خيال... اوگاصد العسكر
لازال... وبـروسهم طشر

بنص العساكر معتلي/بل شمره چنه علي
گاع الله ماليها ملي/امن اعداهم

گاطع عليها الهوى.... ساواها برض الله سوه.... بحيره شيال الوه... خلاهم

الخيل داست عالزلم... عباس واليها ثلم.... اوبيده شايل هل علم.... ذلاهم

من سيفه... ما يلحگ الفر
لازال..... وبروسهم طشر
..............................................
نص موتت من خزرته....زلزال صارت فزعته
كلمن احتار بشردته
هد حيلهم

راسه حار اوما برد... بلسم اجروح اوظمد.... ابيوم علشگره صعد
ياويلهم

هاشمي ومسمه الگمر....وتخوصر بصف النهر.... بجموعهم سوه دهر.
طر خيلهم

بل قاده.... بالكيف يتخير
لازال....... وبروسهم طشر
..............................................
بتاره حاصدها حصد.... يفرزن الحر من العبد....بالروس ظل يمرد مرد
من صيطر

عاد يوم الگنطره..... بي شجاعت حيدره... الجيش كله مرمره
ظل يفتر

كلها دخلها رعب... سرب ظل يردم سرب.. ويله كلمن گرب
المشكر

جبريل... للــــطـف سير
لازال......وبروسهم طشر
..............................................
للحوم خلاكم علف.... مثله ابد ماكو كلف... واحد وچن سبعين الف..
بطفوفه

ياويلكم كونه زعل.... بركان وبنصكم نزل.... چاوين قائدكم ختل
خن شوفه

جروف النهر ظلت تهز... والنايم ابصوته يفز
ارگاب ضل بيده يحز
بكل طوفه

ويحوم.... اوبيش يتصبر
لازال...... وبروسهم طشر
..............................................
عباس محد حاربه.... غيره وشجاعه المذهبه
الجيش كله يعذبه.... حيوله

يعد بيها عد المسبحه.....داراها دورات الرحه..... مسويها بيكم مذبحه
اتگدروله

من صاح ياحيدر مدد..... مات من عدكم عدد
طشت اوصارت بدد
من طوله

جبار....وشـــافه يتحسر
لازال.... وبروسهم طشر
.............................................. الشاعر ابو ماجد الشغانبي