O‘zbekiston Respublikasi Prezidentining 2020-yil 28-dekabrdagi “O‘zbekiston Respublikasining 2021-2023-yillarga mo‘ljallangan Investitsiya dasturini amalga oshirish chora-tadbirlari to‘g‘risida”gi qaroriga muvofiq, Xalqaro moliya institutlari ishtirokida (XMI) 2021-yilda umumiy qiymati
2,1 mlrd. dollarga teng bo‘lgan (shundan, 1,8 mlrd. dollar (87%) XMI mablag‘lari) jami 20 ta loyiha amalga oshirilmoqda.
Xususan, dastur doirasida joriy yilning 1-choragida
16,4 mln. dollar miqdorida xorijiy investitsiyalar o‘zlashtirildi.
Ushbu mablag‘lar hisobiga hozirgi vaqtga qadar
62,4 ming kilometr ichimlik suvi quvurlari,
241 ta suv taqsimlovchi inshootlar,
134 ta quduq,
97 ta suv omborlari,
103 ta suv minoralari,
2971,1 kilometr kanalizatsiya quvurlari,
17 ta kanalizatsiya tozalash inshootlari,
143 ta kanalizatsiya nasos stansiyalari qurildi va foydalanishga topshirildi.
Masalan, Buxoro viloyatining Olot va Qorako‘l tumanlari aholisini ichimlik suvi bilan taʼminlash loyihasi doirasida XMI mablag‘lari hisobidan Olot tumanidagi Dvoynik suv inshootida qurilish-montaj ishlari olib borilmoqda. Ushbu obyektdagi qurilish-montaj va taʼmirlash ishlari shu yilning may oyida yakunlanadi.
Natijada, Olot tumanining
99,2 ming aholisidan
84,2 ming nafari (hozirgi kunda 15,0 ming aholi suv bilan taʼminlangan), Qorako‘l tumanining
164,2 ming aholisidan
147,7 ming nafari (hozirgi kunda 16,5 ming kishi) ichimlik suvi bilan taʼminlanishiga erishiladi.
@akmal_murodov
