Effektiv o'rganish
O'rganish davomida ko'p chalg'iymiz, biron narsani o'rganishda uzog'i 25 daqiqa chalg'imay tura olamiz odatda. Bu esa effektiv o'rganishga salbiy ta'sir qiladi. Xo'sh unda nima qilish kerak?
1. Fokus. Diqqat markazimizni faqat o'rganmoqchi bo'lgan narsamizga qaratamiz. Boshqa hech narsaga! Atrofdagi tovushlarga, telefon eslatmalariga, umuman texnikaga tupur. (O'rganish texnikaga bog'liq hollar mustasno)
2. His qil. Ingliz tili o'rganyapsanmi, o'zingni native speaker deb his qil. ITni o'rganyapsanmi, o'zingni dasturchi deb his qil. Yurist deb hisoblaysanmi? O'zingni yurist deb hisobla.
3. Tasavvur qil. Oddiy bir kinoda bo'lgan hodisalarni uni ko'rib bo'lgandan keyin birovga bemalol aytib berishing mumkin. Chunki sen uni visual holatda ko'rgan bo'lasan, tasavvur qilishga hojat qolmaydi. Lekin kitob o'qisang uni o'zing visual holatga keltirishing kerak. Miyyang teatr sahnasi bo'lishiga ruxsat ber, foydasi tezda seziladi - o'zing yaratgan teatrda tomoshabin bo'lib qolasan.
4. Miyyaga buyruq ber. Miyya juda dangasa, uni nazorat qilib, buyruq berib turmasang, qilmagan hayoling qolmaydi.
5. Tanaffus. Bir vaqtda ko'p miqdordagi narsani o'rganishga bo'lgan harakat unumdorlikni pasaytiradi. Past unumdorlikdan ko'ra umuman o'rganmagan yaxshi, har holda bu ham vaqtni bekor sarflashga kiradi. O'rganishni boshladingmi, faqat yuqori natijaga erish. Har 25 daqiqada dam olib turish, unumdorlikni yaxshigina oshiradi.
6. Adrenalin. Yuqori adrenalin xotirani vaqtinchalik kuchaytiradi. Shunday ekan, biron narsani o'rganishni, biron adrenalinni oshiradigan vaziyat bilan bog'la.
Eng muhimi, yuqoridagi qoidalarga doim amal qil.
P.S.:
O'rganish jarayonida har kimning o'z yo'li borligini unutmaslik kerak.
t.me/abdulazizmuminov©️ Grown'Roll
