❗СУСТРЭЧА АДБУДЗЕЦЦА Ў ДРУГІМ МЕСЦЫ❗
Апдэйт: Замак (Naujoji Riovoniu 10). Час таксама змяніўся — 22 сакавіка ў 19:00
Прычыны на тое апублікаваў Центар беларускай супольнасці, ў якім першапачаткова павінна была прайсці сустрэча 👇
Калі коратка, то сустрэчы з Уладзімерам Арловым ня будзе.
Калі разгорнута, то сустрэчы ня будзе з-за таго, што частка літоўскай супольнасьці занепакоеная тым, што ў Вільню прыязджае “галоўны ідэоляг літвінізму”. Літоўскі блёгер Жыльвінас Сьвітоюс зрабіў допіс у фэйсбуку з такім загалоўкам, пост атрымаў шмат увагі аднадумцаў, ёсьць камэнтары з пагрозамі. Мы ня можам ні гарантаваць бясьпекі Арлова, ні нашай.
Беларусам відавочна, што Арлоў не зьяўляецца літвіністам. Але хай гэта служыць нашай супольнасьці папярэджваньнем аб тым, што калі праблема камунікацыі між двух супольнасьцяў нам выглядае выдуманай, вырванай з кантэксту, зманіпуляванай прарэжымнымі маніпуляцыямі - гэта ня робіць яе менш сапраўднай для іншага боку. Гэты канфлікт будзе працягвацца. Беларуская супольнасьць у Літве мусіць актыўна яго вырашаць, і першым крокам гэтага вырашэньня абавязкова мусіць быць намаганьне зразумець прэтэнзыі літоўцаў са шчырай спагадай і цікаўнасьцю. Беларуская й літоўская супольнасьць - ня ворагі, яны маюць ворагаў супольных. Заклікаем паводзіцца сыходзячы з гэтай пазыцыі.
Нашая звычайная палітыка мадэратарства камэнтароў уключае выдаленьне камэнтароў, якія адкрыта заклікаюць да гвалту. Калі такія зьявяцца гэтым пастом зь літоўскага боку, мы ня будзем іх выдаляць. Калі людзям баліць, гэты боль варта чуць.
https://t.me/vilniaus20/777