تـعبت لان ماعنديش ثـقة في نفسي ولا في الـناس
واثـقة في اسلـوبي انـه اكويس وواثقه ان شكلـي حلـو واثقه ان مافيش انسـان يقدر يَـذي انسان ثاني بـاي طريقة
قـلة الثـقة لي عندي قلـة ثقة مختلفة
مش قلة ثقة في شكلي ولا في اسلـوبي قلة الثقة لي فيَ ان حد نحبـه يفهمني غلط
ولي هلــسبب ديمـاً نادمة اشـد الندم
ننـدم لانِ حكيت ولان ماحكيتش ننـدم لاني نكـتم الشي لي لازم يـعرفوه الـناس ونبـوح بالـشي هذا فالـوقت المتاخـر او الغلط،
تمـر فتـرة طـويلة وانا مانحكيش ومانتواصل معَ حد حتى اقرب النـاس ليَ، وتكون فتـرة صعبه بالنسبة ليَ لان عارفه ان اصحابي واهلي محتجيـنن ليَ محتاجين ان نتـواصل معهم بس مايـكونش في ايدي الموضوع، يـكمل وقت الفتـرة كلها وانا في داري بدون مايطلـع منِ صوت بدون مانحكي ولا نبـكي فتـرة صمت لي روحي تكمل وانا نشوف لي سقف داري بدون اي صـوت يطلع منِ، وفي الوقت هذا نتوقع ان بعد نرد لي اصحابي يستقبلوني زي كل مـره بس يصيـر العكس ويقولو لقيت ناس غيـرنه "معهم حق مش فاهمين ان روحي تعبـت وهي تسمع لي شكوتهم وهم ولا مـره سمعولي ولا مرة فكرو فيَ وفي رائ ولا مـرة فكرو ان هلـالانسان لي ضحكته ديـماً ؏ـوجه موجوع من جواه محروق"