ADU_ARM | RASMIY KANAL | AXBOROT-RESURS MARKAZI

Telegram sahifasiga kirib yana bir dunyo qimmatli bo‘lgan vaqtimni og’irlanishiga sabab bo’ladigan qaysidir kitob xaqida yozilgan sharx bo’lsa kerak deb ko’z tashlab qo’yganingiz balki bu satrlarni shunchaki o’tkazib yuborib e’tiborsiz qoldirishi mumkin. Shunday bo’lsada fikrlarim kimnidur e’tiborini tortib o’ylanishga majbur qilar degan umidda yozishga qaror qildim.

Hayot nihoyatda murakkab. Kimdir bu dunyoda jinoiy yo‘l bilan boylik orttirib, aysh-ishratda yashashdan hazar qilmaydi. Ushbu maqsadiga yetish uchun hatto birovlarning umriga zomin bo‘lishdan ham tab tortmaydi. Yana kimdir alamzadalikdan, ko‘ngliga ozor yetkazganlardan o‘ch olish uchun jinoyatga qo‘l uradi. Ammo kim nima sababdan jinoyat ko’chasiga kirmasin, oxiri afsus qiladi, qilmishiga yarasha jazosini oladi.

Rus adabiyotining mahoratli yozuvchisi Nikolay Vasilyevich Gogolning "Dikanka qishlog'i oqshomlari", " Dahshatli intiqom" asarida sir-sinoatlarga boy g'aroyib voqealar tasvirlangan. Yozuvchi mazkur asarni afsona, rivoyat, ertak, shuningdek, onasidan eshitgan hikoyalari asosida yozgan.

„Mahbub ul-qulub“(„Koʻngillarning sevgani“) 1500-yilda Alisher Navoiy tomonidan yozilgan asardir. Asar oʻzaro bogʻliq 3 qismdan iborat. 1-qism 40 fasl (bob) ni oʻz ichiga oladi. Bunda muallif oʻz davrining tipik vakillari hayotini tasvirlagan. 10 bobdan tashkil topgan 2-qismda yaxshi va yomon, maqtovga sazovor va nafratga loyiq hislatlar tafsiloti berilgan. 3-qismga masal va hikmatlar kiritilgan. Har bir jumla oʻzaro qofiyadosh. Asarning sajda yozilishi unga alohida badiiy nafosat bagʻishlagan. Asarga baytlar, ruboiylar kiritilib, ular ulugʻ shoir va mutafakkirning hayot haqidagi xulosalarini mujassamlashtirgan. Mahbub ul-qulub Alisher Navoiy asarlari tilini oʻrganishda muhim manba hisoblanadi.

Aslida seni dono qiladigan ikki narsa mavjud-sen o‘qiydigan kitoblar va sen uchratadigan odamlar

Mazkur o‘quv qo‘llanma 5120300-"Tarix"(jaxon mamlakatlari bo‘yicha) ta’lim yo‘nalishi o‘quv rejasida belgilangan 3-bosqich talabalari uchun "O‘zbekiston tarixi" fanidagi "O‘zbekiston 1946-1985 yillarida" O‘zbekiston mustaqillik yilida (1985-1991 yillar)" nomli bo‘limlari bo‘yicha tayyorlangan o‘quv adabiyoti bo‘lib, unda O‘zbekistondagi ijtimoiy-siyosiy jarayonlarning 1970-1991 yillardagi holat tahlil qilingan.

Xalq maʼnaviyatini boyitish yo‘lida olib borilgan kurashlar, milliy matbuot, adabiyot va teatrning odamlar tafakkurini oshirishdagi ahamiyati haqida asarlarida kuyunib yozgan, bu borada fidoyilik ko‘rsatgan, alaloqibat qatag‘onga uchraganlar haqida so‘z borarkan, Abdulla Qodiriy, Abdurauf Fitrat, Abdulhamid Cho‘lpon, Abdulla Avloniy, Mahmudxo‘ja Behbudiy, Munavvar qori Abdurashidxonov, Usmon Nosir, Isʼhoqxon Ibrat siymolari ko‘z oldimizda gavdalanadi.

Jadidlar o'z vaqtida jamiyat tanazzulining asosiy sababi - aholining ilm-ma'rifatsizligiga qarshi munosib kurash olib borishgan.
Ularning har biri millatimiz qahramoni, ulardan qolgan har bir ma'naviy me'ros esa oltindan ham qimmatdir. Shu o'rinda ijodiy jamoamiz bilan bir qator jadid namoyondalari asarlarini nashr etishga qaror qildik.
Ushbu to'plamga Mahmudxo'ja Behbudiyning sara asarlari kiritilgan bo'lib, ularni mutolaa etish jarayonida siz ham jadidlarning o'sha vaqtlardagi maqsadlari, orzu-umidlari, dard-iztiroblarini yaqindan his etasiz, degan umiddamiz!

Tashqi goʼzallik oʼzining pinhoniy ichki olami bilan yanada qimmatlidir. Kitob muqovasi zarhalli boʼlibgina qolmay, ichidagi mazmuni ham oltinga teng boʼlsa, u alohida ahamiyat kasb etadi.

Doimiy ishimni tashlab, tadbirkorlikni boshlagan kunimni hayotimdagi eng tashvishli kun desam ham bo‘ladi. To‘g‘ri-da, o‘sha kundan boshlab endi har oy maosh olmasligimni bilardim. Ta’til puli haqida-ku, gapirib o‘tirmasayam bo‘ladi. O‘sha kundan boshlab daromadim “nol”ga tenglashdi. Maoshsiz qolish hayotimdagi eng qo‘rqinchli holat edi, lekin eng yomoni - qachondan boshlab daromad ola boshlashimni ham bilmasdim.

Amerikalik taniqli adib Lesli Uoller qalamiga mansub ushbu roman, "Yunayted-benk trast kompany"ning vitsa-prezidentligiga tayinlangan Vuds Palmer, oilasi bilan Nyu-Yorkka ko'chib keladi . Uning asosiy vazifasi banklar o'rtasidagi raqobatda yutib chiqish va bankni asrab qolishdan iborat.

Ushbu ensiklopediyada yurtimizning yetakchi olimlarining ilmiy faoliyati va yutuqlari aks etgan. Ensiklopediyada chop etilgan olimlar biografiyalari taniqliolimlar.uz platformasida va wikipedia.org onlayn ochiq ensiklopediyasida ham joylashtirilgan.

Qo‘llanmada tabiatni muhofaza qilishning dastlabki ilmiy nazariy asoslari, so‘ngra mahalliy materiallar asosida tabiatni muhofaza qilish-atmosfera havosini va suvlarni ifloslanishdan, tuproq va foydali qazilmalardan oqilona foydalanish va o‘simlik hamda hayvonat olamini muhofaza qilish, respublikadagi yodgorliklarni muhofaza qilish masalalari, shahardagi shovqin va tovushlarni kamaytirish yo‘llari ko‘rib chiqiladi.

Mazkur asar Vatanimiz tarixining og‘ir va musibatli zamonlari-mo‘g‘ul bosqini va istibdodi davri voqealarini yoritishga bag‘ishlangan. Romandagi voqea va hodisalar, personajlarning xatti-harakatlari Xorazmday ulkan va qadim davlatning tanazzuliga sababchi bo‘lgan Xorazmshoh va volidasi Turkon xotun obrazlari atrofida mujassamlashgan.

Asar qahramonlari prokuratura tergovchilari - Faxriddin va Sanjarbek bu safar juda antiqa jinoyatni tergov qilishga kirishadilar. Buxoroning so‘nggi amiri Said Olimxonning yo‘qolgan xazinasi bilan boǵliq tarixiy voqealar va xazina atrofida ayni zamonda sodir bolayotgan dahshatli jinoyatlar tergovchilarning yuksak mahorati, qat’iyati, shijoati tufayli fosh etiladi va aybdorlar tegishli jazoga tortiladilar.

Koinot uying ostonasidan boshlanadi, agar ostonangdayoq tugasa — undan yomoni yo'q!