🌑🌑بسمه تعالی🌑🌑
تسلیت ایران

الا ای تاجدار عرصه ایمان سلیمانی
سنیله اولدی احیا کشور ایران سلیمانی

او گوندن کی مسیراعتقادونده قدم
ویردون
به جز راه حقیقت هر نئیه خط عدم ویردون
ولایت قله سین فتح ایلیوب زیبا علم ویردون
سنه حی تعالا اولدی پشتیبان سلیمانی
🌟🌟🌟
گلندن پادگان حقه کسب آبرو ائتدون
اودم کی سنگر عشقه قدم قویدون وضو ائتدون
بو میدانه گلن گوندن شهادت آرزو ائتدون
مبارکدور سنه بو خلعت الوان سلیمانی
🌟🌟🌟
سنه سید علی ای مالک اشتر افتخار ایلر
پیام نابیوی یکسر جهانه انتشار ایلر
ایشیق گوندوزلری اهل جفایه شام تار ایلر
سالار اشرار ایچینده سهمیلی طوفان سلیمانی
⭐️⭐️⭐️
شهادت سنگرینده گر چه مشتاق غروب اولدون
چاتوب مقصودیوه عشق ولایت باشدا ذوب اولدون
اگر محبوبیدون دنیاده محبوب القلوب اولدون
بو محبوبیته تاب ایلمز دونان سلیمانی
⭐️⭐️⭐️
عدو فکر ایلدی سنسیز داخی بی شاخ و برگ اوللوخ
اگر سید علی دستور وئرسه پیشمرگ اوللوخ
منافق لر باشیندا دائما مثل تگرگ اوللوخ
جهانی ایلروک اهریمنه زندان سلیمانی
⭐️⭐️⭐️
مقدس عهدیوین اوستونده بیز عهد ایلیوب قاللوخ
ائدوب سینه سپر کین لشگرینده زلزله ساللوخ
خیالون تخت اولا قاتللروندن قانیوی آللوخ
محال امریدور راحت یاتا عدوان سلیمانی
⭐️⭐️⭐️⭐️
ئوزون گئتدون ولی بیز خط سیرونده قدم ویروخ
ترامپین عمرینه پایان وئروب خط عدم ویروخ
آلوب کاخ سفیدی اوستونه قاره علم ویروخ
حکومت ایلر اوردا منجی دوران سلیمانی

🌑🌑🌑🌑🌑🌑

اصغرسرابی