الى الحبيب هناك _ مصطفى سيداحمد _
اكيد هي الفرقة قد تمت
ورحت مع الزمن بدري
وما في بالي نتعاتب
واحكيلك عن المكتوب
على باب الهوي السري
براك عارف قبل تمشي
التكون في حالنا من خلفك
براك يا غالي لو تدري
براك رتبت فينا الطين
وصلحت العوج كلو
قبل تمسك طريق دغري
وتخلي على غناك حبيب
اكيد ماعارف انت بهاك
وصوتك بغمر الفوضى
ويعبي دواخلو بالترتيب
من القال انت كنت حضور
وقام سماك هسي مغيب
مغيبك كيف؟؟
وانت مع الشمس تشرق
صباااااااحاتك
صباحك طيب
دخولك في العرق غنية
وملامح زولة سمرية
وشوارع صادحة بحسك
وفاقدة مجيب
سؤال يا غالي في سرك
عازة بعد - تجيب زيك -
عندها قدرة تاني تجيب؟؟
وعندنا تاني قدرة نعيش؟؟
ونحن نشف جوانا الدم
بين عصبة جهاز الامن
وتقدير السلاح والجيش
هم الكتلوك
ولا براك ابيت العيش؟؟
واخيرا يا - براك واحد -
موزع نبض موسيقاك
وعارف الحتة بالتحديد
وقادر كل يوم اكتر
توسع حتة الدهشة
وتجدد فكرة التجديد
صحيح ولا مرة ما شفتك
ولا كان بينا مدة إيد
بس آمنت بيك جدا
ومبسوط بيك للاخر
حقيقي سعيد
حاجة اخيرة قبل انسى
بريدك ريد!!
#راني_فرح
اكيد هي الفرقة قد تمت
ورحت مع الزمن بدري
وما في بالي نتعاتب
واحكيلك عن المكتوب
على باب الهوي السري
براك عارف قبل تمشي
التكون في حالنا من خلفك
براك يا غالي لو تدري
براك رتبت فينا الطين
وصلحت العوج كلو
قبل تمسك طريق دغري
وتخلي على غناك حبيب
اكيد ماعارف انت بهاك
وصوتك بغمر الفوضى
ويعبي دواخلو بالترتيب
من القال انت كنت حضور
وقام سماك هسي مغيب
مغيبك كيف؟؟
وانت مع الشمس تشرق
صباااااااحاتك
صباحك طيب
دخولك في العرق غنية
وملامح زولة سمرية
وشوارع صادحة بحسك
وفاقدة مجيب
سؤال يا غالي في سرك
عازة بعد - تجيب زيك -
عندها قدرة تاني تجيب؟؟
وعندنا تاني قدرة نعيش؟؟
ونحن نشف جوانا الدم
بين عصبة جهاز الامن
وتقدير السلاح والجيش
هم الكتلوك
ولا براك ابيت العيش؟؟
واخيرا يا - براك واحد -
موزع نبض موسيقاك
وعارف الحتة بالتحديد
وقادر كل يوم اكتر
توسع حتة الدهشة
وتجدد فكرة التجديد
صحيح ولا مرة ما شفتك
ولا كان بينا مدة إيد
بس آمنت بيك جدا
ومبسوط بيك للاخر
حقيقي سعيد
حاجة اخيرة قبل انسى
بريدك ريد!!
#راني_فرح