الشاعر اياد الديراوي

مولد العباس ع

ياجمالك ياحبيبي ياجمالك
ياجمالك ياحبيبي ياجمالك
گمر عباس گمر عباس
ضوّه هالليله
1
ياحلاته ومبسمه .. لايگ الحظن السمه
والنجم يبراله
الله من عين الحسد .. بعرشه سواله مهد
هوه سر اهلاله
عيونه تتمايل سهر .. امه سمته الگمر
هل اسم يحلاله

من خصالك ياحبيبي من خصالك
الله خالق هذا كونه من خصالك
گمر عباس گمر عباس
ضوّه هالليله
2
صار عباس ودرس .. من جماله انطه الشمس
خجلت امن اعيونه
ياهو مثله الينولد .. ينحني الطوله الورد
ابو فاظل دونه
عطّر ارياگ السمه .. حگها تفرح فاطمه
عطره ليشمونه

من خيالك ياحبيبي من خيالك
غارة الدنيه وشمسها من خيالك
گمر عباس گمر عباس
ضوّه هالليله
3
ابو فاضل بأوله .. غيره كله ومرجله
واضح امن اچفوفه
بمهده لگماط انگطع .. عاين الاخته ودمع
والعقيله اتشوفه
من فتح الها النظر .. رسم بعيونه النهر
ورسم كل اطفوفه

اي حلالك ياحبيبي اي حلالك
هل فخر ونته بگماطك اي حلالك
گمر عباس گمر عباس
ضوّه هالليله
4
انبارك الحيدر علي .. إلولي خلّف ولي
وفرحه تارس عينه
هوه سبع الگنطره .. هل لقب من حيدره
باس إبو چفينه
علي نخوه درسه .. وتاج إخوّه لبسه
وطرز اسم حسينه

من بدالك ياحبيبي من بدالك
تاج اخوه ينطي حيدر من بدالك
گمر عباس گمر عباس
ضوّه هالليله
5
مثل اصبح للوفه .. كله جود ومعرفه
إلشهامه بذاته
حسين ثالث هالشهر .. وصار رابع للگمر
ما بعد خطواته
ويه الحسين بخجل .. بزغره عباس البطل
يسولف بنظراته

ياجلالك ياحبيبي ياجلالك
سيدي تصيح العضيدك ياجلالك
گمر عباس گمر عباس
ضوّه





هنا يتم نشر كل ما هوه جديد من الحان وقصائد ولجميع المناسبات اول باول

للتبادل
@Mallalaa_10

للإشتراك 👇👇👇👇👇👇
https://telegram.me/alldafaee