«Халқаро тадқиқотлар дунёқараши кенг, фикрлашдан қўрқмайдиган ёшларни тарбиялаш учун зарур»

АОКАда ўтказилган матбуот анжуманида Халқ таълими вазирлиги бошқарма боршлиғи Лазиз Хўжақулов ўқувчилар саводхонлигини баҳолаш бўйича PIRLS ва PISA тадқиқотларининг аҳамияти ҳақида гапирди:

〰️〰️〰️
«Шу каби тадқиқотлар орқали биз ўз ўрнимизни аниқлаб олишимиз, қаерда оқсаётганимизни билишимиз, келгуси стратегиямизни шакллантириб олишимиз мумкин бўлади.

Таълим сифатини ошириш — халқаро тадқиқотларга тайёргарлик дегани. Финляндияда халқаро тадқиқотларга алоҳида тайёргарлик кўрилмайди, лекин финнлар яхши натижаларни кўрсатиб келади. Бу эса таълим сифатининг юқори даражада эканидан далолат беради. Таълим сифатини юқори даражага чиқарсак, табиийки, биз яхши ўринларга даъвогар бўлишимиз мумкин.

Бунинг учун таянч мактабларда халқаро экспертларни жалб қилган ҳолда семинар-тренинглар ташкил қиляпмиз, Авлоний институтида «EStetsting» лойиҳаси устида ишлаяпмиз, яъни савлолларга жавоб бериш бўйича янги контент яратиляпти. PISA тадқиқотининг саволлари назарий саволлар эмас.

Эртага биз болаларга ҳаётда қўллай оладиган билим бера олаяпмизми, шуни аниқлашимиз керак.

Балки биз биринчи катнашганимизда яхши натижаларга эришмасмиз. Лекин дунёқараши кенг, фикрлашдан қўрқмайдиган ёшларни тарбиялаш учун замонавий дастурларни ишлаб чиқамиз. Бу тадқиқотлар биз учун муҳим».

http://t.me/Rasmiy_xabarlar_Official