عند احتضار مولاي امير المؤمنين ص
يبكي فقالو ماذا يا ابتاه فقال

باجر الكاها تناطر
اخ شيجيبك يباجر
بشوك انادي بالسمه وينج انتي فاطمه
يازهرتي
****
اروحن انوحن عليها من البعد
من اديه المنيه خذت مني الورد
اجه الليل ولا حيل بقالي واستعد
للافراك وتشتاك بنتج والولد

بويه سلمنه عليها
كالو وقبلنه اديها
كلها كاتلنه الضمه وينج انتي فاطمه
يازهرتي
*
اسرعو وادفنو الجسد ماضل صبر
علاغياب الاتراب يلمنه بفد كبر
بالعيون اليشيعون خذو مني عمر
انسكرت وعبرتي بالخد جن جمر

من اشوفنها اكلهه
يابعد روحي واهلهه
يالحنينه سالمه وينج انتي فاطمه
يازهرتي
**
بلياج انه انعاج اشلون موسده
من اشوفج اعوفج . طريحه امدده
بجيناج فكدناج زوجه ووالده
ونحبنه اويه زينب لحضنج فاكده

اليمه لو سمعت بذنها
تشيب وحجيه جنها
صاحت ومتالمه وينج انتي فاطمه
يازهرتي

المسيه اذيه نبجي وننجمع
والحسين تسمعين يسولف علصبع
وباجر الحافر ثواب انطيه ضلع
واحسن انخبطن دمه بوجهي ودمع

عيني افكهه وشلكه يمي
طفله تبجي بصوت امي
ظلمه جانت معتمه . وينج انتي فاطمه
يازهرتي
*
شريتج ولكيتج الريتي انتي الهوه
اعرفج جفوفج لطبر راسي دوه
شبقالي ليالي ونرد نلتم سوه
مشيتي وبقيتي بدليلي وماروه

انه المفارك خليلي
امجانج تفطر دليلي
البيه اصدلج قائمه وينج انتي فاطمه
يازهرتي
*
زيد عدنان الزيدي