نحنا بحاجة لمجالس العزاء هيدي السنة أكتر من أيّ سنة مضت، ما حدا يقول ما في إحياء وما في مجالس، حتّى لو ما قدرنا نروح عالمساجد والمجمّعات، نحنا منقدر نعمل أجواء العزاء ببيوتنا.
لو كل حدا فينا حاول يهيّئ الأجواء ببيتو، منحط لطميات بالنهار، منتفق كلنا نقعد بعد الصلاة بالغرفة لرح نسمع فيها المجلس، منخصص هالوقت بس للإمام الحسين. وعالساعة الفلانية بتبلش أصوات المجالس تطلع من هالبيت ومن هالبيت، الإمام الحسين عم يسمعنا، الملائكة حوالينا، عم تتخايلو أجواء الضاحية كيف رح تكون إذا عملنا هيك؟
منرفع رايات الحزن والشعارات قدّام بيوتنا، لو كل حدا فينا ضيّف جارو بسكوت وراحة عحبّ الإمام، أي شي فينا نخدم فيه ولو كان بسيط.
هالسّنة دموعنا غاليين أكتر عند الإمام. نحنا بحاجة نقوى ونكفّي، يعني نحنا بحاجة نبكي عالإمام الحسين كتير!

{أحيوا أمرنا رحم الله من أحيا أمرنا}

عاشوراء بقلوبنا، ببيوتنا ♥️

-زَيْنَب شميس