غزل

بس په دې ارځې چې دې وَنغاړم دګل په منځ کې
او یا دې پاس په ټنډه کیږدم د اوربل په منځ کې

خدایزده طالبه زړۀ مې ستا په یارانه ودان دی
رب دې اوږده کړي موده ستااوداجل په منځ کې

څښتنه ج روح مې بلاکیفه ته په خپله واخله
دلته شناخت نه غواړم زما او عزرائل په منځ کې

کاش چې مونږ هم د محبت له ژوند څکه وکړو
کاش د نفرت مزي شي پرې د یو بل په منځ کې

بښنه غواړمه مننه څومره لوی توپېر دی
ستا د یارۍ او زما د دومره لوړ تکل په منځ کې

مینه رسوا شوه چې مې وژړل د زړۀ له درده
راشده نوم دې یوچا واخیست دمحفل په منځ کې

راشد مشفق