البدايات ديما تجي حلوة ، فيها حماس ، فيها فضول، فيها طاقة تحسها تفتحلك الدنيا ، بس شوي شوي ، تبدا الأمور تبان على حقيقتها ، وتفهم إنَ مش كُل بِداية تكمل ، ومش كُل شي يبدا فرح ، ينتهي فرح النهايات مرات توجع ، ومرات ترَيح ، بس ديما خليك عارف إنها ، تعلّمك شني لي تسامح عليه وشني لي لا ، شني لي تبداه من جديد وشني لي تخليه وراك بِدون ندم الدنيا هكي بدايات ونهايات ، والذكي هو اللي يعرف يتعامل معاهم بنفس الرضا ، لإن كُل نِهاية مهما وجعَتك ، جاية بعدها بِداية يُمكن تكون أجمل ، المُهم إنك تفهم إنَ مفيش شي يدوم ، لا الفرح ولا الحُزن ، لا اللِقاء ولا الفراق ، كل مرحلة تخلي فيك أثر ، وفي الآخير اللي انتهي ما كانش خسارة ، كان درس خلاّك تعرف قيمتك وتختار بروح أهدئ وعقل أنضج .