Было діло — вюз рефріджератор рокаш пінґвіну до зоопарка, ай туй такой став, заглох. Ай на улиці душно, 40°! На щастя ото ся стало пиля поста ДАІ. Шофер рефріджератора пудходить д'міліціштови тай каже
—Чуєш, командире, помуж ми, будь добрый! Душно дуже, бову ся же пінґвіны поперездыхавуть! Треба бы їх у зоопарк даяк…
Міліцішта:
—Йов, дашто придумаєме
Міліцішта зачинать стопати ушытких на дорозі тай ся придрымбовати д'шелияким дурницьом (римінь ни закапчаный, ниє гасници тай т.д.)
Покуты ни бере, ай просить пудвезти двох-трьох пінґвіну до зоопарка. Но тай за годину загнали скоро вшытких пінґвіну, лем двоє ся лишило. Міліцішта стопать ґєлік, де сидять два бандюґана.
Міліцішта:
—Фатьове, одвезіть, будьте добрі, пінґвіну до зоопарка!
Бандюки:
—Йов, без проблему.
Беруть пінґвіну тай идуть гет. Через три годины пиля поста зась проходить руно тот ґєлік, ай там руно тоті два бандита. Міліцішта їх стопать тай видить на задньых сідалох два доволных пінґвіна из балонами тай морозивом.
—Мужики, пак просив им їх до зоопарка одвезти!
—Командире, ни сикай! Были сьме у зоопаркови, были сьме у кіно, тепирька ся у ціркус веземе!