سئوگی سودا سینا گیرمک نه چتین بیر ایشیمیش
یاخچی اوددور جاناسالدیم  تاب اونا جان ائله سه

گؤزه لیم بیر باخیشیلا اوره یی الدن آلیب
عاشیق  ئ خسته سینین دردینه درمان ائله سه

بیلیره م  واردی زکاتی او گؤزه ل گؤزلرینین
مستحقم  بو  کاسیب جانیما احسان ائله سه

او ملاحتلی باخیشدان آنیرام سئوگی سؤزون
بئله نافیذ باخیشیلا منی حئیران ائله سه

نئیلیرم ناز و اداسین کی وفا ائدمه یه جک
ناز و غمزه یله بئله کؤنلومو ویران ائله سه

اووچو تک ائتدی شیکار  سرو روان صاحب جان
سینه می کیپریک اوخویلا بئله شان  شان ائله سه

اوخشاییر گولشنه یارین او گؤزل  گول جمالی
والئح اوللام داراییب تئللرینی  یان ائله سه

قیسمت اولسا دولانام کعبه ی کویون کسرم
بو شیرین جانیمی  من  مین کره قوربان ائله سه

آتارام دونیانی باشدان  یومارام جننته گؤز
سئوگی باغیندا  " تدین "  سنی باغبان ائله سه


#تدین

@qanadli_duyqular