Имом Мотуридий Мотуридий раҳимаҳуллоҳ 870 йилда туғилиб, 945 йилда Самарқандда вафот этганлар ва шаҳар чеккасидаги Чокардиза деган қабристонга дафн этилганлар.

Имом Мотуридий умри давомида фақиҳлар, муҳаддислар билан мулоқотда бўлиб, мунозаралар олиб борганлар. У зот Ислом динининг ҳанафий мазҳабини Мовароуннаҳрда тарқатиш ва ўзидан кейинги авлодларга қусурсиз етказиш ишига муҳим ҳисса қўшди.

Аллома ўз даврининг исломий илмлари соҳасида энг етук билим соҳиби ҳисобланиб, мусулмон дунёси олимлари томонидан тан олинган ва ҳозирда ҳам турли диний асарларда зўр эҳтиром билан тилга олинади.

Аллоҳ таоло Имом Абу Мансур Мотуридийни Ўз раҳмати билан буркасин!