🌸 ْعـايَشِـــيَنَ حُـــيَاتْنَــــا ْعـــلُيَ امٌـــــــــلُ🌸

عاين لسجل اليوميات في الفيسبوك بتاعك💁.

تفتحو الصباح وفيات،تفتحو المساء وفيات،بالليل وفيات.

حتلقاهو اغلبيتو،وفيات،ي زول بتعرفو، ي قريب زول بتعرفو.

شي مخيف ومفزع لدرجة بعيدة،ح يخلي عندك تساؤلات كتيرة، ليه في الوقت ده بالذات؟!

الحاجه دي ما صدفة،وكونها تكتر في فصل الشتاء ده ابدا" ما صدفة.

ف لو قلنا دي ما كورونا، ح نلقى الكورونا سبب اساسي في معظمها،لانو اساسا النوعية دي من الفيروسات يزداد معدل اصابتها في فصل الشتاء،وتبدأ ب الانحسار مع باقي الفصول.

إلى الان ماف علاج للكورونا.

إلى الآن اللقاحات في طور التجريب.

الاعتماد الكلي على ربنا سبحانه وتعالى والعمل ب الاسباب وذلك ب تقوية الجهاز المناعي ب الاكل الصحي،والالتزام بسبل الوقاية.

ك زول شاب امكن تتعب شويه،تفقد حاسه الشم وترجع ليك اسبوع اسبوعين،او امكن ما تجيك اعراض زاتو...
بس

امك العندها سكري،ابوك العندو ضغط،حبوبتك العندها مشاكل كلى،جدك اللي عندو مرض قلب،امانه في عنقك...
اساسا هم حركتهم ما كتيره،انت اللي حركتك كتيرة ،سواء كان لدواعي العمل،او لي غير ذلك.
ف ي ريت تلتزم بسبل الوقاية عشان احبابك.

فعلا" ماف زول بموت ناقص عمر،بس كمان (ومن احياها كأنما احيا الناس جميعا")💁.

كونك تهتم بغسيل يدينك وانت جاي من بره البيت وغيرك كتار اهملو الحاجه دي،انت كده عملت ب الاسباب.

كونك تلتزم ب التباعد الاجتماعي اثناء شغلك او لما تمرق لغرض ما انت كده عملت ب الاسباب.

كونك تنصح ناس بيتكم بضرورة الالتزام بسبل الوقايه،انت كده عملت ب الاسباب.

صدقني الحاجه دي وإن استصغرتها بس بتفرق بينك وبين غيرك،وبتكون سبب في إنقاذ حياة زول عزيز عليك.

#لازم_نلتزم

#كورونا

#Alshreef

"نظرة الحب الحقيقية تجدها في المطارات، والندم الحقيقي تجده في المقابر، والدموع الحقيقية تجدها في الجنازة، والدعاء من أعماق القلب تجده في المستشفى، لأننا ببساطة لا نعرف قيمة بعضنا إلا في النهايات .. أن تقدم وردة في وقتها، خيرٌ من أن تحضر نجمة من السماء بعد فوات الأوان، أن تقول كلمة جميلة في الوقت المناسب، خير من أن تكتب قصيدة بعد أن تختفي المشاعر، لاجدوى من أشياء تأتي متأخّرة كقُبلة اعتذار على جبين ميّت .. لا تؤجل الأشياء الجميلة، فقد لا يأتي أوانها مرة أخرى."

احساس حلو لما يكون الشخص 🌸صريح معك بكل شي حتى لو كان الكلام الي 🌸بيقوله يجرحك يكفي انه استبعد فكرة🌸 الكذب عشان مايخسرك .🌸
✨🖤✨🌸