ميمر ..

لوصعبت عليك هواي .. ام البنين انخاها

ّلوضاگت وحكمت عليك العگده
والتمت وصعبت عليك الشده
ومحتار ياهو يحلها من اتگصده

لتضل تون .. وانته اطمئن
بگلبك ابد .. ميضل حزن
اتوجه ولام عباس .. الفاتحه اقراها

ام البنين امجربه بالشدات
باب الله معروفه اصبحت للحاجات
اتوكل عليها وتهون الصعبات

بس اتكل .. اليصعب سهل
امجربه .. الشده تحل
بكل نايبه معروفه من ينذكر طرواها

وصفي النوايا من تسولف همك
الطاهره احن عليك امن امك
انخاها وابداً الصعب ليهمك

ام الوفه .. والمعرفه
لكل العلل .. عدها شفه
لشيعة علي دكتوره رب العرش خلاها

لاتهتم وتصعب عليك الحاجه
توكل عليها بكل امر تحتاجه
الحره باب الله اصبحت معراجه

امجربه .. لكل نايبه
تگضي الك .. ماتطلبه
تكضي الشدد والصعبات ربك كرامه انطاها

وكلمن تضيك عليه ويصعب امره
خل يقسم عليها بعزيز الزهره
يكسر گلبها هالقسم ويفطره

تفزع اله .. بضيج البله
وامره الصعب .. اتسهله
طاري الذبيح وبلواه ضيم وهضم راوها

ولوتقسم عليها بمصايب زينب
يتسهل امرك وبعد مايصعب
لام الخدر هالطاهر شكد تنحب

شكد تنعصر .. لم الخدر
لمن ذكر .. زينب يمر
طاري الخيم والشامات اشگد دمع بچاها

ونقسم عليها بالكمر واخوانه
انريد باچر وكفتچ ويانه
بجاه الذبيح ابكربله واحزانه

بجاه الخيم .. خنضل خدم
عد اللذي .. بگلبه السهم
وهاي المجالس للدوم نبقه بحزن نحياها

الشاعر عقيل الحسناوي