يا فرسان البيده و ولد ام عباس
شيموها البدوية ما بين الناس
و ألي راح براسه ايردلي بلا راس
و مرادم خلوها جيمان بخيل
ها يا بزرة هاشم صارم يتبع صارم
حين تصير ملاگة وادم تردم وادم
(امرادم صارت بالطف .... خيل و خياله)
________________________
ها يا عون اسمعني واسمع عثمان
من تصير ملاگه و تجبل فرسان
طشو نار الكبرى و غيمو دخان
من حيدر يا جعفر شد حيلك حيل
والـ ما يهدر دمه لا ابني و لا امه
بس اليگطع راسه يبين نشمي و زلمه
( اليوم يبين تعبي .... بروس الخياله)
_______________________________
يا خيال الشگره وتتسمه كحيل
من تبرز بالضحوه يچل بيها الليل
عباس اليحدبها من يعله الخيل
كون اسمع من تبرز بس صوت دخيل
ها يا ريح الصرصر يا هزبر يا ضغور
بس انت يعرفونك بالطف شمرة حيدر
(الماي مصوفر بالطف .... خوف من العباس)
____________________________
من يتلاگه العسكر من يلمع سيف
تتلگون الباشط چن ملگه الضيف
مرة و تحله بهاشم فنجان الكيف
من دموم العسكر خل يعله السيل
يا فرسان الهيجه يل ما تعرف ضيجه
ادري الينزل ليكم ينزل ناشف ريجه
(الطف مدخن و يشب ... غيرة من السادة)
___________________________
من تثگل تتوازه و تحتاج ثگال
لا ثلثين الخوله و لا حگ الخال
بس حسين عليكم يا ولدي عگال
و ألي داعه بخوله شوفوه الويل
والناده بگرابه شوفوه البگرابه
هاشم تلتذ بيها حين تصير طلابه
(الطف الغوث يصيح ... لو حان ملاگه)
________________________
#نزال_فزاعي
#ام_البنين_توصي_أبنائها
#ابو_نوح_الكناني
t.me/abonoh1
