هتافات القيادة رجعت تتردد علي مسامعي

💔😭
هتافات الثوره الحتفضل جوانا للأبد💙🇸🇩

بكره الشمس تسطع ،، والفي السجن يطلع ،، يتوحد السوداان من بعدما اتقطع ،، من نمولي لي حلفا ،، تتعمر الالفه ،، نطلع جبل مره ،، والعيشه ما مره ،، كل الخلوق حره ،، ايدينا تبقى سوا ،، نحصد بعد نزرع ،، يا روعه العمال داخلين على المصنع،، نمشي ف طرييق قداام خطواتنا ما بترجعع 💖✌
عايزين وطن صافي ،، لا فيه قبليه ،، لاا فيه جهويه ،، زرقه وعرب مافي ،، و وطنا هو السودان ،، واصلا سبب كافي ،، اولاد بنات دارفو ،، ما دمهم مويه ،، ولا كان ف يوم مهدور ،، فجر الخلاص قرب ،، فجر الخلااص قررب ✌💖💖💖🌸

لا بنكّل ولا بنمّل ولا بِنهَاب كتايب الظِل .

ارفع يدك فوق التفتيش بالذوق .
• ارفع يدك حبة والتفتيش بمحبة .
• يدك فوق تأمين لأخوك "ما تزعل" .
• الما بتفتش كوز! .
• كنداكةة بي جاي ، شفاتي بي هنا .
• كندااكة يمين ، شفاتةة شماال .
• تلفونك في يدك ، والبت الجمبك أختك

بمبان نرجعو ليه اي والله ، درقة نكسرها ليه اي والله ، ملتوفنا نحرقو بيه اي والله ، طوب ونرجعو ليه اي والله ، كاكيو ونشرطو ليه اي والله ، تلفونه نصوره بي اي والله ، منبرشات ننزلوا فيه اي والله .

الكوز جرا ، سكَّتو مرة ، من الاحفاد لي عطبرة .

يا ماشي لي امدرمان .. جيب لي معاك بمبان .. شرطاً يكون مليان .. لا فاضي لا كملان .. بي ريحة الثورة .

أي كوز .. وينو؟
ندوسو دوس .. جيبو
م بنخاف م بنخاف م بنخاف

ما حنتندس وما حنحاضر إلا الحكم المدني حاضر

ياوالدة كان شفتي..
ضربو الترس رصاص..
وانا في الترس واقف ..
ضربونا رصاصتين ..
رصاصه لي وطني ..
ورصاصه ليك انتي ..
والعكسري الشافع الدوشكا في ايدو ..
ذي لعبة الليدو ..
حقك علي يمه .. يايمه ماتبكي ..
انا لسه مامته.. بس ماتت الجثة ..
مات الظلم جواي..وانا باقي من سته ..
سته القياده هناك والماتو في اللسته ..
اعفيلي يايمه منك تراني بعيد ..انا مامفارقك يوم انا عمري بيك بزيد ..بس انتي ادعيلوا وطني البريدو شديد ..
طعم السقوط كيفنو ؟ م ضقنا ليه طعم ..
وينو الوحيد امه وينو الكبير البيت؟؟؟!!
ضربوه بالدوشكا جدعوه جوه النيل ..
شهيدنا عاش راجل وشهيدنا مات راجل ..
قال الوطن اولى..

أم الشهيد جاك الخبر ؟!
وروك حال ولدك هناك ..
يا يمه راح بي نار غدر
ما تم عمرو الجاي معاك
ولدك نجيض ما خاف كجر ..
ولدك عريس شايل رضاك
بدمو يا يمه أنستر ..
جرتق رصاص و بخور دعاك

ﻳﺎ ﻭﺍﻟﺪﺓ ﺃﻋﻔﻴﻠﻲ ..
ﻭﻋﺪﻱ ﺍﻟﻘﻄﻌﺘﻮ ﻣﻌﺎﻙ ..
ﺇﻧﻮ ﺍﻟﻜﻼﻡ ﻣﻤﻨﻮﻉ .. ﻓﻲ ﺷﻠﺔ ﺍﻟﺤﻜﺎﻡ
ﻳﺎ ﻭﺍﻟﺪﺓ ﺩﻣﻲ ﺑﻔﻮﺭ .. ﻟﻤﺎ ﺍﻟﺒﻠﺪ ﺗﻐﻠﻲ ..
ﻟﻤﺎ ﺍﻟﻌﺴﺎﻛﺮ ﺩﻳﻞ .. ﺍﻟﺸﻮﻫﻮ ﺍﻹﺳﻼﻡ
ﺟﺎﻳﺒﻴﻦ ﺗﻔﺎﻫﺎﺗﻢ ..
ﺳﺠﻨﻮﻧﺎ ﺑﺎﺳﻢ ﺍﻟﺪﻳﻦ ..
ﺣﺮﻗﻮﻧﺎ ﺑﺎﺳﻢ ﺍﻟﺪﻳﻦ ..
ﺣﻘﺮﻭﻧﺎ ﺑﺎﺳﻢ ﺍﻟﺪﻳﻦ ..
ﻛﺘﻠﻮﻧﺎ ﺑﺈﺳﻢ ﺍﻟﺪﻳﻦ ..
ﺍﻟﺪﻳﻦ ﺑﺮﻱﺀ ﻳﻤﺔ ..
ﺍﻟﺪﻳﻦ ﺑﻘﻮﻝ ﺍﻟﺰﻭﻝ .. ﺇﻥ ﺧﻠﻰ ﺣﻘﻮ ﻳﻤﻮﺕ ..
ﺑﻴﺨﺎﻭﻱ ﻓﻲ ﺷﻴﻄﺎﻥ ..
ﺍﻟﺪﻳﻦ ﺑﻘﻮﻝ ﺗﻤﺮﻕ ..
ﺗﻤﺮﻕ ﺗﻘﻴﻒ ﻓﻲ ﺍﻟﻀﺪ .. ﻭﺗﻮﺍﺟﻪ ﺍﻟﺤﻜﺎﻡ ..
ﺍﻟﺪﻳﻦ ﺑﻘﻮﻝ ﺍﻟﺰﻭﻝ .. ﺇﻥ ﺷﺎﻑ ﻏﻠﻂ ﻣﻨﻜﺮ ..
ﻣﺎ ﻳﻨﻜﺘﻢ ﻳﺴﻜﺖ ..
ﺑﺒﻘﻰ ﺍﻟﻐﻠﻂ ﺳﺘﻴﻦ ..
ﻛﻮﺯ ﺍﻟﺴﺠﻢ ﺑﻴﻐﺮﻑ .. ﻓﻲ ﺧﻴﺮﻧﺎ ﻭﻳﺘﻤﺘﻊ ..

يا يما ما تبكي.. انا لسه ما مته.. انا يماا لسه حي.. بس ماتت الجثه.. ماتت ظلم جوايي.. وانا واقف في سته.. سته القياده هناك.. وآل ماتو في ال لسته.. يما الخلاص قرب.. بس باقي ليهو حتى ✌️🇸🇩

ضاربنِي بالرّصاص
حارق قليب أُمّي
قايلنِي بسكُت ليك ؟
و الله ما بسكُت
و الله بس تسقُط
تسقُط سقُوط الموت
أنا دمّي غالي شديد
ما بيهدرُوه الكيزان
يا والدَة أرتي لي
أنا ما بسيب حقِّي
حقّ الشهيد غالي
حقّ البلد مفقُود
و الله بنجيبُو. ✌️🏽💔🇸🇩

الشهداء فقدو الروح خلي الوظيفة تروووح
اضرب أضرب خلي حميدتي يهضرب

دق النحاس من ضي
صوب الشوارع حي
مافيش تخاذل تب
مافينا زولا ني

يمة الوطن ضايع
كايس خطاوي شليل
و شليل مشى الشارع
سايق مهيرة معاو
لي حقو بيصارع
لا بخاف من الطلقة
لا الارزقي الطامع
مهما الظلم طول
فجر الخلاص طالع

‏صابرين صابرين صابرين
صابرين على ديل لمتين
ماشين مع ديل لي وين
ماشين شايلين الهم
شايلين الهم فوق كم
دا الهم بدفق وزاد
زال الامال وانجم
وانجم في صدور الناس
الناس الكايسا ملاذا
دا ملاذا يكون في خلاصا
دا خلاصا من الكيزان

‎✌️🇸🇩❤️

ﻳﺎ ﻣﺴﺘﺒﺪ ﻗﻮﻝ ﻟﻲ
ﺍﻟﻠﻴﻠﺔ ﺷﻦ ﺑﺘﺴﻮ؟!
ﻋﺒﺎ ﺍﻟﻬﺘﺎﻑ ﺍﻟﺠﻮ
ﻣﻠﺖ ﺍﻟﺤﻮﺍﺭﻱ ﺍﻟﺴﻮﺱ..
ﻣﻦ ﻛﻞ ﻓﺞ ﺟﻮﻙ..
ﻻ ﺟﻮﻙ ﻭﻻ ﺍﺳﺘﺮﺟﻮﻙ..
ﻭﺍﻟﻜﺎﻥ ﻣﻜﺘﻒ ﻫﻢ..
ﻣﻦ ﻗﺒﻀﺘﻚ ﻧﺠﻮﻙ
ﻣﺎ ﺣﻴﻠﺔ ﺍﻟﺮﺻﺎﺹ؟! ﻭﺍﻟﻤﺸﻨﻘﺔ
ﺍﻡ
ﺳﻠﺒﺔ؟!
ﻣﺎ ﺑﻔﻬﻢ ﺍﻟﻤﻜﺘﻮﺏ ﺍﻟﺒﻘﺮﺍ ﺑﺎﻟﻘﻠﺒﺔ
ﻋﻤﺎﻝﻭﻓﻼﺣﻴﻦ
ﺍﻟﺠﻨﺪ ﻭﺍﻟﻄﻠﺒﺔ
ﺳﺪﺍ ﻣﻨﻴﻌﺎ ﻫﻲ
ﻣﺎ ﺗﻜﺘﺮﻭﺍ ﺍﻟﻐﻠﺒﺔ
ﺑﻴﻨﺎﺗﻨﺎ ﻛﻠﻤﺔ ﺳﺮ
ﻻﻻ ﻟﺤﻜﻢ ﺍﻟﻔﺮﺩ
ﻗﺮﺏ ﺗﻘﺮﺏ ﺟﺎﻱ
ﺗﻠﻘﺎﻧﺎ ﻛﺎﻟﻬﺒﺎﺑﺎﻱ
ﻓﻲ ﻟﺤﻈﺔ ﺗﻠﻘﻰ ﺍﻟﺮﺩ
ﻛﻞ ﺍﻟﺸﻮﺍﺭﻉ ﺳﺪ
ﺃﺣﺮﺍﺭ ﻭﻣﺎ ﺃﺗﺒﺎﻉ
ﻣﺎ ﺑﻨﺸﺘﺮﻱ ﻭﻧﺘﺒﺎﻉ
ﺍﻟﻤﺠﺪ ﻟﻠﺴﻮﺩﺍﻥ
ﺣﺮﺍ ﻃﻮﻳﻞ ﺍﻟﺒﺎﻉ
ﺑﺮﺍ ﻭﺑﺤﺮﺍ ﻭﺟﻮ
ﻳﺎ ﻣﺴﺘﺒﺪ ﻗﻮﻝ ﻟﻲ
ﺍﻟﻠﻴﻠﺔ ﺷﻦ ﺑﺘﺴﻮ؟

ﻭﺍﻟﺪﺓ ﻳﺎ ﻣﺮﻳﻢ ... ﻳﺎ ﻋﺎﻣﺮﺓ ﺣﻨﻴﺔ
ﺃﻧﺎ ﻋﻨﺪﻱ ﺯﻳﻚ ﻛﻢ ... ﻳﺎ ﻃﻴﺒﺔ ﺍﻟﻨﻴﺔ
ﺑﺸﺘﺎﻕ ﻭﻣﺎ ﺑﻨﺪﻡ ... ﺍﺗﺼﺒﺮﻱ ﺷﻮﻳﺔ
ﻳﺎ ﻭﺍﻟﺪﺓ ﻳﺎ ﻣﺮﻳﻢ
ﻣﺎ ﻧﻲ ﺍﻟﻮﻟﻴﺪ ﺍﻟﻌﺎﻕ ... ﻻ ﺧﻨﺖّ ﻻ ﺳﺮﺍﻕ
ﻭﺍﻟﻌﺴﻜﺮﻱ ﺍﻟﻔﺮﺍﻕ ...