بۆ "عەدنان حەسەنپوور" و هاولفەکانی
"من و قەفەس"
جەللاد - دەرفەتێکی تری دا بە تاسەکەم
دیوار - رۆچنەیەکی تری دا... هەناسەکەم
مەمنون - ئەی قەفەس کە منت گرتە باوەشت!
مەمنون - ئەی سمیتی سڕی ژێر پیاسەکەم!

ژوورێک، کەیلی دووکەڵ و قورم و هەتاکو سەر
شێدار، پڕ دروشمی "نهێلیزم" و "بی پدر"
ئاسۆ، هەمیشە رەش نیە، گا نەختێ روون و گەش
جەللاد - دەرفەتێکی تری... هەڵفڕیمە دەر

وێنەم، بووەتە شاپەڕی رۆژنامە سوورەکان
دەنگێک، من دەڵێتەوە لەودیو سنوورەکان
هاتم، چ باس" ئاو- یەر"ی رۆحی پەژمەلام؟!
داخم، تەبا نەبوون گمەی کۆترە دوورەکان

هاکا، تەواو دەرفەت و دیسان من و قەفەس
هاکا، سەعات –پرزەبڕاو- ، ژووری بێ نەفەس
تەنیا، سمیتی سارد و رەق، شەتڵی "هێڤی"یەک
هەر خۆم، نسێم، یەک جگەرەی بێ هەڤاڵ و کەس
ئاوارە وڵات – 19-10-2014
https://telegram.me/aaware