أبو منتظر الإمارة

في رحاب اهل البيت عليهم السلام
شهادت الامام الباقر عليه السلام
طور حلو بيارغهم
......
الباقر يضي عيني
ونتك تاذيني
هليوم اشوفن يمه واصل حدك
دمعة حزن يبني اشوف ابخدك
هاك اسمع اونيني
الباقر يضي عيني

خبرني ابوي المصطفى باليجري
اوصاني يابويه يفاطم صبري
تجري اعليج امصايب اتهد صبري
يخفون مقصدهم يبويه ذكري
يمنعني اوصيتي
ابالي اواهل بيته
يتهمني اهجر صوت منه اتعله
ماكو وصيه حسبنا اكتاب الله
من عنده اونيني
الباقر يضي عيني
.......
يبني اجيت اوظلعي بيدي الزمته
هلظلع تدري اعداي من هشمته
هجو علينه صحبته الغدرته
طيحوني اوبابي بحقد حركته
ظليت اشاكفهم
اولاحتني سطرتهم
اسس ظلمنه الاول اويه الثاني
انه الضحية الاولى التحداني
سكطلي اجنيني
الباقر يضي عيني
......
يمه تقرر قتلك ابذاك اليوم
يوم السقيفه ذاك يوم المشؤم
العتره گضوها لو ذبح لو مسموم
وتدري اشجره بحيدر ابوك المظلوم
والحسن فاجعته
والسلبو جثته
اخذو ييمهم ثارهم من احسين
ثارات بدر اواحد ثارات احنين
ما هود اونيني
الباقر يضي عيني
.........
في كربله يبني اويه قلة الناصر
ذبحو اولادي اويسرو الحراير
ذبحو رضيعي اوهذا ابد ما صاير
وحسين هشم صدره يبني الحافير
الراس ابرمح علوه
اوجسمه بحقد رضوه
صدره انهشم واخته ييمه اتنظره
صاحت ابلوعه اتعالي لي يا زهره
جاوبها اونيني
الباقر يضي عيني
.........../
في كربله انه حضرت احسيني
واختلط ون احسين ويه اونيني
ساعدني الله اشفت انه ابعيني
عطشان اسمعه ايكول يمه اسكيني
ولصدري ظميته
لاچني مسكيته
عطشان ضامي غمضيت اعيونه
ياشيعه بالماي ابني اتذكرونه
ظامي كضه احسيني
الباقر يضي عيني
......
ييني شسولف مدري امنين ابدي
اولسه اجروحي من المها تدي
غير الحزن يبني شنو الي عندي
واعدني ابوي ابوعد وانطر وعدي
المهدي من ذريتج
يحقق الامنيتج
ياخذ ابثار احسين وبثار اخته
من السقيفه اوكومها الحضرته
يتعله بيه ديني
الباقر يضي عيني
..........
انتظر وعد ال الله بيه واعدني
يظهر المهدي اوربي بيه ينصفني
ياخذ ابثاري امن الذي ظلمتني
السامري اوعجله اوكومه الروعتني
اوعترة رسول الله
رايتها تتعله
اويرجع الدين الاصله والاساسه
ويفوز ويانه الثبت اخلاصه
الباقر يضي عيني
.......
الحاجة ام احسان الخاقاني
4 ذي الحجة 1440 هـ

للطفل الرضيع..ع...

ماتت إبحلكي الدللول
يالي راسك فوكي مشيول
عايف أمك يا جرح
ونايم إبحضن الرمح
يمدلول
-------------------------؛
يمصلوب.. علرماح
تعال أشتم هوه
أحس. بيك..وأناديك
تجي ونكعد سوه
لتندار..الرمح حار
يمن نحره انجوه
ردت ماي. يعيناي
وطفه بعيني الضوه

شلك برمح المنيه
هذا حضني وهاي اديه
عجبه يا وجه الصبح
نايم ابحضن الرمح
يمدلول
--------------------------؛
عله النوك..وأصد فوك
وأحس طاحت سمه
قريناك .. إولكيناك
تفكر بالضمه
أتانيك .. وأناغيك
واكولن فاطمه
شنو إشصار.. يستار
رضيعي إشألمه

ليش ما تغمض عيونك
وأصفر ومنخطف لونك
وينك أوين الذبح
نايم إبحضن الرمح
يمدلول
-------------------------؛
الولد نام .. يظلام
وأخافن لا يفز
يملاح .. إلرماح
إبرماحك لا تهز
بلاصوت.. إبمشي الموت
يرمحه إلمرتكز
العطش صار..مثل نار
وعلي مي ما أعز

كافي يا نوك إشتونين
غافي فوكج وردة حسين
بطلي دمعج لا يسح
نايم إبحضن الرمح
يمدلول
--------------------------؛
يشيال .. إلهلال
حزينه قصتي
إلولد ذاك..وأنه ارجاك
تنزله الناكتي
والحسين.. يفك عين
إذا شم ريحتي
وبالاحساس..اهز راس
عزيزي وسلوتي

حتى لو ميت أرضعه
ذيجه فوك خدوده دمعه
ودمعه بيمن ينمسح
نايم إبحضن الرمح
يمدلول
-----------------------؛
تنزله .. ثواني
وإذا تكدر بعد
إعله إيدي.. تره النار
ولا خلت مهد
جنت دوم .. أباري
وأغطي لو برد
الدمع سال..الكلب كال
هله براس الولد

ياترف قاسي ذبحهم
وما يكفيلك رمحهم
وآنه أخافن تنجرح
نايم ابحضن الرمح
يمدلول
-----------------------؛
سلامات .. حرامات
يمعشوك الكلب
عله إرماح..أماشيك
يعبد الله صعب
تمنيت .. وترجيت
أموتن بالدرب
ولاشوف..عالخدود
دمع عينك يصب

إبلا سكف راح أكضي عمري
وعاشريتك وانته تدري
عشرة الزاد وملح
نايم إبحضن الرمح
يمدلول
-----------------------؛

قرأها الملا عمار الكناني
ش/علي الابراهيمي

في رحاب اهل البيت عليهم السلام
شهادت الامام الباقر عليه السلام
طور
هذا الغريب امنين
.........
اهة حزن مكتوم
من صدري المهشوم
من صدري المهشوم
الباقر ينور العين
انه ابوك احسين
انه ابوك احسين
.......
يبني يالباقر يغالي
اليوم اشوفنك تنازع
ليش يا علم الرساله
هيجت بيه المواجع
يبني السم ادري سهمك
يالشفت اقسى الفواجع
يالشفت اقسى الفواجع
اه
يبني دليلي ايلوب
ابنار الحزن ملهوب
ابنار الحزن ملهوب
لجلك اهل العين
انه ابوك احسين
انه ابوك احسين

..........
يبني يالباقر كصدتك
وامي الزهره تنظرك
شافت احوالك يبويه
صممت يبني تحضرك
تنشدك يبني اعله حالك
وشنهو السواه دهرك
او شنهو السواه دهرك
اه
يبني تكلك ليش
حرمو عليك اتعيش
حرمو عليك اتعيش
فتح يبويه العين
انه ابوك احسين
انه ابوك احسين
........
بويه انظر شوف حيدر
جدك اتعناك يبني
ايعاين الوضعك يغالي
اومدمعه يابويه يهمي
بويه يالباقر يكلك
كلبي بويه اعليك مدمي
كلبي بويه اعليك مدمي
اكصدتك يبويه اليوم
اتلكاني بويه اوكوم
اتلكاني بويه اوكوم
كلبي انجسم نصين
انا ابوك احسين
انا ابوك احسين
..........
الحسن يمك انظره
اوياي كاصدلك ابلوعه
ايشوف وضعك يا حبيبي
اوتجري لمصابك دموعه
ايعاين الصادق يودعك
اوحاني اوليدك اظلوعه
اوحاني اوليدك اظلوعه
اه
الصادق يون مذهول
اودمعه دمه مهمول
اودمعه دمه مهمول
وانا اون اونين
انا ابوك احسين
انا ابوك احسين
...........
جدك الهادي اعتنالك
اوهوه السماك باقر
انته التبقر علومه
اودينه ابعلمك يفاخر
هسه ايشوفك امدد
سممك ظالم غادر
سممك ظالم غادر
اه
اسمع نحيبه اعليك
بيده يمد رجليك
بيده يمد رجليك
حبك على الخدين
وانا ابوك احسين
انا انوك احسين
........
لشوكت يبقه المنه
والمصايب بينه اتحف
اعلينه تنهال المصايب
من سمه الالام تنزف
املبده اغيوم المأسي
نوبه تمطر نوبه اجف
نوبه تمطر نوبه اجف
اه
اليمته حزنه ايدوم
يالمهدي بويه كوم
يالمهدي بويه كوم
انقذ يبويه الدين
انا ابوك احسين
انا ابوك احسين

........
الحاجة ام احسان الخاقاني
27ذي القعده 1440 هـ

في رحاب اهل البيت عليهم السلام
طور سلطان المنبر
محله الابو
شهادة الامام الباقر عليه السلام
.........
الباقر انه المن زغري هظموني
او كل الجره صورته بعيوني
صورة ابوي اوعلته او ونته
اوصوره العمتي ابلوعه حاضنته
ونته
......
شفته ابعلته ايناديها سيف اوعصه انطيني
الغالي الوالي يا عمه طاح او بيده الحيلي
جيته الكيته علارض متمدد يحاجيني
جدك اوعمك بويه يالباقر شاهدت عيني
الروس بويه شفت شالوها
اوعلارض شفت الجثث داسوها
ما انسه بويه لوعته اونته
او صوره العمتي ابلوعه حاضنته
ونته
.......
مهضوم. مالوم. اصغير طفل يابويه اشبيدي
ادموعي اظلوعي محنيه بويه وانه اوحيدي
وينه اشكيله. عباس عمي باسمه ترديدي
احميني احسيني وين التجي والمن امد ايدي
بالحومه اركض وين ما ادري
وانه طفل متحير ابأمري
عباس علمشرعه شاهدته
و صوره العمتي ابلوعه حاضنته
ونته
......
ابني ابحزني ابني ابيوت اوانتحب بيها
انحب اعتب اعتب على الايام احاجيها
مجروح بالنوح كضيت عمري دمعتي اجريها
محزون وشلون اذكر اشصار ابعمتي وشبيها
اذكرها لمن اجو كيدوها
صاحت علي ايده دحلوها
هذا عليل اوعلته ضاهدته
و صوره العمتي ابلوعه حاضنته
ونته
........
ويلاه. جم اه في صدري محبوسه اوتإلمني
محتار والنار بالخيم شبت بويه اوجتني
فريت اورديت زين العبادي وضعه المني
ابهمه يمه يمه اوكفت وادموعي سبگتني
كتله يبويه كوم يالغالي
مكدر يكلي عاين الحالي
ما انسه نار الخيم وصلته
و صوره العمتي ابلوعه حاضنته
ونته
....

ايام. اعوام والدي عاش ابروح مفجوعه
ابالي الوالي يخلط شرابه اوزاده بدموعه
ابعبره اوحسره كربله ابصدره حانيه اظلوعه
مجروح وينوح يذكر الصار ابكربله ابلوعه
ايكول الغريب الهشمو صدره
محد تدناله اوحفر كبره
خلوه عاري اوسلبو جثته
و صوره العمتي ابلوعه حاضنته
ونته
........
صعبه ابغربه عايش ابوحدي انصار ما النه
الاعوان الخوان في كربله اويه احسين عافتنه
وبديت ربيت اصحاب تحمل هم عقيدتنا
واحميت واحييت سنة رسول الله قضيتنا
اوشيدت صرح العلم وابنيته
طلاب تروي عن اهل بيته
واحسين ما انساها فاجعته
و صوره العمتي ابلوعه حاضنته
ونته
......

هليوم مسموم انختمت حياتي ابغدر عدواني
يبني اسمعني يالصادق انته التورث احزاني
يبني يبني امصاب ابو اليمه ما اله ثاني
ذكره اتذكره هو ه قضيتي اوهوه عنواني
وصي الشيعه احسين لا ينسوه
مجلس عزاه يحيوه وينصبوه
ابوسط الكلوب احسين فاتحته
او صوره العمتي ابلوعه حاضنته
ونته
.......
الحاجة ام احسان الخاقاني
3 ذي الحجة1440هـ

✨💐 أحيوا أمرنا 💐✨

نرفع اجمل وابها التهاني لمقام الرسول الاكرم (صلى الله عليه وآله وسلم) ... والى مقام العترة النبوية الطاهرة ... لا سيما امام العصر والزمان ارواحنا له الفداء
ومنقذ البشرية الامام المهدي (عجل الله تعالى فرجه) ... والى علمائنا الاعلام (ادام الله ظلهم) ... واليكم اخوانی واخواتي المؤمنین ... زواج النور من النور علي وفاطمة (عليهما السلام) في الأول من شهر ذي الحجة

⚡🌹 نسألكم الدعاء 🌹⚡

■عفا بعدك الاِسلام حزناً وأُطفئت
مصابيح دين الله فالكون مظلمُ
■فيالك مفقوداً ذوت بهجة الهدى
له وهوت من هالة المجد أنجمُ
#عظم_الله_لكم_الاجر_واحسن_لكم_العزاء_باستشهاد_امام_الهدى_وعلم_التقى_جواد_الائمة_عليه_السلام