በአሏህ ስም እጅግ በጣም ሩህሩህ ና አዛኝ በኾነው

بسم الله الرحمن الرحيم

ቢድዐ ④

البدع ٤

ኡለሞች ከቢድዐ ሰዎች ና ከእነርሱ ጋር አብሮ በመቀማመጥ ዙሪያ ያላቸው አቋም

موقف العلماء من أهل البدع ومجالستهم

ኢማሙ በይሀቂይ ስለ ኢማሙ ሻፊዒይ ሲናገር እንዲህ ይላሉ:-

{ኢማሙ ሻፊዒይ በክህደት ና በቢድዐ ሰዎች ላይ ብርቱ ነበር፣እነርሱን በመጥላት ና ከእነርሱ በመራቅ ግልፅ አድራጊም ነበር} መናቂቡ ሻፊዒይ [1/469]

ኢማሙ አህመድ እንዲህ ይላሉ:-

{አንድ ሰው ቢድዐ ለሚሰራ ሰው ሰላምታ ካቀረበለት፣ይህን ግለሰብ ይወደዋል ማለት ነው} ጠበቃቱ አልሀናቢላ [1/196]

ፉደይል ኢብኑ ዒያድ እንዲህ ይላል:-

{ቢድዐ የሚሰራን ሰው የወደደ አሏህ ስራውን ያበላሽበታል፣ከልብ ውስጥ የእስልምናን ብርሀን ያወጣበታል} ሸርሁ ሱና ሊልበርበሀሪ [138]

ኢማም ኢስማዒል አስ ሳቡኒ የአህሉ ሱናዎችን እምነት ከዘረዘሩ ቡሀላ እንዲህ ይላሉ:-

{ከዚህም በተጨማሪ አህሉ ሱናዎች የቢድዐ ሰዎችን በማዋረድ፣በማሳነስ፣በማራቅ፣በማገድ፣ከእነርሱም በመራቅ፣ባልደረባ ከመሆን ፣አብሮ ከመኗኗር በመራቅ፣እነርሱን በማኩረፍ ና በመራቅ ወደ አሏህ በመቃረብ ላይ ተስማምተዋል} አቂደቱ ሰለፍ [123]

ኢማም አል በገዊ እንዲህ ይላሉ:-

{ሰሀቦች፣ታቢዒዮች ና የእነርሱ ተከታዮች እንዲሁም የሱና ዑለሞች በዚህ ጉዳይ {የቢድዐ ሰዎችን መራቅ ና መጥላት} ላይ ተስማምተው አልፈዋል} ሸርሁ ሱና [226]

ስለ ቢድዐ ዙሪያ በዚሁ አቆማለሁ ርዕሱ ሰፋ ያለ ቢሆንም ካለችኝ ጥቂት እውቀት አንፃር ይበቃኛል

ወሏሁ አዕለም
@ansarmesjidadama