في ناس بتحب تنشر على السوشيال ميديا عن حياتها الخاصة, بالمقابل في ناس بتحب تنشر معرفة وفائدة, وعن حياتهم العلمية والعملية, وفي ناس بتحب تنشر انجازاتها اليومية وفي ناس ما بتحب .

في ناس بتحب تأكل جبنة مع البطيخ وفي ناس ما بتحب البطيخ مع الجبنة, في ناس بتحب اللون الأزرق يندمج مع اللون الأحمر وغيرهم بحب اللون الأصفر والاثنين حلوين .

شب طلب من امه يرتبط ببنت بيضا ونحيفة وغيره طلب بنت سمرا ومليانة .

أم بتحب من اولادها هدايا, وأم بتحب بس تسمع كلمة حلوة .

أب بحب يدلل اولاده ويعطيهم اللي بدهم اياه, وأب ثاني بحب يخلي أولاده يعتمدوا على انفسهم.

ناس بتحب تمشي بالشارع, وناس بتحب تمشي بالجيم على جهاز المشي.

كُل واحد بفكر انه هو الصح !
ربنا خلقنا أذواق وميول ورغبات وشخصيات .
لكن الصح انه ما نتعدى على غيرنا ونستغل الخير إلنا ولغيرنا.
لو كل انسان يلتهي بنفسه ويبسط نفسه بعيدًا عن انتقاد الناس والتفكير فيهم .. أكيد هيعيش بسعادة.