بسم الله الرحمن الرحيم

(القدس ينادي)

طير يا طير ليش البُعد عنّا وغايب
وين كانت شجونك عن وطنّا بعيده

قال ياصاحبي حاولت ازاور واراقب
واقع (القدس) واحوال العرب والسعيده

صَحت بالصوت حطيت الدواء حيث واجب
بل واشعلت فيني نار ماهي جديده

داخلي عجت امواج الأسى والمتاعب
من حقيقه ومن اكبر مصيبه فريده

مر في حزن كوكب مثل كل الكواكب
شاف حزني والقى لي عباره فريده

الغضب ما يفيد لقدس يا كل غاضب
دام وان العرب في مشكلتها بليده

بعضهم يُعتبر خادم لكافر وغاصب
والبقيه تطبع والعلاقه حميده

لوا يقوموا جميع المسلمين بتقارب
وان يجف الضلال وكل طاغي نبيده

لو يتم التوحد من جميع الكتايب
ما بقى نسل خيبر يغتصب ما نريده

لازم اليوم نتولى حفيد ابن (طالب)
ما يزلزل حصون الكفر الا حفيده

لازم القدس يرجع واليهودي يُعاقب
ما أُخذ بالفقار اليوم با نستعيده

ومن تعاون مع (اسرائيل) جاه العواقب
والنتيجه نسقيه الفنى مثل سيده

شعب يا شعب حان الاقتلاع المناسب
دام وان العلم اشر عليهم بأيده

من شجاعة علي واقدام حمزه نحاسب
من طغى واستباح القدس في يوم عيده

من صمود ابن ياسر نصنع اكبر عجايب
نجعل احجار هذا الكون يعزف نشيده

من تفاني بلال وبأس قاصف وثاقب
والكروز المجنح والرجال الحَديده

يا ربى غزه استقبل رجال الحرايب
بصرك اليوم ينبض للعلم من وريده

موقفك اضهر الابطال من كل كاذب
واظهر اليد اذي من موقفك مستفيده

في قريب اليالي انت لنصر راقب
واستلم عزتك من شعب ارض السعيده

كلمات \\\\نمري عبدالله مطر
https://t.me/aboabdallahmatar