اني نوس
تحملت هالاربع شهور مادري شلون
يجوز الي يقره عباله اني بالتحرير كل يوم
لا ولامره رحت لاسباب مو بإرادتي اكيد البعض مثلي يتمنون يرحون بس ميگدرون
تحملت حچي ولغوه فارغه بدون فهم وغلط على الثوار للستار من اهلي ومن الغربه
مگدر احد يضعط عليه ويخليني اداوم
اصلاً ماتخيل روحي ممكن ادرس بضل هيچي ظروف
تعجبت من روحي شلون صمدت
وماشكيت الا لجم شخص وعلى فترات متقطعه لان مو الكل فاضيلي
ساعدت بالنشر وهذا الشي الي گدرت اسوي ساعدت بفهم الوضع زين وبدون لغط
ساعدت بأن اكون حره ومو حچي فلان وعلان يمشيني اني اكره سوالف التنمية وهالخريط
بس اول مره يصير عدي قرار بوحدي بدون ما اهلي يدخلون اول مره اسوي شي لان اني مقتنعه بي اقتناع تام ورأي خاص بيه
وشغله كلش مهمه صعبه من أنت عدك قضية والكل ضدك بيها
اني عادي اتحمل رأي المقابل
بس اذا تدافع عن مجرم وماتهتم للي يموتون بسببه وشنو يعني واذا ماتوا وطبهم مرض وزعاطيط هم سوو بروحهم هيچ لارأيك خلي عفواً بطيزك وجوه قندرتي
ومن احد يگلك انت شكو تبجي وتهتم للمظاهرات شعليك قابل هذوله الي يموتون اهلك امك ابوك گرايبك
زين لعد شعدك تبچي على الحُسين وتتذكر قضيته شعليك ابوك اخوك عمك خالك گرايبك هو؟
حتى اذا چنت ماتأمن ب ولاشي و ب ولادين
بس قضيه حلوه ومعنى عظيم اذا اخذنا العبره منها حبيبي