أونن لو أضم وني
متني أيسولف أبحزني
وما أدراكه ما متني. يعباس
&&&&&&&&&
تعال ولا تجيب الجود عوفه أعله النهر عوفه
ما محتاجه شربت ماي بس منك ردت شوفه
مثلك يا بحر بل الكون ضامي وغاركه أجروفه
بس جودك تعرفه الناس غطه الدنيه معروفه
أعله هونك لو تجي مهتم
يلجمت جرحي ول البلسم
ردتك تحضر أبدفني. يعباس
&&&&&&&&&
تعال أختك يبعد أختك تريد أتشوفك وكافي
كلشي من أختكم راح بس أسمك عله أشفافي
أذا كلولك أبحرمه ركضت عل الجمر حافي
لا تسأل يبو النوماس ينطونك تره أوصافي
أبروايت دمعتي ونوحي
خذت وي رايتك روحي
وروايات الألم عني. يعباس
------------------------------------
تريد أقرالك المصحف وكل ايه صبر بيهه
أشتطلب كلي يعيوني بعيوني أخليهه
ولاكن عندي يا عباس جلمه ولازم أحجيهه
أريدك تنسه كل حرمه شمر للكوفه سابيهه
ولا تذكر حرك خيمه
ولا تتصور الهيمه
وما كلك منو السبني. يعباس
------------------------------------
أسولفلك سوالف خير تفرح بيهه من تسمع
أكلك عندي خمس أخوان أمان أوياهم أمن أطلع
من أروحن سولف أنته أوياي بس لا تسأل أمن أرجع
أخاف أذكر كطع جفين وخاف أمن الكلام أكطع
تموت أحجايتي أدري
وحسرتي توكف أبصدري
أويغرك بل الدمع جفني يعباس
----------------------------------
تعال ولا تشوف النوك خاف أذكرك أفد شي
ولو بس تقره يم راسي زيارة وارث وتمشي
أذا مو بيدك أب ايدي تسد يا بل الفضل رمشي
أدري أبحالت الجفين لا تحجيلي عن كلشي
أويلي أعله النهر دمهه
جفوفك ونته مو يمهه
عفتهه وليه متعني يعباس
----------------------------------
يتامه حسين يا عباس مو كلهم يشوفونك
تشوفك بس رقيه أوياي هيه أتكلك أشلونك
أرفع راسك وراسي أدنكه وداعت أعيونك
الحرج يا بل الفضل مرفوض متني فدوه لمتونك
ما تنضر عله أزنودك
ولا تسأل عله جودك
تكلك عمي سامحني يعباس
--------------------------------
الشاعر علي الحجامي
اللهم العن عمر اللهم العن أبابكر وعائشه