د تقوا ګټي

وفا د ژوندانه نشته بقا ده په تقوا کي
تایه داخیرت نیسه ښکلا ده په تقوا کي

فیضونه رحمتونه ثوابونه به حاصل کړې
د رب العالمین ښکلې رضا ده په تقوا کي

دنیا او اخیرت کي هوساینه برملا کړې
هم ګټه ددنیا هم د عقبا ده په تقوا کي

عجبه خوند پکي دی چي نشته دی بادشاهئ کي
معنا ده د خوندونو مْعما ده په تقوا کي

دا دومره عجایب نقاط پکي دي ته پوهیږي
دا ځکه چي د رب پکي ملتیا ده په تقوا کي

احسانه ژوند صفا که شته د قبر عذابونه
د تور لحد تیارو لره رڼا ده په تقوا کي

احسان الله احسان
https://t.me/aesanulla