لسان حال ام البنين ع عند ساعات الاحتظار..

صدك هذا لوحلم.. ريحت ابني حسين اشم
بالله تاني يالمنيه.. خل اشوف ابن الزجيه
صدك هذا لوحلم..
…………………………………
يالمنيه بالله تاني.. هذا ياعطر اللي اجاني..
هو واحد ماله ثاني.. عطر الحسين
مااتيه اني عطره..هاي ريحة چنها نحره ..
خل فك عيني وانظره.. واكحل العين

يالمنيه شوصبر.. خلي منه اشبع عطر
صبري احلفنچ عليه.. خل اشوف ابن الزچيه
صدگ هذا لوحلم..
…………………………………
خل اگومله اعله حيلي.. المانمت بفراگه ليلي
هسه متعني يجلي.. شكبره بختي
شكبره چابخت الي عندي.. القدمتله فدوه والدي..
الليله جاني يدري وحدي.. وي دمعتي

خاطري يدري انكسر.. بفرگت انجوم وگمر
ولدي ماضلوا اليه.. خل اشوف ابن الزچيه
صدگ هذا لو حلم..
……………………………………
بحيره چنت اني ودمعتي.. وتكسر الخاطر وحدتي..
لا ولد يانس وحشتي.. بصفنت الليل
ولدي كلهم قدمتهم.. فدوه راحوا اربعتهم..
دون اخوهم دون اختهم.. والمداليل

بكربله دمهم نزف.. تذبحوا دون الشرف
مني حفظوا هالوصيه.. خل اشوف ابن الزچيه
صدگ هذا لوحلم..
……………………………………
چانت امنيه بحياتي.. ادعي للباري بصلاتي..
يحضرحسين بوفاتي.. يمي يگعد
يلفي كبش الغاضريه.. الجثته ضلت رميه..
هويسبلي اديه.. ويمسح الخد

يلفي الي بيوم الوفاء.. ويقره يم راسي الدعاء
بدمعته ذيچ الجريه.. خل اشوف ابن الزچيه
صدگ هذا لو حلم..
……………………………………
بياوضع من جاني شفته.. بلايه راس ابني نضرته..
اركضت ليه وسندته.. خاف يعثر
شنهي حالك هذا يمه.. لسه نحرك يجري دمه..
جسمك منين اني الزمه.. يابوالاكبر

منين ماصدلك جرح.. لسه دمك شويسح
يمه جرحك ريته بيه.. خل اشوف ابن الزچيه..
صدگ هذا لوحلم..
……………………………………
من النحر صوته اسمعه.. ويجري دم ابدال دمعه..
منحني ويده عله ضلعه.. التهشم
گلي يايمه اني جيتچ.. كبل ماتلفي منيتچ..
بهذا حالي وعتنيتچ.. جيت مهتم

جيت جايبلچ سلام.. من گمرعالشاطي نام
من اخو الراحت سبيه.. خل اشوف ابن الزچيه..
صدگ هذا لوحلم..

الشاعرعقيل الحسناوي..