#Табрик

🔘Мамлакатимизда маданият ва санъат соҳасини ривожлантириш, ўзбек миллий маданияти ва санъати нуфузини жаҳон миқёсида ошириш, ёш истеъдод эгаларининг қобилияти ва салоҳиятини рўёбга чиқариш борасида фидокорона меҳнат қилган ва юқори натижаларга эришган фуқароларни рағбатлантириш мақсадида, Ўзбекистон Республикаси Вазирлар Маҳкамасининг “Маданият ва санъат фидокори” кўкрак нишонини таъсис этиш тўғрисида”ги 2019-йил 20-мартдаги 236-сон қарори тасдиқланган бўлиб, фидокорона меҳнат қилган маданият ва санъат соҳаси вакиллари тақдирланади.

🇺🇿Жорий йилнинг 25-декабр куни пойтахтимиздаги “Ренессанс кино уйи”да бир гуруҳ соҳа вакилларига “Маданият ва санъат фидокори” кўкрак нишонини тантанали топшириш маросими бўлиб ўтди.

🌟Қувонарли томони, ушбу маросимда Юсуфжон қизиқ Шакаржонов номидаги Республика аския ва қизиқчилик санъати марказининг Олтиариқ тумани маҳорат мактаби раҳбари, таниқли кулгу ва сўз устасу Aбдулла Aкбаров “Маданият ва санъат фидокори” кўкрак нишони билан тақдирланди.

🎖️ Мукофотларни Ўзбекистон Республикаси Маданият вазири Озодбек Назарбеков ўз эгаларига топширди.

➡️Жонажон Фарғонамизнинг ардоқли фарзанди Aбдулла Aкбаровни юксак эътироф билан чин юракдан самимий муборакбод этиб, келгуси фаолиятларида улкан зафарлар тилаб қоламиз.
✔️ Ҳурмат ва эҳтиром ила Фарғона вилояти ҳокими ўринбосари Хуршиджон Ахмедов.

🟦🟦🟦🟦🟦🟦
🔵 Telegram 🌐 Facebook
🌐 Instagram