مااوصي بس وصيتي الوحيده
اقرولي مقتل عالنزف وريده
ولا تمسحون الدمع بعيوني
وانه ابجي اعله السبط دفنوني
@@@@@@@@@@@@@@@@@@
من اجيب اسمه بلساني اليستمع لازم نبي
حتى من يسمع وصيتي بلكي يفهم مطلبي
اوصيتي تشبه يتيمه امگبعه ابضيم السبي
لايروح البال لطف يمي موجوده العبي
هاي العبايه ازغيره مو اليه
بيدي من اموت اخذها للسبيه
يا رقيه بكربله اتعذروني
@@@@@@@@@@@@@@@@@@
انه ماابجي اعله روحي يا علامات الاجل
الموت مثل العيد عنده العنده ماظلت اهل
لا ارث عندي وأوصي عندي بس دمعي النزل
وراح اوصي ابهذا دمعي وقف لضامي انچتل
دمعه يظل كلمن عدل ضميره

عل شيعوه يا شيعته بحصيره
عله حسين أبجو اذا أتذكروني
@@@@@@@@@@@@@@@@@@
أستحي من الزچيه من اكولن اربعه
اربعه مو عدد ولدي جروح بيه المصرعه
جرحي الاول چبده ضامي وخطوه عنه المشرعه
وجرح مااگدر اشرحه يكفي لو گلت اصبعه
وثالث جرح من شافته العقيله
رد مهره خالي والدمع يسيله
ورابع اجروحي ذبح ذبحوني
@@@@@@@@@@@@@@@@@@
باب اهاتي ومحنتي وغربتي من ينفتح
الينجرح بحبابه مثلي لجرحه يرهم بس جرح
رمدح خليت ابدليلي يل شلت راسه برمح
بس جسد ظل بل المدينه وقلبي بالطف منذبح
قلبي انذبح لمن لمح مجازر
احسين صدره حافر اعله الحافر
وجم كسر بظلوعه لتسألوني
@@@@@@@@@@@@@@@@@@
مااوصيكم وصيه يل سمعتوا اوصيتي
اشموع مااريد لوحشتي ادموع اريد الدمعتي
الوحشه لتصلوها اليه حسين صله بوحشتي
من مشه خلاني ميته ميته وانه ابدنيتي
خلوني انحب واتعب بمماتي
محد ذبحني ولا سلب عباتي
وبحوافر خيل ماسحگوني
@@@@@@@@@@@@@@@@@@
ادري بل الزهره تجيني وتحضر المأتم تون
الناعي من ينعه عليه لا يگلي ام الحزن
ياحزن يوصل حزنها الي نسطر منها الجفن
وبالدفن اقرو عليه حسين ظل بلا دفن
جرحي و مصابي ودمعتي وهمي
واحد ولا واحد بقه يمي
حسين وحده وغيره ميهموني
@@@@@@@@@@@@@@@@@@

الشاعر الحسيني ( علي كامل الحجامي)