ونكعد بسده
حنين واشكي الحال عنده
وراح من ايدي اشيرده

ضلي يعيني مناطر الباب
واكطعي ظنونج من الاحباب
بعد مايمرون السدو الباب


شال الابو ونحل ابداني
وفراكك هدحيلي و عماني
ولج يادار وين الدللاني


وين الجان يتنشد علينه
صار اشكثر مانشد بينه
اشلون الكلب يكطع ونينه


امر بدار وانشدها عليهم
واشتاك للكعده وحجيهم
وننسه هظمنه من نجيهم


بتك بكت تجذب الونه
وتكول عافونه يااهلنه
وين احبابنه الكلهم محنه


وحشه وخليه ضلت الدار
من بعد شوفتكم يالاطهار
سريه بكت وماتنطفي النار


نارك جوت كلبي وتعدت
فركتك بحوالي اشخلت
معصومه عكب عيناك ذلت


ذليله صدك يشال ابوها
وتبجي وتريد الدللوها
حملو عنها وماخذوها


✍ام زينب كربلاء


https://telegram.me/um_zainab_kar telgram

هذه القصيده من كتاب المأسي العلويه
الجزء الثالث يتضمن من احاديث ونعي
اوهوسات وختاميات المجلس بمايخص
اخوان زينب ع

لطميه ثكيله للكاظم ع

فك الكيد من ايدي يسجاني
مااكدر انام وكيدك اذاني
.........
مااكدر اكوم الكيد ياذيني
ياسجان اصلي اليل خليني
نحيل الحيل ياسجان تدريني
فراك اهلي وعذابك غير اللواني
...........
يسجان ارد اسالك رجع اجوابي
اذا وصلت منيتي لاتسد بابي
تدريني غريب وفاكد احبابي
زماني بلااهل وابسجن خلاني
............
ابعاد اهلي عليه والسجن ظلمه
ودلالي تفطر من كثر همه
شلون المات ماعنده ولد يمه
من كيد السلاسل نحلت ابداني
............
كل هذا العذاب اوماكفه مولاك
تعذبني الرشيد الاامر اوصاك
ياسجان عذرك ما يفيد هناك
سمك بالجبد نيران جواني
...........
اعالج بالسجن والكيد بمتوتي
وتالي عاللجسره مطروح خلوني
متت مسموم محدغمض عيوني
يالكاظم مصابك حيل بجاني
.........
عالمصابك اون اواسجب العبره
وبيك اليوم اواسي فاطمه الزهره
ابجي عليك وعلل هشمو صدره
ساداتي ولجلكم ناصبه احزاني


✍أم زينب كربلاء

https://telegram.me/um_zainab_kar telgram

فزاعيه للكاظم ع عن لسان الزائر

ابابك وارد انشدنك يمسجون
ياهو المدداك وسد العيون
.........
ابابك وارد اصيحن اه يمولاي
ياهو المدداك ونكط الماي
ابد مافاركتني صورتك هاي
بساعات المنيه حالك شلون
........
اشوفك بالكيود وتهمل العين
السجن ظلمه ولايمك محبين
بيمن حشمت يبن الميامين
وانشدك سيدي وين السطرون
..........
عنك وين عمك راعي الزود
مايدري متت بالسجن مكيود
يحيدر كوم لبنك طر اللحود
عله العيله نشامه وماتنامون
.............

اريد انصب عزه لسمته اعداه
واخلي الحضره كلها ويلاه
الكاظم عالجسر مطروح خلاه
شلع كلبه الرشيد بكيد المتون
...........
جيتك وارد اسويلك عزيه
وعازي بيك زينب والزجيه
اريدن طلبتي وعينك عليه
اريد اسجل اسمي ويه اليعازون
..........

✍أم زينب كربلاء

https://telegram.me/um_zainab_kar telgram

لطميه بطور الشور للكاظم ع


مسموم مسموم مسموم عالج وحده
مسموم مسموم مسموم والسم مرده
.....................
ويلي يالكاظم تسيل عيونه
والحديد اشلون كص امتونه
راد اخوته وكل هله ايحضرونه
ويلوج ويلوج ويلوج محد مدده
..................

وحده ابن جعفر يلوج بغربته
ريت هذا اليوم بته حضرته
من يون بهداي تسمع ونته


ياحيف ياحيف ياحيف سموه العده
............

اه ياضيم السجن وامصابه
مات موسى ودمعته سجابه
بعاد عنه ومااجوه احبابه

ويلاه ويلاه ويلاه بحواله شسده
..............

كومو ياشيعه وانصبو هالعزاء
اليوم ناحت فاطمه بعبره وبكاه
اه يالمسجون الك تبجي السماء

والنوح والنوح والنوح لجلك ماهده
...........

عزي بمصابه الرضا ومعصومه
مات ابوها وجبدته مسمومه
اليوم ونت ونت المالومه

وتصيح وتصيح وتصيح يالمالك جده
.........

✍أم زينب كربلاء


https://telegram.me/um_zainab_kar telgram

نخوه للكاظم ع

مهظموم الكلب مولاي مهظموم
ياباب الكرم كاصدك اليوم
واريدن حاجتي منك يمسموم
.............
كضينه العمر حسره عالحسره
والجدم بالكوه نجره
نهل الدمع والعين حمره

.............
اذا دمعتي لالت بعيني
جدمي عليكم يوديني
يباب الكرم لا تخليني
..............
يالكلك ا مروه ندبناك
كلمن كسر الدهر بحماك
نشف الدمع يالكاظم ارجاك
...............
وين القسه بيه دهرها
ومن الهظم نافذ صبرها
للكاظم تجي ويجبر كسرها
.............

تكعد ابابي وحيل تنعه
وتبجي عالمكسور ضلعه
للكاظم وتتوسل بدمعه
.............
بدمعت حسين اتوسلي بيه
هظمج يشيله ومايخليه
عزيز ودمعته غاليه عليه

.................
كلمن رايده من بابه المراد
تبجي عله السحكوله الافاد
وتواسيه عالضلو بالاوهاد
.............

الكاظم ينعى الحسين ع ساعت المحتضر

الكاظم بجه بمنازع الروح
بونته ويصرخ يمذبوح
تذكر ذبحته وذيج الاجروح
.............
اتنحب حيل من جت المنيه
وجر ونه الغريب الغاضريه
وتذكر عمته بذيج المسيه
............

جرح الجبد مر ماحملته
وبجيت عالحزو ركبته
والشمر جاله بصف خيته
............

انه بونتي بتي بعيده
زينب واكفه وحزو وريده
تحشم ولاضلت شريده
...........

معصومه تظل بسد اخوها
ومن تبجي عليه ايصبروها
وزينب تايهه اوليه ولوها
...........
ماعدها اخوه ولاكو تجيه
وراحت عله الهزل سبيه
وعالثره البيهم حميه
.............



✍أم زينب كربلاء


https://telegram.me/um_zainab_kar telgram

هوسات نخوه للكاظم ع

يالعندج حوائج ابد لتحيرين
اكصدي لبوطلبه وهلي دمع العين
سبع بغداد هذا وكولي اشتريدين

(من جف الكاظم طلبيها)
..............

يبو جف السخي يالماترد طلاب
اجيت اليوم يامن للحوائج باب
اريد مراد منك رد علينه جواب

(مارد حيران الدك بابه)
.........
مشهوده الك يبن النبي المختار
امك فاطمه وجدك علي الكرار
كل مهظوم يمك مايضل محتار

(والكاصد يرجع بمراده)

.........

اليوم المجلسك ارد اعتني عنايه
وامشي عليك عمك راعي الرايه
ادري بيك زود وكلك اكفايه

( نعمين الكم يااهل الغيره )


كفو ونعمين من اهلك خذيت الزود
الك تاريخ يحجي عالكرم والجود
ينسل المجتبى البالكرم ماله احدود

(اهلا يالماخذ / زود من اجداده)


...........


✍أم زينب كربلاء


https://telegram.me/um_zainab_kar telgram

قصيده ثكيله نخوه الامام الكاظم


*يل كاظم انه اترجاك ردنه الطلب من يمناك*

*نضره ردت من عينه ابجف الكرم تطينه*

نضره ردت من عيناك


وين الكصدله مايرد//وحاشه يرد طلابه
ينضر ابعينه وبالكرم //ينطي الكرم لحبابه
متعنيه اجته وشيعته//وكفت اجت يم بابه
*الزاير تعنه وندباك ردت الطلب من يمناك*


الزاير تعنه الحضرتك / ودمعت حزن بعيونه
يقسم عليك بهل القسم / وبهالقسم سمعونه
بجاه الحسين والغربته / واخته المشت محزونه
*بهذا القسم اترجاك / ردنه الطلب من يمناك*

: يا سيدي ابراعي العلم اقسم عليك وعينه
ابذاك الهوه عل مشرعه ونكسر ظهر حسينه
ادري التعنه الحضرتك ومن تسمع انته اونينه يل *ماتردالينخاك ردنه الطلب من يمناك*


يالماترد كلمن كصد ودموعه تجري من العين
سموك ابوطلبه الخلك والطلب ماصار اثنين
من اولها تكضي حاجته يبن الكرم و الطبين

*بهل الاسم ربك سماك ردنه الطلب من يمناك*

تكضي الحوائج سيدي اي ونعم عنوانك
يمك اجيت وطلبتي اشدهه ابعلك بيبانك
باب المراد ونخوتك ابشاره انعرف برهانك

*حاشه ترد الطلباك ردنه طلب من يمناك*

*عمل مشترك من شاعرات اهل البيت ام زينب كربلاء والعلويه ام جعفر*


https://telegram.me/um_zainab_kar telgram

لطميه ثكيله للكاظم عن لسان معصومه ع


الباب السجن ودوني
وتشوف ابوي عيوني


اكعد واون ابابه
ويرد ابوي اجوابه

الباب السجن ودوني
.............
الباب السجن ارد اعتني /وابابه اكعد وانعاه
سجان ترحم حالتي / مشتاكه اشوفن ملكاه
خليني اسمع ونته / وبراظه امدن يمناه
وكت المنيه اوالدي/ كيد السلاس اذاه

لمن يجر بانفاسه
بجفوفي اعدل راسه

يااهل الرحم خلوني
الباب السجن ودوني
...........

الميت يريد احباب اله/ وكت المنيه ايحضرون
اوصي وصيته ويرتحل/ واهله عليه اينحبون
اتمنه اشوفن موتته / والبالسجن مات شلون
لحد حضر بموادعه / وماكو احباب ايونون

خلونه اكعد يمه
وشمت وداع اشتمه

اعزيزته وتدروني
الباب السجن ودوني
.........
ياروحي الموادع صعب/ ويه الذي اتحبينه
دلالي نيران اشتعل / واذكر وداع سكينه
وبيوم عاشر من اجت/ وحسين هلت عينه
وداع المنيه ودعج / وبعينح اتشوفينه

من كالج الله وياج
يسكينه اكلج كواج

وانه عليه خبروني
الباب السجن ودوني
...........
ارد انعه بدموع الحزن / وابجي واهل دمع العين
بصوت عالي ومنفجع / الله ايعين اخت حسين
من ودعت كل الاهل / وشافت مصاب الجفين
عالناكه راحت للسبي / وعزيزها بلاتجفين

لهذا المصاب ابجيله
وسجانه اكله ادخيله

خابت يناس ضنوني
الباب السجن ودوني
..........

يابويه من جاني الخبر / تمنيت كبلك ميته
تمنيت اكعد عالجسر / والوالي انطر جيته
يابويه حسره وبالكلب / الوالي ماودعته
لوراد يرحل كل ابو / لازم يوصي ابته

هذا الجره بحوالي
وبعيده عن الوالي

ياشيعتي عازوني
الباب السجن ودوني
...........

✍أم زينب كربلاء

..........


https://telegram.me/um_zainab_kar telgram

نعي للكاظم ع

ابوي المنيه من اجته
ون الحنين وذكر بته
وسالت عله الوجنه دمعته
.........
اشلون لوعلمي وصل ليج
ماتحملين الخبر ادريج
سمعي جواب ارد اوصيج
........
لوشفتي ظلمه اتذكريني
بويه كظت بيها اسنيني
وحك عيناج مابطل ونيني
..........
ردتج عالونه تلحكين
وعدراسي يمعصومه تكعدين
عالباب اون وشبحت العين
............
ردتج بالمنيه كاعده احذاي
وبيدج يبويه نكطي الماي
عطشانه عالشوفج بكت عيناي
............

جواب معصومه ع


علمك البتك من لفاها
يابويه وعيوني طفاها
ولجنازتج محد خذاها
........
يمك حاضره بويه تمنيت
واسمعك يبويه يوم ونيت
بويه متت بيه اشوصيت
........

شوصيت بيه بساعت الموت
بعيد الدرب ماتسمع الصوت
تمنت تجي والسجنك تفوت


تدري الابو عالكلب غالي
وياك حمل كل دلالي
بس الحزن والوعه صفالي
..........
اعتابي عالمسجون اوديه
بته تريده وتعتب عليه
وهظم الكلب للوالي تشكيه
...........

يالمضيعه الابو وياي وني
ياذخر كلبي الراح مني
غمض العين اشكال عني

.........

اتمنه عالجسر اكعد واتنايك
وبراظه يبويه اعتب اعليك
اشم ريحتك ومحنت البيك
.......
بعيد وريحتك عنت عليه
مشتاكه الكعداتك سويه
واعاتبك ليش اكطعت بيه
........
ليش اكطعت بيه وعفتني
بعدني بشوك كعداتك بعدني
ذبيت حملي واشمرتني
.........
عيونك عليه نامت اشلون
اتمنه احضرت وياليشعون
وزتك للكبر بدموع العيون
..........

✍أم زينب كربلاء

https://telegram.me/um_zainab_kar telgram

هوسات للكاظم ع

يالمسجون اذكرك واهمل دموعي
يحك عليك الطم واكسر ضلوعي
اسمعنك تلوج وزودت روعي

نزله مربوعه

اسمعنك تون وتلوج بالونه
جاوين هلك وحدك يالمجنه

هوسه

(اشلون تلوج الوحدك / يبن العياله)
.........

تلوج الوحدك عباس جاوينه
نام بكربله ومايسمع ونينه
مايدري الكاظم سوربت عينه

نزله

يطارش روح خل اهلها يحظرونه
كيد الجامعه من ايده يفلونه



(الكافل يحضر / ويفل اكيوده)

..........

نذكر قصته والعين هماله
كظه عمره بسجن ومفارك عياله
والسجان قاسي ومارحم حاله

سمم جبدته والسجن سد بابه
عليه كربت منيته ورايد احبابه

(يعالج وحده / وشابح بعيونه)

.........

عونه الكابلاك وحاضر الونه
اوداع الموت بلونات اودعنه
عليه اشكال ابوي اكعد واسمعنه
.

( عليه اشكال ابوي بساعت اوداعه)
(اتمنه حاضره وياك هل الساعه )

(وداع الموت اتوادع / ويه البيه غيره)
...........

عندي عتاب اعاتب والدمع جروان
خطوط السود اذبنها عله السجان
بموكت الموت ليش مسدد البيبان

( موتدري اليموت ايريد خوانه)
(عمي العين عالميت بزنزانه)


( يالكاظم يومك / طفه صبي عيني)
...........

عازي اليوم معصومه وذكريها
مضيعه العود وتريد اليعازيها
علمه من وصلها العين تجريها

( هد الحيل علمك من وصل ليها)
( اشكالت يوم كالو مات واليها)

(اشكالت بت الكاظم / ومن جتها اعلومه)


✍أم زينب كربلاء



https://telegram.me/um_zainab_kar telgram

لطميه نخوه للكاظم ع

ارد انخاك ارد انخاك
باب الكرم ارد انخاك

اترجاك اترجالك
بزينب واهلها اترجاك
...........

عندي طلب والمجلسك كصاده
وكلمن ترجه وياي تنطي مراده
كظاي حاجه ومايرد وفاده

من يمناك من يمناك

نريد الطلب من يمناك
...........
جيت عالبابك سيدي مهظومه
بجاه المشت متحيره ومالومه
حيران كلبي ودمعتي مسجومه

واحجي وياك واحجي وياك
بظيم الكلب واحجي وياك
............

باب الحوائج والكصدلك ماخاب
يالماترد كلمن تعنه و طلاب
نعمين من جدك يبن داحي الباب

اليتعناك اليتعناك

تستقبله اليتعناك
............
واليوم اجيتك والهظم غاطيني
وانده يبوطلبه ودمعتي بعيني
مولاي عندك حاجتي شكيني

والوالاك والوالاك
هيهات تنسه الوالالك
...............


يمك اسولف محنتي وهمومي
جنك تكلي عارفه بعلومي
اخذي امرادج من حضرتي وكومي

والطرواك والطرواك
فدوه اروح الطرواك
..........


✍أم زينب كربلاء


https://telegram.me/um_zainab_kar telgram

لطميه ثكيله للكاظم ع عن لسان الزهراء ع


ظلمه السجن /وابنج يون / يالزهره روحي اليله
جبده انمرد / مايمه احد / يم الحسن تجيله

.........
بضلعج المكسور اعتني/ لبنج وشوفي احواله
وحده يعالج بالسجن / بس دمعته هماله
لايمه جمعات اخوته / وبعيده عنه عياله
مسدود بابه وممتحن / والسم مرد دلاله

شوفي الجره/ يالطاهره/ الكاظم تهدم حيله
...........

مسموم ضل بغربته / والسجن سدو بابه
وصلت منيته وكربت/ يبجي واريد احبابه
يذكر مصابج وانتحب / عينه بكت سجابه
سطرة عيونه اذته / ونار الحزن لهابه

وكيد المتن /ولهله يحن / يافاطمه ونيله
...............

اليله تون ام الحسن/ تسمع ونين المسموم
وكفت ابيباب السجن/ حزنانه واروح تحوم
كامت تدك عالضلع / وتصيح اه يامظلوم
ملجوم جرح البالكلب/ وتذكرت ذاك اليوم

ظلعي انلجم / يااهل الشيم / والدمع دم تسيله
............

يوميه لاجمني الدهر / هذا الجره بحوالي
جم صوره بيهاالفاجعه/ضلت يشيعه ابالي
يوميه ملجوم الجرح/واذكر مصاب الغالي
ماطاب جرحي والاشفه / وسهم العده بدلالي

ابالي صور / سم ونحر / وعيني دمه تبجيله
........

اليله يم باب السجن / ابجي وتهل عيوني
واسمع الكاظم ونته / ينادي هلي ايلحكوني
من شفت بيده السنسله / صحت وتغير لوني
وناديت ودموعي جرن / ياشيعتي عازوني

بجدامي اجر / يم الجسر / ونعش الغريب انشيله
..............


✍أم زينب كربلاء


https://telegram.me/um_zainab_kar telgram

فزاعيه للكاظم ع لتشيع الكاظم ع

شيلي جنازت المسموم شيليها
عمامه عالنعش وبنوح شيعيها
.........
شيلي اجنازته اوني عله امصابه
وني ولبن جعفر شدي العصابه
معصومه بجت واتصيح يايابه
حزنانه عالبوها اليوم عازيها
........
شيلي اجنازته والروح محزونه
براظه لاتلجمن جرح بمتونه
من كيد العده ماطاب تدرونه
ودموعج عله المسموم هليها
.......
شيلي اجنازته والعين جريانه
ذكري البالسجن ماحاضره خوانه
بعالي الصوت صيحي هنا يمولانه
براظه والطمت المهيوب عدليها
........

عدلي لطمته ودكي عالهامه
حطي عالنعش هاليوم العمامه
الف ياحيف ماحضرو الوهامه
وسفه ابعاد اهلها مامشو بيها
...........
شيعي جنازته بنوح وبونه
وميدان ابوطلبه بله وسعنه
من جف كريم امراد اطلبنه
مكظيه الحوائج يالطلبتيها
...........

✍أم زينب كربلاء


https://telegram.me/um_zainab_kar telgram

فزاعيه للكاظم ع

شبيها الكاظميه اليوم مرجونه
يكولون ابن جعفر غمض عيونه
.............
اليوم مكدره وضجت ضواحيها
الناس مكدره والعين تجريها
مشايه اعتنت والرايه باديها
تدك عالجسر والشيعه محزونه
.........
تدك عالجسر وتصيح مولانه
ومتعنيه عالبابه بروح حزنانه
تون وتصيح عالميت بزنزانه
يعالج بالمنيه وكيد بمتونه
.........
تعنت لبن جعفر رافعه الرايه
يبن الزود الك كصدت المشايه
البابك والضريحك جايه اعنايه
ماتم والعزه لجلك ينصبونه
.........
وبجسر الرصافه جرت الونه
يالكاظم الك سالت مدامعنه
النايم عالجسر هذا ابن المجنه
ابن حيدر علي والكل يعرفونه
.......
مرجونه عليه وتعنت البابه
يم جسر الرصافه تلطم احبابه
متعنيه عله الماخاب طلابه
عالمسموم ابوصالح يعازونه
..........

✍أم زينب كربلاء


https://telegram.me/um_zainab_kar telgram

:
لطميه للكاظم ع عن لسان معصومه ع

ماودعتني ماودعتني
يابويه باخر ونتك ماودعتني
يالفاركتني يالفاركتني
روحي تحن الشوفتك يالفاركتني
.............

مشتاكه اشوفك بالوداع وانعاك
عونه الكعد وكت الموادع وياك
عد راسك اكعد من تشمر بيمناك
واحجيلك بضيم الكلب وترجاك

وياك اخذني وياك اخذني
يابويه تكتل غيبتك وياك اخذني
............
نار ابدليلي الفركتك تدريها
وصيتمن بتك يبويه عليها
وتدري غيابك والبعد ياذيها
وعله الهظم روحي بعدمابيها

يوم الوصلني يوم الوصلني
هدحيلي علمك يالابو يوم الوصلني


.........

مات الابو معصومه لا تترجين
جاني العلم و دموع صبيت العين
ميت الكاظم بالسجن ماتدرين
ريتج حضرتي بساعته وتونين

معصومه وني معصومه وني
واجنازته فوك الجسر معصومه وني
.............
ريتج تشوفين النعش من شالوه
فوك الجسرواربع حماميل اخذوه
محفوره اديه من الكيود وحطوه
الناس نادت وين اخوته ايحضروه

عميه عسني عميه عسني
ولاشفت ساعت فركتك عميه عسني

..........
اتمنه يمك من صحت يامظلوم
اجسم الم جبدك يبويه المسموم
وحدك تعالج بالسجن يامهظوم
ارد اسال السجان عن ذاك اليوم

ون وذكرني ون و ذكرني
من عالج باخر نفس ون وذكرني
.............



✍أم زينب كربلاء



https://telegram.me/um_zainab_kar telgram