Ahror Alikhanov | Dizayn blog

Brend nomining muhimligi haqida

Yuqoridagi posterda qaysidir brend chegirmalar boshlanganligi haqida ma'lumot bermoqchi.

Xa bu "Li-ning" brendi.

Lekin juda kamchilik auditoriya logotipni o'zidan bu brendni bilib oladi.

Xo'sh muammo nimada?

Brendlar inson ongida brend bo'lib shakllanguncha ma'lum bir vaqt va katta darajadagi ishlar talab qilinadi. Bu Nike yoki Adidas emaski uni bir ko'rishda logoni o'zidan tanib olsak.

Brend nomi aniq ko'rsatilmas ekan, bu reklama ham o'z effectini anchagina yo'qotadi.

Kamiga call to action ma'lumotlar ham yo'q. Ya'ni mijozni o'ziga jalb qilgan holatda uni voronkani oxirigacha olib boruvchi, harakatga undovchi ma'lumotlar berilmagan.

Xulosa qiladigan bo'lsak, reklama materiali biznesga ko'proq effect berishi uchun faqat chiroyli rasm va dizaynni o'zi yetarli emas. Qanday ma'lumot yetkazish ko'zlangan bo'lsa, ma'lumotlar to'liq yetkazilishi kerak. Shundagina u effectli desak bo'ladi.

"Kirill" alifbosi universalligi haqida

Yaqinda bir holat e'tiborimni tortdi. Rus dizaynlari orasida oxirgi payt urf bo'lgan tipografik usul ya'ni hamma matnni kichik harflar bilan yozish.

Bu usulni lotin harflari bilan ham takrorlab ko'rmoqchi bo'ldim, lekin men kutgan natija chiqmadi. Bilasizmi nega?

"Kirill" alifbosidagi kichik harflarda deyarli Ascender mavjud emas ekan (б harfidan tashqari). Va bu tipografikada harflar balandligi bir xil chiqishi va leading (qatorlar orasidagi masofa) ni ham tekis balansda ushlashga juda katta xizmat qilar ekan.

Lotin alifbosidagi harflarda esa Ascender juda ko'p holatlarda uchraydi. Shu bois bu usulni qo'llagan bilan "kirill" alifbosidagidek chiroyli chiqmaydi.

Siz ham bu holatga hech e'tibor qaratganmidingiz? Fikrlaringizni izohlarda yozishingiz mumkin.

Assalomu alaykum, barchaga!

🕔 Anchadan beri grafik dizayn bo'yicha blog yuritish haqida o'ylab yurgan edim, lekin buni realizatsiya qilishga hech imkon topa olmayotgan edim. "Blogda qanday ma'lumotlar ulashaman, auditoriyaga beradigan ma'lumotlarim bormi?" deb o'ylab qolar edim. Lekin oxirgi paytlarda aytmoqchi, ulashmoqchi bo'lgan fikrlarim yig'ilib qolyapti.


⚡️Bu blogda dizayn bo'yicha o'z fikrlarim, bilim va tajribalarim bilan o'rtoqlashib boraman. O'ylaymanki barchaga manfaatli bo'ladi.