ADVOKAT(yurist)

⚡️Qanday hollarda transport vositasi jarima maydonchasiga olib ketiladi?

❇️O‘zbekiston Respublikasining Ma’muriy javobgarlik to‘g‘risidagi kodeksida transport vositalarining qanday holatlarda jarima maydonchasiga qo‘yilishi tartibi aniq-tiniq qilib belgilab berilgan.

Ichki ishlar organlari tomonidan quyidagi holatlarda transport vositalari jarima maydonchasiga joylashtirilishi mumkin:

🔹 tormoz tizimida, rul boshqaruvida yoki ulovchi qurilmada nosozligi bo‘lgan yoxud ruxsatnomasiz qayta jihozlangan transportlar boshqarilganda;

🔷 foydalanish man etilgan transport vositalari, shuningdek davlat raqami o‘zboshimchalik bilan yechib olingan transportlar boshqarilganda;

• 🔹 davlat raqami yasama yoki o‘zgartirilgan transport vositalari, shuningdek davlat raqami shu transport vositasiga tegishli bo‘lmagan transport boshqarilganda;

🔹 ruxsatnomasiz og‘ir vaznli, yirik gabaritli, xavfli yuklarni tashish va yuk bilan yoki yuksiz holdagi gabarit o‘lchamlari belgilangan normalardan ortiq bo‘lgan transportlarda yo‘lga chiqilganda, xuddi shuningdek ruxsatnomada ko‘rsatilgan harakat yo‘nalishidan chetga chiqilganda;

🔹 ko‘zgusimon va (yoki) tusi o‘zgartirilgan oynali transport vositalaridan, haydovchining o‘rnidan tevarak-atrofni ko‘rishni cheklaydigan qo‘shimcha narsalar o‘rnatilgan yoki qoplamalar surtilgan transportlardan foydalanilganda;

🔹 ruxsat olmasdan transportlarga tovush chiqaruvchi va yorituvchi qurilmalar o‘rnatilganda, shuningdek davlat raqamini ko‘rish imkoniyatini cheklaydigan ashyolar o‘rnatilganda va qoplama surtilganda;

🔹 to‘xtash yoki to‘xtab turish qoidalari buzilganda (agar transport vositasining haydovchisi bo‘lmasa va to‘xtash yoki to‘xtab turish qoidalarining buzilishi yo‘l harakati ishtirokchilarining harakatlanishiga xalaqit bersa);

🔺 transport alkogolli ichimlikdan, giyovand modda ta’siridan yoki o‘zgacha tarzda mast holda boshqarilganda;

🔺 alkogolli ichimlikdan, giyovand modda ta’siridan yoki o‘zgacha tarzda mast shaxsga transport vositasini boshqarish topshirilganda;

🔺 transportni boshqarish, unga egalik qilish, undan foydalanish, tasarruf etish huquqini tasdiqlovchi, ro‘yxatdan o‘tkazganlik to‘g‘risidagi hujjatlari, sug‘urta polisi, qonun hujjatlarida nazarda tutilgan hollarda esa litsenziya kartochkasi yoki yo‘l varaqasi yonida bo‘lmagan haydovchilar transportni boshqarganida, shuningdek ishonchnomalarni, transportni boshqa shaxsga o‘tkazish va ijaraga berish shartnomalarini ro‘yxatdan o‘tkazmasdan transport boshqarilganida;

🔹 transportni boshqarish huquqi bo‘lmagan shaxslarning transportni boshqarganida, shuningdek boshqarish huquqi bo‘lmagan shaxsga transport vositalarini boshqarish topshirilganda;

🔹 transportni boshqarish huquqidan mahrum etilgan shaxslar transportni boshqarganida;

🔹 majburiy sug‘urta bo‘yicha majburiyat bajarilmaganida;

🔹 sug‘urta polislarida belgilanmagan davrda hamda sug‘urta polislaridagi shartlarni buzgan holda transport boshqarilganda;

🔺 haydovchilar alkogolli ichimlikdan, giyovand modda ta’siridan yoki o‘zgacha tarzda mastlik yoki mast emaslikni aniqlash uchun tekshiruvdan o‘tishdan bo‘yin tovlaganda hamda mazkur huquqbuzarlik transportni boshqarish huquqi bo‘lmagan shaxs tomonidan sodir etilganda;

🔹 yo‘l-transport hodisasi qatnashchilari hodisa yuz bergan joydan ketib qolganida;

🔹 yo‘lovchilar litsenziyasiz tashilganda;

🔸 haydovchilar ichki ishlar organlari xodimining transportni to‘xtatish haqidagi qonuniy talabini bajarmaganda;

🔸 ov qilish va baliq ovlashning taqiqlangan qurollari tayyorlangan, olib kirilgan, saqlangan, tashilgan, yuborilgan, olingan yoki sotilganda;

🔸 qonun hujjatlarida to‘g‘ridan-to‘g‘ri nazarda tutilgan boshqa hollarda.

‼️Demak boshqa holatlarda jarima maydonchasiga olib ketilmaydi.
🛫foydali ma'lumotlarni tanishlarga ulashing!!
👇👇Kanalga ulanish👇👇
Telegram channel: @ADVOKAT_va_YURIST
Savol yuborish :@Bosh_Yuriskonsult

⚡️Нақд пулсиз ҳисоб-китоб қилган истеъмолчилар рағбатлантирилиши мумкин

“Истеъмолчиларнинг ҳуқуқларини ҳимоя қилиш тўғрисида”ги Ўзбекистон Республикаси Қонунига қўшимча ва ўзгартишлар киритиш ҳақидаги Қонун (ЎРҚ–746-сон, 18.01.2022 й.) Президент томонидан имзоланди.

Киритилган қўшимчаларга мувофиқ, ишлаб чиқарувчи (ижрочи, сотувчи) ҳақидаги, савдо ва хизмат кўрсатиш қоидаларига оид маълумот истеъмолчига давлат тилида берилади.

Товарда (ишда, хизматда) нуқсонлар борлиги ва унинг норматив талабларга мувофиқ эмаслиги аниқланганда, сотувчи мазкур нуқсонларни аниқлаш учун текшириш ўтказиш билан боғлиқ харажатларни тўлиқ қоплаши керак.

Қонун билан товарларни ахборот тизимлари орқали реализация қилишда истеъмолчи ҳуқуқларини ҳимоя қилиш тартиби белгиланди.

Унга кўра, ахборот тизимлари орқали тузилган шартнома бекор қилинганда, сотувчи истеъмолчига товарни қайтариб бериш жойи тўғрисида хабар бериши керак.

Истеъмолчининг айбисиз етказилган шикастлантиришлар, шунингдек товарни кўздан кечириш ва уни текшириб кўриш мақсадида қадоғини очиш сабабли товар қийматининг пасайиши истеъмолчини шартномани бекор қилиш ҳуқуқидан маҳрум этмайди (юқоридаги тартиблар 3 ойдан сўнг кучга киради).

Товарлар учун ҳақ тўлаш шаклига қараб (нақд пулли ёки нақд пулсиз) товар нархини ошириш ёки пасайтириш тақиқланади, товарлар (ишлар, хизматлар) учун нақд пулсиз ҳақ тўланганда, истеъмолчиларга рағбатлантиришлар берилиши мумкин.

🛫foydali ma'lumotlarni tanishlarga ulashing!!
👇👇Kanalga ulanish👇👇
Telegram channel: @ADVOKAT_va_YURIST
Savol yuborish :@Bosh_Yuriskonsult

⚡️⚡️⚡️ KIMLARGA TEKINGA UY-JOY BERILADI ?

✅Uy-joy kodeksi 19-moddasi va “Davlat uy-joy fondini shaxsiy boshqarish”gi qonunining 7-moddasiga muvofiq;

📌Quyidagi holatlarga Davlat yordami tekinga uy-joy beriladi.

👉 Turar joylari avariya holatidaligi yokiiy ofatdan zarar koʻrganligi belgi tartibida tan olingan vositalarga Oʻzbekistonga vazirlar Mahkammasi sifatlangan belgilarga muvofiq;

👉 Fuqarolarning davlat va jamoa ehtiyolari uchun er uchastkalari olib qo'yilishi munosabati bilan uylari buziladi, agar ularga buzulgan uylari evaziga pul to'langan bo'lsa, davlat uy-joy fondi uylaridan o'tgan joylari, ta'biiy ofatlar paydo bo'lishida uylari olinib, munosabatlari bilan bog'liq, bulgan kvartiralar qachon ajratilganidan qat'i nazar, ularga yoki ularga vorislariga tekinga beriladi.

❗️Demak uch xilda tekinga uy berilar ekan.

Bular:

1) Yashab kelayotganingiz uyingiz tokilib tushish arafasida bo‘lsa.

2) Uyingiz tabiiy ofatdan buzilgan holda.

3) Uyingiz snosga tushib buzilib pul to'lamagan bo'lsa.

🛫foydali ma'lumotlarni tanishlarga ulashing!!
👇👇Kanalga ulanish👇👇
Telegram channel: @ADVOKAT_va_YURIST
Savol yuborish :@Bosh_Yuriskonsult

#Savol: Farzandlarimni erimning roziligisiz chet elga olib chiqishim mumkinmi?

📌javob
O’zbekiston Respublikasi Prezidentining 2011 yil 5 yanvardagi PF-4262-sonli Farmoniga 2-ILOVA “O’zbekiston Respublikasining fuqaroligi bo‘lmagan shaxslarining biometrik harakatlanish hujjati to‘g‘risida”gi NIZOMning II bolimida “Harakatlanish hujjatini rasmiylashtirish, berish va undan foydalanish tartibi” belgilangan.
✅Ushbu nizomning 12-bandiga asosan O’zbekiston Respublikasi hududida doimiy yashovchi fuqaroligi bo‘lmagan shaxs harakatlanish hujjatini olish va almashtirish uchun o‘zi doimiy yashash joyi bo‘yicha ro‘yxatga olingan joydagi ma’lumotlarni yig‘ish punktiga quyidagilarni taqdim etadi:
—belgilangan shakldagi ariza;
—ilgari berilgan harakatlanish hujjati;
—fuqaroligi bo‘lmagan shaxsning O’zbekiston Respublikasida istiqomat qilishi uchun berilgan guvohnomasi;
—tug‘ilganlik haqida guvohnoma (16 yoshga to‘lmagan shaxslar uchun);
—ota-onalar, vasiylar (homiylar)ning fuqaroligi bo‘lmagan shaxsga (voyaga yetmaganlar uchun) xorijga chiqishi uchun notarial tasdiqlangan roziligi;
—fuqaroligi bo‘lmagan shaxsga (voyaga yetmaganlar uchun) hamrohlik qiluvchi shaxsning notarial tasdiqlangan majburiyati;
—35 x 45 mm o‘lchamdagi 2 ta fotosurat;
davlat boji to‘langanligi haqida kvitansiya.
15 yoshdan 18 yoshgacha bo‘lgan fuqaroligi bo‘lmagan shaxslar ota-onalar, vasiylar (homiylar)ning voyaga yetmagan shaxsning mustaqil ravishda xorijga chiqishiga notarial tasdiqlangan roziligi bo‘lgan taqdirda xorijga kuzatuvchisiz chiqishi mumkin.
✅Nizomning 13/1bandiga asosan Voyaga yetmagan fuqaroligi bo‘lmagan shaxsga harakatlanish hujjatini rasmiylashtirishda quyidagi hollarda ota-onalardan birining roziligi talab qilinmaydi:
— ota-onaning biri vafot etganida (vafot etganlik to‘g‘risidagi guvohnomaning nusxasi taqdim etilgan taqdirda);
—fuqarolik holati dalolatnomalarini yozish organi tomonidan berilgan yolg‘iz ona to‘g‘risidagi ma’lumotnoma mavjud bo‘lganda;
—agar bolaning ota-onasidan biri chet el fuqarosi bo‘lsa;
—ota-onalardan biri sud tomonidan ota-onalik huquqidan mahrum qilinganida (sud qarorining nusxasi taqdim etilgan taqdirda);
—ota-onalardan biri sud tomonidan bedarak yo‘qolgan deb topilganda (sud qarorining nusxasi taqdim etilgan taqdirda);
—ota-onalardan biri sud tomonidan muomalaga layoqatsiz deb topilganda (sud qarorining nusxasi taqdim etilgan taqdirda);
—agar ota-onalardan biri O’zbekiston Respublikasi hududidan o‘chirilganda va xorijda doimiy yashayotganda.

Ushbu masala yuzasidan ota-onalar yoki ularning o‘rnini bosuvchi shaxslar o‘rtasida chiqqan har qanday nizolar sud tartibida hal qilinadi.

‼️Ota-onalardan biri o‘z bolasining xorijga chiqishiga rozi bo‘lmagan taqdirda, uning xorijga chiqish huquqini cheklash uchun sudga murojaat qilish huquqiga ega.

❇️16 yoshga to‘lmagan shaxslar nomidan ularning ota-onalari, vasiylari (homiylari), ushbu shaxslarni xorijga yuborayotgan tashkilotlarning vakillari tegishli arizalar bilan murojaat qiladilar

❌Fuqaroligi bo‘lmagan shaxsning harakatlanish hujjatidan foydalanish qoidalarini buzganlik uchun javobgarlik belgilangan.

Demak, sud tartibida nikoh bekor qilingan taqdirda ham farzandda otalik huquqi mavjud boladi, fuqaroligi bo`lmagan farzandingizni chet elga sayohatga o’zingiz bilan birga olib chiqish uchun otasining natarial tasdiqlangan roziligi talab etiladi.
🛫foydali ma'lumotlarni tanishlarga ulashing!!
👇👇Kanalga ulanish👇👇
Telegram channel: @ADVOKAT_va_YURIST
Savol yuborish :@Bosh_Yuriskonsult

#savol Rafiqamda kovid aniqlandi. Men maktabda ishlayman, shifokorlar 14 kun karantinda o'tirishimizni aytishdi men ishga chiqmasam ham oylik maosh saqlanadimi❓

Sizga karantinda bo‘lgan kunlaringizga o‘rtacha oylik ish haqining 100 foizi miqdorida vaqtincha mehnatga qobiliyatsizlik nafaqasi to‘lanadi.

❗️Mehnat kodeksining 285-moddasiga ko’ra, vaqtincha mehnatga qobiliyatsizlik nafaqasi kasal bo‘linganda, mehnatda mayib bo‘lgan yoki boshqacha tarzda shikastlanganda, shu jumladan turmushda jarohatlanganda, oilaning betob a’zosini parvarish qilganda, karantin e’lon qilinganda, sanatoriy-kurortda davolanganda va protez qilinganda to‘lanadi.

❗️O‘zbekiston Respublikasi Prezidentining 2020-yil 19-martdagi “Koronavirus pandemiyasi va global inqiroz holatlarining iqtisodiyot tarmoqlariga salbiy ta’sirini yumshatish bo‘yicha birinchi navbatdagi chora-tadbirlar to‘g‘risida”gi PF-5969-son Farmoni 16-bandiga ko’ra koronavirus infeksiyasi bilan zararlanishi yoki zararlangan deb gumon qilinishi munosabati bilan karantinga joylashtirilgan ota-onalar (ular o‘rnini bosuvchi shaxslar, vasiylar, homiylar), shuningdek, ularning 14 yoshgacha bo‘lgan bolasini parvarish qilayotgan shaxslarga o‘rtacha oylik ish haqining 100 foizi miqdorida vaqtincha mehnatga qobiliyatsizlik nafaqasi to‘lanadi.

❗️Shuningdek, “Davlat ijtimoiy sug‘urtasi bo‘yicha nafaqalar tayinlash va to‘lash tartibi to‘g‘risida” gi Nizomning 17-bandiga ko’ra, agarda xodim karantin vaqtida sanitariya-epidemiologiya xizmati organlari tomonidan atrofidagi shaxslar orqali yuqumli kasallikka chalinish xavfini oldini olish maqsadida ishdan chetlatilgan bo‘lsa nafaqa beriladi.

❗️“Mehnatga layoqatsizlik varaqalarini berish tartibi to‘g‘risida”gi Yo’riqnoma 46-bandiga ko’ra, uy sharoitida karantinga olingan shaxslarga hamda karantinga olingan shaxslarning 14 yoshgacha bo‘lgan bolasini parvarish qilayotgan shaxslarga mehnatga layoqatsizlik varaqasi karantinda bo‘lgan to‘liq kunlariga ularning yashash joyidagi poliklinika tomonidan beriladi.

Karantin davrida mazkur Yo‘riqnomaning 46-bandida nazarda tutilgan shaxslar tomonidan mehnatga layoqatsizlik varaqasi ish beruvchiga elektron shaklda yuborilishi mumkin. Manba
🛫foydali ma'lumotlarni tanishlarga ulashing!!
👇👇Kanalga ulanish👇👇
Telegram channel: @ADVOKAT_va_YURIST
Savol yuborish :@Bosh_Yuriskonsult

❗️Diplomingiz nostrifikatsiya qilinish Taʼlim shakli ham mos boʻlishi kerak

✳️Diplomingiz nostrifikatsiya qilinishi uchun albatta Siz oʻqigan xorijiy OTMdagi taʼlim shakli Oʻzbekistonda ham mavjud boʻlishi lozim.

Bu nima degani? Masalan, hozircha bizda rasman masofaviy (distansion) oliy taʼlim mavjud emas. Demak, distansion oʻqib, olingan diplomlar nostrifikatsiya qilinmaydi. Maʼlum bir muddat Oʻzbekistonda sirtqi va kechki taʼlim shakli ham bekor boʻlgandi. Oʻsha paytda xorijiy OTMlarda sirtqi yoki kechki shaklda tahsil olganlarning diplomi ham tan olinmagan. Lekin bugungi kunda bizda ham sirtqi va kechki taʼlimga ruxsat berildi. Demak, endi bemalol mana xorijiy OTMda sirtqi yoki kechki shaklda oʻqiganlarning diplomlari ham tan olinishi mumkin
🛫foydali ma'lumotlarni tanishlarga ulashing!!
👇👇Kanalga ulanish👇👇
Telegram channel: @ADVOKAT_va_YURIST
Savol yuborish :@Bosh_Yuriskonsult

⚡️Xorijda olingan har qanday diplom Oʻzbekistonda tan olinishi uchun nostrifikatsiya qilinishi kerak

"Nostrifikatsiya" xorijda berilgan diplomlarni davlat darajasida tan olish, ekvivalentligini qayd etishni bildiradi.

❗️Bir narsani bilishingiz kerakki, xorijda olingan har qanday diplom Oʻzbekistonda tan olinishi uchun nostrifikatsiya qilinishi kerak. Faqat hukumatlararo shartnomalar asosida tashkil etilgan OTMlarning diplomi bundan mustasno (Vestminstr, MDIS, Turin, Inxa va h.k.).
✳️ Xorijiy diplomlarni nostrifikatsiya qilishning 2 xil yoʻli bor: biri imtihon asosida, ikkinchisi imtihonsiz.

🟩Imtihonsiz nostrifikatsiya

2019-yil 1-martdan boshlab quyidagi shaxslarning xorijiy davlatlarda berilgan diplomlari toʻgʻridan-toʻgʻri (maxsus sinovlarsiz) tan olinadi va nostrifikatsiya qilinadi:

— Oʻzbekiston hududida alohida boʻlinmalari (filiallari) va qoʻshma taʼlim muassasalari faoliyat yuritayotgan xorijiy taʼlim muassasalarida taʼlim olgan Oʻzbekiston fuqarolari, chet el fuqarolari va fuqaroligi boʻlmagan shaxslarning;

— QS, THE, ARWU reytingida TOP-1000 talikka kirgan xorijiy OTMlarda taʼlim olganlarning (ilgari TOP-500 edi);

—tasarrufida OTMlari boʻlgan Oʻzbekiston vazirlik va idoralarining yoʻllanmalari asosida mutaxassislarni maqsadli tayyorlash uchun xorijiy davlatlar tomonidan ajratilgan kvotalar (grantlar) hisobidan taʼlim olgan fuqarolarning;

—1992 -yil 1-yanvargacha xorijiy taʼlim muassasalariga oʻqishga kirgan fuqarolarning;

—Oliy taʼlimda sifatni kafolatlash Yevropa assotsiatsiyasining (European Association for Quality Assurance in Higher Education) toʻlaqonli aʼzolari - vakolatli tashkilotlar tomonidan akkreditatsiya qilingan taʼlim muassasalarida taʼlim olgan fuqarolarning, ayrim istisnolar Vazirlar Mahkamasi tomonidan tasdiqlanadi;

—AQSH, Avstraliya, Isroil, Kanada, Singapur, Janubiy Koreya, Yaponiya davlatlarining ushbu davlatlar vakolatli tashkilotlari tomonidan akkreditatsiya qilingan taʼlim muassasalarida taʼlim olgan fuqarolarning, ayrim istisnolar Vazirlar Mahkamasi tomonidan tasdiqlanadi;

—xorijiy OTMlarda mutaxassislarni maqsadli tayyorlash uchun Oʻzbekistonning vazirlik va idoralari tomonidan ajratilgan mablagʻlar hisobidan taʼlim olgan fuqarolarning;

—Oʻzbekistonning xalqaro shartnomalari, Prezident va Vazirlar Mahkamasining qarorlarida nazarda tutilgan boshqa hollarda.

‼️Diplomni nostrifikatsiya qilish toʻgʻrisidagi arizalar faqatgina Davlat xizmatlari markazlari yoki Yagona interaktiv davlat xizmatlari portali orqali qabul qilinadi.

🟦Maxsus imtihon bilan nostrifikatsiya

Agar Siz oʻqigan OTM ushbu roʻyxatlarda boʻlmasa, demak, Sizning diplomingiz maxsus imtihondan keyingina Oʻzbekistonda tan olinadi.

Qanday hujjatlar zarur? Nostrifikatsiya qilish uchun zarur boʻlgan hujjatlar roʻyxati:

1. diplom va ilovaning asli (ariza qabul qilingandan soʻng egasiga qaytariladi);

2. diplom va ilovani aslini davlat (oʻzbek) tiliga tarjima qilib notariusdan tasdiqlangani (2 nusxada);

3. pasport va pasport nusxasi;

4. davlat boji toʻlanganligi haqidagi kvitansiya (BHM 3 barobari – 17.01.2022 sanasida 810 000 soʻm).
🟢Yagona portal orqali topshirilganda miqdori:
Yig'im - 3.0 BRV (810000.00 UZS)
Yig'im - 2.7 BRV (729000.00 UZS)
Yig'im - 2.7 BRV (729000.00 UZS)
👇👇Kanalga ulanish👇👇
Telegram channel: @ADVOKAT_va_YURIST
Savol yuborish :@Bosh_Yuriskonsult

⚡️Ish haqi, pensiya, stipendiya va nafaqalar miqdor!!

Prezident Shavkat Mirziyoyev 2021-yil 17-avgustdagi «Ish haqi, pensiyalar, stipendiyalar va nafaqalar miqdorini oshirish to‘g‘risida"gi farmoniga asosan:
✅byudjet tashkilotlari xodimlarining ish haqi, pensiyalar, stipendiyalar va nafaqalar miqdori 1,1 barobarga oshirildi.

O‘zbekiston hududida:

🔹mehnatga haq to‘lashning eng kam miqdori — oyiga 822 000 so‘m;
🔹bazaviy hisoblash miqdori — oyiga 270 000 so‘m;
🔸pensiyani hisoblashning bazaviy miqdori — oyiga 289 000 so‘m;
🔸yoshga doir eng kam pensiyalar — oyiga 565 000 so‘m;
🔸bolalikdan nogironligi bo‘lgan shaxslarga beriladigan nafaqa — oyiga 622 000 so‘m;
🔸zarur ish stajiga ega bo‘lmagan keksa yoshdagi va mehnatga layoqatsiz fuqarolarga beriladigan nafaqa — oyiga 440 000 so‘m;
🔸ish staji to‘liq bo‘lmagan chog‘dagi pensiyalarning eng kam miqdori qo‘shimcha to‘lovni hisobga olgan holda — oyiga 440 000 so‘m;
🔹belgilangan yoshga doir eng kam pensiya miqdoridan 623 000 so‘mgacha pensiya oluvchilarning yoshga doir va nogironlik bo‘yicha pensiyalari miqdori — oyiga 623 000 so‘m;
◽️1941−1945 yillardagi urush nogironlari va qatnashchilari, shuningdek, fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan shaxslarning eng kam pensiya miqdori ustamalarni inobatga olgan holda oyiga 2 mln 750 ming so‘m etib belgilandi;
🔸boquvchisini yo‘qotganlik pensiyasi oluvchilarning bir nafar mehnatga qobiliyatsiz oila a’zosi uchun pensiyaning eng kam miqdori — oyiga 440 000 so‘m etib belgilanadi va keyingi har bir mehnatga qobiliyatsiz oila a’zosi uchun amaldagi tartibga muvofiq pensiya to‘lanadi;
🔸boquvchisini yo‘qotganlik nafaqasi oluvchilarning bir nafar mehnatga qobiliyatsiz oila a’zosi uchun nafaqa miqdori — oyiga 440 000 so‘m va keyingi har bir mehnatga qobiliyatsiz oila a’zosi uchun 165 000 so‘mdan qo‘shilishi belgilanadi.
👉 foydali ma'lumotlarni tanishlarga ham ulashing!
👉 👇👇👇👇👇
Telegram channel: @ADVOKAT_va_YURIST
Savol yuborish :@Bosh_Yuriskonsult

❗️Каналимиз фойдаланувчилари томонидан алимент бўйича энг кўп бериладиган саволларга жавоблар.

✅ Саволларга Оила кодекси нормаларига асосланган ҳолда жавоб берамиз.

Алимент қандай тартибда ундирилади❓

✅ Вояга етмаган болага алимент тўлаш тартибини ота-она ўзаро келишган ҳолда белгилашга ҳақли. Ушбу мажбурият ихтиёрий равишда бажарилмаса ота (она)дан суднинг ҳал қилув қарорига ёки суд буйруғига асосан алимент ундирилади.

Алимент тўлаш асосан отанинг мажбуриятига кирадими❓

✅ Йўқ. Вояга етмаган болаларига алимент тўлаш ва уларга таъминот беришда ота-онанинг мажбуриятлари тенгдир.

Алимент қачондан ундирила бошлайди❓

✅ Алимент судга мурожаат этилган пайтдан бошлаб ундирилади.

👉 Агар таъминот учун маблағ олиш чоралари судга мурожаат қилингунга қадар кўрилганлиги, аммо алимент тўлаши шарт бўлган шахснинг уни тўлашдан бош тортганлиги оқибатида алимент олинмаганлиги суд томонидан аниқланса, ўтган давр учун алимент судга мурожаат этилган пайтдан бошлаб уч йиллик муддат доирасида ундириб олиниши мумкин.

Алимент қачонгача ундирилади❓

✅ Вояга етмаган болага алимент у вояга етгунга қадар тўланади.

Вояга етган болага ҳам алимент тўланадими❓

✅ Ота-она вояга етган меҳнатга лаёқатсиз, ёрдамга муҳтож болаларига таъминот бериши шарт. Бунда таъминот бериш ота-онанинг келишувига кўра амалга оширилади. Келишувга эришилмаган тақдирда низо суд тартибида ҳал қилинади.

Алимент қанча миқдорда ундирилади❓

✅ Агар вояга етмаган болаларига таъминот бериш ҳақида ота-она ўртасида келишув бўлмаса, алимент суд томонидан ота-онанинг ҳар ойдаги иш ҳақи ва (ёки) бошқа даромадининг бир бола учун — 1/4 қисми; икки бола учун — 1/3 қисми; уч ва ундан ортиқ бола учун — ½ қисми миқдорида ундирилади.

👉 Вояга етган болага алиментнинг миқдори суд томонидан ҳар ойда пул билан тўланадиган қатъий суммада белгиланади.

Алимент тўловчи ҳеч қаерда ишламаса-чи❓

✅ Агар алимент тўловчи ишламаса алимент ўртача ойлик иш ҳақи миқдори бўйича ҳисоблаб чиқилади.

Бола касал бўлганда ва бошқа ҳолатларда қўшимча моддий таъминот олинадими❓

✅ Боланинг оғир шикастланиши, касал бўлиши ва бошқалар туфайли келиб чиққан, боланинг таъминоти учун зарур бўлган қўшимча харажатларда ота-она иштирок этиши шарт.

Алиментни биратўла олдиндан тўлаш мумкин❓

✅ Ҳа. Вояга етмаган болалар таъминоти учун алиментлар бола вояга етгунига қадар бўлган давр учун, шу жумладан кўчмас ёки кўчар мулк ёхуд бошқа қимматли ашёни бериш йўли билан олдиндан тўланиши мумкин.

Алимент миқдорини камайтириш ёки алимент тўлашдан озод этиш мумкинми❓

✅ Ҳа мумкин. Алимент тўловчининг бошқа вояга етмаган болалари бўлиб, ундан алимент ундирилганда ўша болалар алимент олаётган болаларга нисбатан камроқ таъминланиб қоладиган бўлса, шунингдек қонунчиликда белгиланган бошқа бир қатор ҳолларда алимент миқдори суд томонидан камайтирилиши мумкин.

👉 Агар вояга етмаган бола давлат ёки нодавлат муассасаларининг тўлиқ таъминотида бўлса, суд тўланаётган алимент миқдорини камайтириш ёки уни алимент тўлашдан озод қилиши мумкин.

👉 Фойдали маълумотни танишларга ҳам улашинг!
👉 👇👇👇👇👇
Telegram channel: @ADVOKAT_va_YURIST
Savol yuborish :@Bosh_Yuriskonsult

⚡️Хусусий мулк дахлсизлиги масаласида бахсли қоидалар бўйича низом ўзгартирилибди.

Гап шундаки, Вазирлар Маҳкамасининг 2019 йил 16 ноярбдаги 911-сонли қарори билан тасдиқланган Низом асосида ҳокимият ва "учар тадбиркор"лар аҳоли розими йўқми кўндаланг «қўйиб қўйган» ҳолда «ҳудуднинг архитектура қиёфасини яхшилаш» ниқоби билан фуқароларнинг уй-жойларини буздириб, ўзларига фойда берадиган объектларни қуриб сотиш билан шуғулланиб келишаётган эди.

Низомга кўра қайсидир ҳудудда фуқароларнинг кўчмас мулкларини бузиш ҳисобига инвестиция лойиҳасини амалга ошириш керак бўлса, дастлаб ўша жойнинг мулкдорлари билан очиқ муҳокама ўтказилиши керак.

Энди низомга ўзгартириш киритилиб, ўша очиқ муҳокама давомида инвестиция лойиҳасини амалга ошириш режалаштирилган ер участкасида инвестиция лойиҳаси амалга оширилишига битта мулкдор қарши бўлган тақдирда ҳам мазкур ҳудудда ушбу инвестиция лойиҳасини амалга оширишга йўл қўйилмаслиги белгилаб қўйилибди.

✅ Бу менимча фуқароларнинг мулк дахсизлигини таъминлаш йўлидаги яхши амалий қадам.

Биз бизнес юритиш, инвестиция оқимини кучайтириш, энг муҳими фуқаро ва давлат ўртасидаги ишончнинг мустаҳкамлигида бу талаб қанчалар зарур эканлигини кўрдик.

❗️Энди бу камчиликларни кеч бўлса ҳам тўғирлаб, судсиз ёки компенсациясиз мулкларидан маҳрум бўлиб, йиллаб сарсон юрган фуқаролар олдидаги қарзимизни қоплашимиз керак.

☝️Дарвоқе, яқинда Адлия вазир Руслан Давлетов "Ер участкаларини компенсация эвазига жамоат эҳтиёжлари учун олиб қўйиш тартиб-таомиллар тўғрисида"ги қонун қабул қилиниши билан Вазирлар Маҳкамасининг 911-сон қарори билан тасдиқланган ушбу низом бекор қилиниши ҳақида айтиб ўтганди.

Ҳозирда ушбу қонун лойиҳаси Қонунчилик палатасида иккинчи ўқишга тайёрланмоқда.

👉 👇👇👇👇👇
Telegram channel: @ADVOKAT_va_YURIST
Savol yuborish :@Bosh_Yuriskonsult

⚡️Хозирги вақтларда автомашинага қандай холларда жарима қўлланиши ёки қўлланмасилиги (асосан уяли телефон орқали расмга олиш) тўғрисида муаммолар учраб турибди, бу эса хеч кимга сир эмас.

🤷‍♂Бир обуначимизнинг автомашинасини бир вақтнинг ўзида уч марта расмга олиб кетишибди.(Гап йўқ)
Бундай холларда жарима нечтасига тўланади?

❗Маъмурий жавобгарлик тўғрисидаги кодексининг 3-моддасига кўра, маъмурий жавобгарлик тўғрисидаги қонун ҳужжатлари қонунийлик, фуқароларнинг қонун олдида тенглиги, демократизм, инсонпарварлик, одиллик ва айб учун жавобгарликнинг муқаррарлиги принципларига асосланишини кўрсатилиб етилган,албатта.

Шу принсиплар ичида одиллик принципига келадиган бўлсак, маъмурий жазо чораси одилона яъни, маъмурий ҳуқуқбузарликнинг оғир-енгиллигига, айбнинг ва шахснинг қонунга хилоф ҳаракати ёки ҳаракатсизлиги даражасига мувофиқ бўлиши керак дегани

❇️Шунингдек,хеч қайси шахс битта маъмурий ҳуқуқбузарлик учун икки марта жавобгарликка тортилиши мумкин эмас.

✅Ушбу Кодексиннг 34-моддасида битта шахс икки ёки ундан ортиқ маъмурий ҳуқуқбузарлик содир этган тақдирда, маъмурий жазо ҳар бир ҳуқуқбузарлик учун алоҳида-алоҳида қўлланилади.

Ушбу моддани тушунтирадиган бўлсак, шахс томонидан содир этилган битта маъмурий ҳуқуқбузарлик учун икки марта жавобгарликка тортиш мумкин эмас. Битта ҳуқуқбузарлик учун иккита ёки учта жарима келса ҳам фақат бир марта тўлов қиласиз тамом.
👇👇👇👇👇
Telegram channel: @ADVOKAT_va_YURIST
Savol yuborish :@Bosh_Yuriskonsult

АГАР ГАРОВГА ҚЎЙИЛГАН МУЛК КРЕДИТНИ ҚОПЛАМАСА ЕТИШМАЁТГАН СУММА ҚАРЗДОРНИНГ БОШҚА МУЛКИДАН ОЛИНИШИ МУМКИН?

📍ЖАВОБ:

"Гаров тўғрисида"ги Қонуннинг 28-моддасига асосланиб, гаровга қўйилган мол-мулкни реализация қилиш тартиби ҳақида тўхталиб ўтамиз.

Унга кўра ундирув қаратилган, гаровга қўйилган мол-мулкни мажбурий равишда реализация қилиш қонунчиликда назарда тутилган тартибда ва шартлар асосида, электрон онлайн-аукцион шаклидаги очиқ кимошди савдосида сотиш орқали амалга оширилади.

Агар гаровга қўйилган мол-мулкни реализация қилиш чоғида тушган сумма гаровга олувчининг талабини қоплаш учун етарли бўлмаса, у, қонунда ёки шартномада бошқача кўрсатма мавжуд бўлмаган тақдирда, етишмаётган суммани гаровга асосланган имтиёздан фойдаланмаган ҳолда, қарздорнинг бошқа мол-мулкидан олиш ҳуқуқига эга.

👇👇👇👇👇
Telegram channel: @ADVOKAT_va_YURIST
Savol yuborish :@Bosh_Yuriskonsult

#Биласизми

✅ 14 ёшгача болалари бўлган оилаларга нафақа ҳамда бола 2 ёшга тўлгунига қадар уни парвариш қилиш нафақаси ўрнига кам таъминланган оилаларга болалар нафақаси жорий этилган.

📌 Болалар нафақаси 18 ёшгача болалар учун 12 ойгача тўланади.

🔰 Болалар нафақасининг ҳар ойлик миқдори қуйидагича:

● 3 ёшдан 18 ёшгача 1 нафар фарзанд учун 250 минг сўм;
● 3 ёшгача бўлган битта кичик фарзанд учун – 325 минг сўм;
● оиланинг иккинчи фарзанди учун қўшимча – 150 минг сўм;
● оиланинг учинчи ва ундан кейинги ҳар бир фарзанди учун – 100 минг сўмдан.

☑️ Ёлғиз фуқароларга, фарзанди бўлмаган ёки барча фарзандлари 18 ёшдан катта бўлган кам таъминланган оилаларга ойлик 380 минг сўм моддий ёрдам тайинланади.
👇👇👇👇👇
Telegram channel: @ADVOKAT_va_YURIST
Savol yuborish :@Bosh_Yuriskonsult

1-savol. 3 oy davomida 12 ta radarga tushibman. Ularni ichida 3tasi BHM 10 barobari qolganlari 3-5BHM hisobida. 3 oy davomida birortasini tolamadim. Oilada yagona boquvchisiman, taksichilik qilib daromad topaman. Menga qandaydir yengilliklar bormi? Menga maslahat bera olasizmi?

2-javob. Hozirda koplab uchraydigan holatlarimiz. Kopchilik bu haqida bilishmasa kere. Jarima miqdorlarini kamaytirish asoslari qonunchilikda belgilab qoyilgan.
Siz tumaningizdani jinoyat sudiga muddatini tiklash boyicha Iltimosnoma va jarima miqdorini kamaytirish boyicha ariza kiritasiz. Har bir jarima uchun alohida ariza yozilishi lozim. Agar muddati otgan bolsa muddatini tiklash boyicha ariza kerak boladi. Siz 3 oy davomida ekan. Siz faqat jarima miqdorini kamaytirish boyicha ariza kiritasiz.
Jarimani yengillashtiruvchi asoslar:
Ma’muriy javobgarlik kodeksining 31-moddasida Ma’muriy javobgarlikni yengillashtiruvchi holatlar belgilab qoyilgan.
Ma’muriy javobgarlikni yengillashtiruvchi holatlar jumlasiga quyidagilar kiradi:
aybdorning o‘z qilmishidan chin ko‘ngildan pushaymon bo‘lishi;
huquqbuzarlikning kuchli ruhiy hayajon ta’siri ostida yoki og‘ir shaxsiy, oilaviy yoxud boshqa sharoitlar yuzaga kelganligi oqibatida sodir etilishi;
huquqbuzarlikning homilador ayol yoki o‘n to‘rt yoshgacha bo‘lgan bolasini yakka o‘zi tarbiyalayotgan shaxs tomonidan sodir etilishi.
Ushbu asoslar siz keltirgan savol boyicha hisoblanadi.

Shuningdek,Ma’muriy huquqbuzarlik to‘g‘risidagi ishni ko‘rib chiquvchi organ (mansabdor shaxs) boshqa holatlarni ham javobgarlikni yengillashtiruvchi holat deb topishi mumkin. Siz yozgan arizangizga ilova tariqasida mahalladan ishlamasligiz haqida ma’lumotnoma, agar oilada nogronligi mavjud a’zolar bolsa ular haqida ma’lumotnoma(lar) va sudda siz vaziyatni nega tezlikni oshrganingizni (bemor olib ketayotgan bolsangiz shuni aytishiz yo dorixonadan shoshilik dori kerak bolib qolgan bolsa shuni aytib isbotlab bersangiz) keltirib aytsangiz boladi.
Ma’muriy javobgarlik kodeksining 33-moddasiga kora Sud ma’muriy jazo chorasini qo‘llayotganda javobgarlikni yengillashtiruvchi holatlarni va huquqbuzarning moddiy ahvolini inobatga olgan holda sabablar va asoslarni albatta ko‘rsatib, ushbu Kodeksning Maxsus qismidagi moddalarning sanksiyasida nazarda tutilgan eng kam jazodan ham kamroq jazo yoki ushbu moddada nazarda tutilmagan boshqa yanada yengil jazo chorasini qo‘llashi mumkin.
Sud tomonidan siz taqdim etgan asoslar boyicha ushbu moddani qollab kamaytira oladi.
👇👇👇👇👇
Telegram channel: @ADVOKAT_va_YURIST
Savol yuborish :@Bosh_Yuriskonsult

BOLA PULI OLISH UCHUN ARIZA QAYERGA TOPSHIRILADI.

⚡️SAVOL;
Men turmushga chiqib qaytib kelganman. Hozirda o‘zim tug‘ilib o‘sgan uyimdaman lekin, propiskam turmush o‘rtog‘imni uyiga qo‘yilgan. Men mahallaga bola puli uchun ariza berish maqsadida murojaat qilaman desam, sizning propiskangiz buyerda emas ekan, qayerda ro‘yxatda bo‘lsangiz o‘sha yerga ariza topshirasiz deyabdi. Shu to‘g‘rimi ?

⚡️JAVOB:
Hukumatning 654-son qarori bilan tasdiqlangan «Kam ta’minlangan oilalarni «Ijtimoiy himoya yagona reyestri» axborot tizimi orqali aniqlash, ularga kam ta’minlangan oilalar bolalari uchun nafaqa va moddiy yordam tayinlash va to‘lash tartibi to‘g‘risida»gi nizomga ko‘ra, bolalar nafaqasi yoki moddiy yordam tayinlash uchun ariza zarur hujjatlar bilan birga bevosita ariza beruvchining doimiy yoki vaqtincha yashash manzilidagi fuqarolarning o‘zini o‘zi boshqarish organiga taqdim etiladi va ro‘yxatga olinadi deb ko‘rsatilgan.

🟢 Yuqoridagi normaga asosan MFY mas’ul hodimi tomonidan aytilgan gap to‘g‘ri va o‘sha hodimga besh baho qo‘ysak bo‘ladi lekin, mazkur nizomning 11-bandida siz bilan birga yashayotgan oilaning muomalaga layoqatli istalgan a’zosidan biri ariza beruvchi bo‘lishi mumkinligi xam ko‘rsatilgan. Ya’ni, sizni o‘rningizga hozir siz yashayotgan uydagi istalgan oila a’zosi ariza berishi mumkin. Shunga asosan MFY tomonidan faqat propiskani muammo qilib, boshqa tomonlarini tushuntirmasdan sizni qaytarib yuborganligi uchun o‘sha qaytarib yuborgan hodimni kundaligiga qo‘ygan beshimizni o‘chirib o‘rniga ikki qo‘ysak undanam yaxshi bo'ladi.

👇👇Kanalga ulanish👇👇
Telegram channel: @ADVOKAT_va_YURIST
Savol yuborish :@Bosh_Yuriskonsult