خذلآن
للكاتبه آلمطـرشقهہ🥀
قناتي تلجرام رواياتي كلهن غادي
☟
https://t.me/amoona190


☟
#حسابي ع لانستا ; https://instagram.com/amona_amon13?igshid=1gjb2fomktg50



الحلقه 7

هدى:هذي غرفه ماما كريمه بس علي صوتك و انتي تدوي اهم شي لانها ما تسمعش كويس

جيهان:حاضر
هدى بدت تخبط ع الباب بقوه و بعدها االباب انفتح
هدى:اهلين يا مروه كيف حالك
مروه:الحمدلله تفضلن
هدى:كيف وين ماما كريمه
مروه:راقده نواعيهالك
هدى: لا ح نمشيلها بروحي
مروه:تم
هدى تعالي معاي
جيهان:به
هدى خشت و خبطت ع باب الدار و فتحتتها و قعدت جنبها ع السرير :هي يا امي اوعي شني هالكسل
كريمه وعت بهدوء:الساعه كم توا
هدى: ايييه العشاء قريب و يأذن
كريمه نطت:وووك عليا انا مازال م صليت حتى العصر
هدي:ههه انبصر معاك
كريمه تمشي ف يدها ع سرير بشوي بش تلمس يدها وين و تخبطها
هدى:هه مش ع السرير انا
كريمه:تو تشووفي غير تقربي مني بس و سكتت شوي
كريمه:من معاك يا هدهد
هدى:اه نسيت نقولك معاي جيهان دايرتلكم زياره
كريمه مدت يدها عكس المكان الي فيه جيهان:اهلا و سهلا يا بنتي شرفتينا
جيهان شافت لهدى بمعنى علاش دارت هكي و مدت يدها للجهه الثانيه
هدى اشرت ع عينها انها م تشوفش💔
جيهان قربت من يدها بسرعه و سلمت عليها

هدى"نساعدك تطلعي برا ولا تبينا نقعدو معاك هنا
كريمه:لا الطريق حافظتها اسعا نمشي بروحي لاكن تو خليكن هنا بس كلميلي اميره
اميره اهو جيت و جايبه معاها عصير و حلو ..
كريمه:عيب ما ضيفتيش البنات
اميره:كان غير صبرتي اهو جبت يا ماما
كريمه:ايوه الله ايربحك
هدى:عطيني اليوم بندلع مامتي و نوكلها بروحي
جيهان تشوفلها كيف توكل فيها دمعتها نزلت لانها تشوف ف طيبه قلوب ناس عكس الوحوش الي برا و مسحت دموعها طول من ع طرف عينها
هدى شافتلها و ابتسمت
جيهان:سلم ايديكي ي اميره الحلا يجنن
اميره:سلمك صحه
هدى :ماما نحنا لازم ما نطلعو تبي شي
كريمه:سلامتك يا بنتي و ربي يقويك و الله يربحك
هدى قربت منها باست راسها و طلعت

جيهان مبتسمه:ربي يعطيك من اوسع ابوابه جد قلبك كبير
هدى:تسلمي حبيبتي
جيهان:نسألك
هدى ماشيها شور مكتبها:نعم
جيهان:من امتى هيا م تشوفش
هدى:من قبل ما نعرفها من زمن طويل
جيهان:اه ا
هدى:ح نحكيلك قصتها ثواني بس
جيهان:تم
هدى قعدت ع المكتب : ايوم ح نحكيلك كيف جتني
في عرس ولدها الصغير طلعت تجري لولدها عشان انتي عارفه بصارت الرجاله مع العريس و هي طالعه الشباب م شافوها و هي تجري و واحد جاي يخبطها بالكلاشن..السلاح خبط في عينها هي في وقتها م حستها ولا عرفت من خبطها و خلت ولدها يخش و هي خاشه الصبايا يقولنلها كنه وجك كله دم طلعت عينها
تنزف غسلتها شوي و توقعت انها جرح عادي و عينها حستها ضببت بس ما قالتش لحد و فات وقت العرس و حست عينها بدت تظلم بس تشوف بالتانيه ف فاتت انها تكشف عليها بس بعد ما
فات شهر و عينها ظلمت ماعد شافت بيها بكول و لحقتها الثانيهه بعد ما فقدت الرؤيه مشت تعالج مالقت ولا حل
قعدت ما تقدر ادير شي بروحها و حتى سمعها ضعف و الي اهتمت بيها مرت ولدها الكببير اما الصغير لا و بنتها الوحيده عايشه ف امريكا من يوم م تزوجت ما رجعت لهلها فاتو كم سنه و مشيتها بطيئه و تغير كل شي فيها و ضعفت و قعدت شي ثقيل بالنسبه لمرات ولدها ف صارو مشاكل بين ولدها و خوه الثاني و السبب امي كريمه يعني كان بيقسم للايام كل اسبوع عند حد فيهم بس خوه الصغير رفض و مراته قالت انا ماعد نمسكها يعني سلفتي مش خير مني** في يوم جا خداها ولدها الكبير و حطها في حوش خوه و هوا فالعمل و بعد رد خوه من العمل خداها و حطها في سيارته بيردها له بس رفض انه يخليها تخش و اتفقو و هوا ع الباب كحل انسب انهم يحطوها في دار للمسنين و رفعها ولدها و جابها هنا 💔كانت نفسيتها تعبانه يعني امهم الي ربتهم مش قادرين يردولها شوي من الي داراته💔......

جيهان تمسح في دموعها: اكيد تألمت واجد
هدى :اكيد بس ربي عوضها بينا كنا و مازلنا ليها بناتها٠٠


جيهان قعدت تبكي بدون صوت و تمسح ف دموعها
هدى:انا قتلك قوي قلبك بش تسمعي باقي القصص
جيهان مسحت دموعها و سكتت
هدى:نطلبو غداء تو قريب الساعه 5 و نحنا ما تغدينا
جيهان:تمام
هدى:معناها نطلبو غداء و حلو انتغدو و نطلعو للحديقه نوزعو عليهم حلو
جيهان:فكره حلوه و الحلو ع احسابي
هدى:لا اعتبري ع احسابك بما انك ما تاخديش ف راتبك
جيهان:تمام ...

وصلهن الغداء و تغدن و طلعن بالحلو للحديقه و فات الوقت و غيرن جو و بعدو ع الحزن شوي مع المغرب كل حد رد مكانه قعدن بس جيهان و هدى ف الحديقه
هدى :نمشو لاخر غرفه اليوم بس انا مش مسؤوله ع الي بتشوفيه لانه احتمال يأتر ع نفسيتك لو بتمشي قولي و لو ما بتمشي بحوك
جيهان بتردد و خوف:بنمشي
هدى:تمام و قربت من الباب و بدت تخبط و الباب انحل ببطء و الضي طافي هدى خشت
جيهان انصدمت و رعشت في مكانها من الي شافاته




يتبع...