***
Manim tilim, xo‘rlangan tilim
Og‘zimdagi talqon shirinmi?
Na yutaman va na tuflayman.
Manim tilim, xo‘rlangan tilim
Uxlayman-ey, tokay uxlayman?

Manim tilim, turkona tilim
Tushlarimga qamab bahorni
O‘nglarimga sochilgan xazon
Qo‘zg‘almagan orga bahomi?

Cho‘chqa bosib ketgan daladay,
Mog‘or bosgan yurakday xunuk -
Qo‘llasalar qarsak chalaman,
Xo‘rlasalar deyman ko‘rgulik.

O, ko‘rgulik...
Sha‘nimga hujum,
Yurak-bag‘ri qonagan bormi?
Bobolarim qasosi uchun
O‘g‘il tug‘ar onalar bormi?
Bormi og‘riq, hasrat bilmayman,
Ne ahvolda hazrat, bilmayman,
Bilganim, men satangman, satang
O‘z tilimni asray bilmayman.
Bormi tilim yalov deganlar?
Kurash tushib, "Halol" deganlar?
Chirsillaydi tomirimda o‘t
So‘nmagay bu olov deganlar?

Manim tilim, turkona tilim
Uxlayman-ey, tokay uxlayman???

Nurmuhammad Aziz