یوم الهجمو اعله الباب ولملعون اجه ابغاره
بس ما وصل یم الباب گام الرجس شب ناره
***********شب ناره وهـو یدری ام الـحسن خلف الباب
باب التهبط الأمـــلاک مـنه اتـقبّــل الأعتاب
یرفس گـام ذاک الباب لمّــن عرف لیث الغاب
عـنـده اوصـیـة الـمـخـتـار
لازم یـــصــبر اشــمــا صـار
مــتــأکــد مـــن الــکــرار
بگراب الوصّیه الیوم تـم مـچـتـوف فـقاره
***********بین الـباب و الـحایــــط صارت فاطمه البضعـــه
وگام الرجس عمده الباب صوب الــحایط ایدفـعه
عجبه اشـصــبر الکـــرار تصــرخ صوتهه ایسمعه
الــحــگــنـی یبـو الـحـسـنـیـن
یــا فــارس بـــدر و حــنــیــن
یــلــی اضـربــت بـلـسـیـفـیـن
یا حیدر ترانی الباب ابصدری نبت مسماره
*************حّن من حّنت الزهره وامـلاک السـمــه ناحت
و اهتزّ العـرش لمن طاح المــحسن و طاحت
لاچن من هوت للگاع وینک یا عــلی صاحـت
صــبرک عـــــجّـب الأمـلاک
یـل محّـــــــد گـدر یدناک
سـیفک ویـن عــن یـمــناک
ماطلّگ اگرابه اشلون ما سل غضب جبّاره
************معـذور الیگول اشـلون حیدر و العدّوه اتفوت
کــسر الضلع یمکّ چان ونته اسمعت منه الصوت
المحسن طاح والـزهره بین الحیه و بین الموت
واللـه الـعـاتـبـک عــذره
یـمــک صــوّب الـزهـــره
ونـتـه ابـعـیـنک اتـنـظره
وما نتهظ یحامی الجار احسب فاطمه جاره
************احـسـب فـاطـمـه جــاره ویلـــما ینهـظم جارک
یل ذلّـت اگراب الشــوس مــن کـــراتّ فـقـارک
انته الچان حـدّک مـوت چیف الحظم طب دارک
ونـتـه ابـسـیـفـک الـفـقـار
یـا ســر آیــة الـجـبــّـــــار
انـتـه الـمـاچـنـت مــحـتـار
بین الصبر و الزهره اشلون الصبر تختاره
*************تـخـتار الـصـبر مـولای وکلـمن عـاتبک مـعذور
بس کلّه وصبرت اشـلون مـن شـفت الضلع مکسور
ریتـک چنت حاضر کـون یـوم الـعـاشر ابعـاشور
اشــگـد اضـلــوع مــکــسـوره
چـم عـیــن الــک مــصــطوره
و الــنــیــران مــســـعـــوره
وشچم متن من الصوط دم اصوابه یتجاره
**************الک چم فاطمه اتنادی احضـر یا علی وینک
شنـهو العـطلک للـطـف واشگد بینهه و بینک
انتـه الغـسلت سلـمــان احضر غسل احسینک
طـر گـبـرک وشــگ الـگــاع
وافـــزع للــحـــرم فـــزاع
لا زیـنــب تـروح اضـیــاع
یا حیدر تراهو ایزید یطلب من بدر ثاره
*الشاعر عزیز الفیصلي*
قناة الشاعر الأستاذ أبو باقر #عزیز_الفيصلي
https://t.me/joinchat/AAAAAE9zpeCIAWwHKLolyg
