الجهاد دروان جهادي بهير هنداره

د هندي شاهي پوځ لخوا د بې ګناه کډوالو پر کورونو د وحشیانه بمبارۍ په اړه د تحریک طالبان پاکستان غبرګون

په ډېرې خواشینۍ سره مو خبر تر لاسه کړ، چې د ډسمبر پر ۲۴مه، په پاکستان باندې مسلط او ښکيلاکګر جابر پوځ د خپل تېر وحشي او ناوړه عادت له مخې، د اسلامي او نړېوالو اصولو خلاف د هغو بې‌وسه مهاجرینو کورونه په نښه کړل چې په ۲۰۱۴م کال کې د پاکستاني ظالم پوځ د ظالمانه وحشي عملیاتو (ضربِ عضب) له امله افغانستان ته مهاجر او کډه شوي وو. په دې خونړۍ او زړه بوږنوونکې پېښه کې د ۲۷تنو ښځو او ماشومانو په شمول ټولټال ۵۰ تنه عام بې ګناه وګړي شهیدان شوي دي. الله تعالی دې د ټولو شهیدانو شهادتونه قبول کړي، کورنيو او خپلوانو ته يې عظیم اجر او جميل صبر ورپه نصیب کړي.

د پاکستان پوځ (رائل اېنډېين آرمي) تل په ډېرې سپين سترګۍ سره هڅه کړې ترڅو په جګړه کې خپله ناکامي د بې‌وسه ولسونو په نښه کولو سره پټه کړي، له څو لسیزو راهیسې په بلوچستان او خېبر پښتونخوا کې د پوځي اسټیبلشمنټ ظلمونه د هېچا څخه پټ ندي. په بنګله‌دېش کې د مسلمانانو پر ضد وحشیانه کړنې او د فلسطیني مهاجرینو پر کمپونو ظالمانه بمبارۍ د دې پوځ هغه تورې کړنې دي چې هېڅکله به هېرې نشي.

خو د بې‌شرمۍ انتها دا ده، چې تل یې خپل ظلمونه د درواغو په پرده کې پټ کړي او له پوچو تبليغاتو او بېځايه پروپاګند څخه یې کار اخيستی دی، نن يې هم د عمر میډیا د دفتر او همداراز د روزنیزو مرکزونو د نښه کولو په پلمه قصداً د بې ګناه مهاجرینو استوګنیز کورونه په نښه او په لسهاوو ښځې او معصوم ماشومان یې په شهادت ورسول.

په دې موقع کې موږ د پاکستان له ټولو وګړو او همدارنګه د ټولې اسلامي نړۍ څخه غوښتنه کوو، چې د پاکستان د اسلام دښمنه پوځ د ظلمونو د مخنیوي لپاره خپل غږ پورته کړي او د دې ظالم لاسونه وتړي، يا دې لږ تر لږه د دې پوځ له ټولو تولیداتو سره پرېکون وکړي او د د دوی په دا ډول ظالمانه کړنو او وحشتونو کې ورسره له ملګري کېدو څخه ځانونه وژغوري.

الله تعالی دې پاکستان له دې جابر، مسلط او ښکيلاکګر فرنګي پوځ څخه ژر تر ژره خلاص کړي. آمین.

محمد خراساني
د تحريک طالبان پاکستان وياند

24/جماد الثاني/1446هـ ق
25/دسمبر/ 2024م

#ټي_ټي_پي
#عمر_میډیا
#محمد_خراساني

#TTP
#Umar_Media
#Muhammad_Khurasani

زمونږ ویبپاڼه:
https://umnews.net