-
مش ح نبينلك اني رايفت ، مش ح نجي تركينتك مره تانيه ، مش عشان كرهتك لا بالعكس مازلت كيف الاول واكثر اخرى ، قررت من اليوم وغادي اني نكتم ، اي عارفه اني ح يمرضني ويعاود عليا بالسلبي بس معش عندي خيار تاني نلجأله ، حاولت وحاولت معاك لين مليت ، بس من دون فائده ، كل ما لك قعدت تشوف فروحك عليا ، ماننكرش اني متأكده من حبك ليا وعارفه انك تحبني وتتمنالي كل خير ، بس مش زيي، ماحاولتش مره تفهم اللي ندير فيه عشانك ماحاولتش انك تفرق بين حبي لك وحب غيري اللي ما يجيش ف ربع حبي ، كان كل همك انك ماتبينليش حبك ليا ، طبعك كان غريب ، مع هذا كله فاهمتك ، كان الشئ الوحيد اللي تسعاله اني مانعرفش انك تحبني ، بس كان باين فيك عيونك تحكي بدالك راه ، كل كلمه تحاول انك تخفيها عليا عيونك قاعده تبص عليك وتقولي في اللي تبي تقوله ، كنت الوحيد اللي نقدر نفهمك من نظرتك ، والوحيد اللي سحس بيك من دون ما تحكي ، بس كنت تمشي للغير اللي ما يفطنلكش انك مضايق حتى وانت تبكي قدامه ومع هذا كله مش ح يحس بيك ، كنت ومازلت و حنكون الشخص النادر اللي مش ح يتكرر ف حياتك مرتين