والله فاجعني المصاب. كلبي يابو الغيره ذاب
وادري ماتحمل عتاب. يابو فاضل
،،،،،،،،،،،،،،،،،،،،،،1،،،،،،،،،،،،،،،،،،،،،،،،،،،،،،،،،،
يالجبتني بهيبتي وتاج الكفاله
ويالي طول سنيني ابد ماكتلي لاله
خويه احس كلبي انخمش شو مدري ماله
بيين اعليه التعب والحاله حاله
خويه فدوه خل نشيل،،،، وداعتك مابيه حيل
وكلبي يرجف يالكفيل، ،،يابو فاضل
،،،،،،،،،،،،،،،، 2،،،،،،،،،،،،،،،،،،،،،،،،،
خويه وي سبعين الف شسوي سبعه
باطل وكافر يزيد وكلها ربعه
ساعه ويصير الصبح منهو اليمنعه
والله جن صوت الشمر بذني اسمعه
ويه تكبير الأذان،،،،انفتحت ابواب الجنان
وادري بيك انت الامان،،،،،يابو فاضل
،،،،،،،،،،،،،،،،،،،،،،،،،،،،،، 3، ،،،،،،،،،،،،
خويه مثل السيل هاي جيوش اميه
وينه خل يفزع علينه البيه حميه
صاح يازينب يبت خير البريه
والله لاكلبها كلاب الغاضريه
لاتحشمين الغرب. والله لكلبها كلب
محبس بايدي الحرب،،،يابو فاضل
،،،،،،،،،،،،،،،،،،،،،،،،،،،،،،،،،،3،،،،،،،،،،،،،،،
ياكفيلي شلون بيه وهذا حالي
منهو من بعدك اصيحله يغالي
راسي عالي وبيك اضلن راسي عالي
لاتخليني تذل عيني الليالي
بشاربك ها يبن ابوي.....اسمعني ياعباس اخوي
وكتي خلاني الوي. يابو فاضل
،،،،،،،،،،،،،،،،،،،،،،،،،4،،،،،،،،،،،،،،،،
ناوي جنك عالموادع شو عفتنه
ومن اجيت كبالي جنك ماشفتنه
جنك اتخيلت مهرك وتركتنه
صيحلي حسين وتعال،،،،،اطلبلي ماي الهلطفال
شوفتك صارت محال. يابو فاضل
،،،،،،،،،،،،،،،،،،،،،،،،،،،،،،،،، 5،،،،،،،،،،،،،،،،،،،،،،
فدوه ريض خل اودعك خويه فدوه
خل اروح وياك اصيحن تكوه تكوه
فدوه خويه مروتك يابو المروه
روحي شبعت موت وكليبي تجووه
روحي ذوبها الونين،،،،مثل ون ام البنين
من تون اعلا الحسين. يابو فاضل
خادم الحسين. عبدالكاظم الجابري
وادري ماتحمل عتاب. يابو فاضل
،،،،،،،،،،،،،،،،،،،،،،1،،،،،،،،،،،،،،،،،،،،،،،،،،،،،،،،،،
يالجبتني بهيبتي وتاج الكفاله
ويالي طول سنيني ابد ماكتلي لاله
خويه احس كلبي انخمش شو مدري ماله
بيين اعليه التعب والحاله حاله
خويه فدوه خل نشيل،،،، وداعتك مابيه حيل
وكلبي يرجف يالكفيل، ،،يابو فاضل
،،،،،،،،،،،،،،،، 2،،،،،،،،،،،،،،،،،،،،،،،،،
خويه وي سبعين الف شسوي سبعه
باطل وكافر يزيد وكلها ربعه
ساعه ويصير الصبح منهو اليمنعه
والله جن صوت الشمر بذني اسمعه
ويه تكبير الأذان،،،،انفتحت ابواب الجنان
وادري بيك انت الامان،،،،،يابو فاضل
،،،،،،،،،،،،،،،،،،،،،،،،،،،،،، 3، ،،،،،،،،،،،،
خويه مثل السيل هاي جيوش اميه
وينه خل يفزع علينه البيه حميه
صاح يازينب يبت خير البريه
والله لاكلبها كلاب الغاضريه
لاتحشمين الغرب. والله لكلبها كلب
محبس بايدي الحرب،،،يابو فاضل
،،،،،،،،،،،،،،،،،،،،،،،،،،،،،،،،،،3،،،،،،،،،،،،،،،
ياكفيلي شلون بيه وهذا حالي
منهو من بعدك اصيحله يغالي
راسي عالي وبيك اضلن راسي عالي
لاتخليني تذل عيني الليالي
بشاربك ها يبن ابوي.....اسمعني ياعباس اخوي
وكتي خلاني الوي. يابو فاضل
،،،،،،،،،،،،،،،،،،،،،،،،،4،،،،،،،،،،،،،،،،
ناوي جنك عالموادع شو عفتنه
ومن اجيت كبالي جنك ماشفتنه
جنك اتخيلت مهرك وتركتنه
صيحلي حسين وتعال،،،،،اطلبلي ماي الهلطفال
شوفتك صارت محال. يابو فاضل
،،،،،،،،،،،،،،،،،،،،،،،،،،،،،،،،، 5،،،،،،،،،،،،،،،،،،،،،،
فدوه ريض خل اودعك خويه فدوه
خل اروح وياك اصيحن تكوه تكوه
فدوه خويه مروتك يابو المروه
روحي شبعت موت وكليبي تجووه
روحي ذوبها الونين،،،،مثل ون ام البنين
من تون اعلا الحسين. يابو فاضل
خادم الحسين. عبدالكاظم الجابري