مناجاتي لقبوركم المهدمه المظلومه

رزقوني زيارتكم الموتني فاكدكم
زاير كربلا
الماشايف منايركم يستاحش مراقدكم
زاير كربلا

لو يمنه كبركم ماتهدم
نخلي المايزوره بشوك يندم
بحضره كل امام الناس تحلم
شوف اشكبره سوينه المخيم

اليطب الحضرته اعجوبه يطلع خالي بذنوبه
زاير كربلا
الماشايف مناريكم يستاحش مراقدكم
زاير كربلا

الهدم كبر امامي خل اكله
التله انصعدت و مابقت تله
الكاع بجدم زينب غير تغله
اليقدر نعمته اكبال الله يعله

هنيالي من اطب حافي الخير مغرك اجتافي
زاير كربلا
الماشايف منايركم يستاحش مرقدكم
زاير كربلا

وصلو لليهدم خله يسمع
اطب بذلتي وخادم امن اطلع
اتمنى اترابهم بهدومي يطبع
التراب براسي تاج تشوفه يلمع

خادم اسمي يحلالي الناس تصيحلي الغالي
زاير كربلا
الماشايف منايركم يستاحش مراقدكم
زاير كربلا
*
اشما اسال ولا الكه اليردون
بيش اتاثر اكبور اليموتون
منو هدمتو انتم ما تعرفون
شكلتو للنبي لمن تهدمون

اعذروني تره بشوكي حجيت ونفضت اعروكي
زاير كربلا
الماشايف منايركم يستاحش مراقدكم
زاير كربلا
*
اتمنى ازيارة اولاد الزجيه
ميت والبقيع ابعد عليه
من اشتاك ازور الغاضريه
واصد الصوبها وارفع اديه

سلامي يوصل اجروحي وانه بحضن مذبوحي
زاير كربلا
الماشايف منايركم يستاحش مراقدكم
زاير كربلا

زيد عدنان الزيدي