انتِ الي تقري توا..
بنقولك نصِيحهه لطيفهه وبسِـيطه جداً في هذا الشهر المُبارك اعتبريها تحدي مني ليكِ طول هالشهر 🤍..
طبعاً ياقنينه معروف انه في رمضان الناس دير في الاكلات ويكثر الاكل والتنويع وغيره،
ومع كثرة الاكل وغيره بيكثروا الماااعين 🤦♀️😂↖
تعالي نقولك شن ديري لما بتغسلي الماعين، اي ماعين وفي اي وقت..
لما تغسلي طواسي او كواشيك استغفري، لما تغسلي طاسه او اشياء زيها سبحي(سبحان الله وبحمده سبحان الله العظيم)
-هههههه حلوه الفكره بس كيف مافهمتش يا شيماء هكِ بنمل وبنسكت وبنلهى لو قعدت كل ما نغسل نكرر في نفس الشيء
ههههه اي جميله جداً، لا لا مش هكِ درتلك تنويع اني باش تستمتعي وتنتبهي
ها افهمي معاي اهو بنقولك،
كل ما تشدي صونيه بتغسليها او اي شيء يشبه الصواني قولي سبحان الله وبحمده سبحان الله العظيم، يعني ع كل صونيه تسبيح واحد بس وحيسدك الوقت مابين ماخديتِ اي طاسه او كاشيك وطليتيها بالصابون ومصمصتيها تسبحي مره وحده ولو في صونيه ثانيه تسبحي مره ثانيه وهكذا الي امته ما يتموا الطواسي والكواشيك 🤍!
اما الصواني فـ مش استغفار، الصواني تسبيح بسس🤍يعني كل ما تاخدي صونيه سبحي، ع كل صونيه سبحي مره وهكِ الى امته ما تتمي كل الماعين بالغسل🤍..
- وبه ليش هذا كله! ماهو نغسل الماعين واني ساكته وتو نستغفر في اي وقت !
لا ياقنينه لو ما ركزتيش وحصلتِ ع وقتك ومشيتيه كيف ما تبي بإستمتاع وبتركيز، حتلقي نصه ضايع.. حنى البنات نغسلوا في الماعين اكثر من مره في اليوم وبدال مانضيعوا وقت غسل الماعين وحنى ساكتين او نضيعوه في مايضرنا زي نهدرزوا ع فلانه ونتهزوا ع علانه وغيره !
مش نحصلوا ع وقتنا ونبدو مركزين ومستمتعين ونضمنوا انه نستغفروا ونسبحوا اقل شيء 100 مره يومياً خير 🤍🤍؟
لو بتحسبي ع الروتين هذا كم في اليوم بتسبحي وبتستغفري مره حتلقي روحك مستغفره ومسبحه هلبا هلبااا لان الماعين الله يبااارك ↖🤍!!!
شفتِ ليش 🤍🤍؟
ماضيعوش الأوقات، طبقوا الي قلتلكم عليه ع الاقل، اتفقنا🤍؟.
#لنتغير_للافضل
#سارعي
#رمضاننا_غير
