Forward from: اؤیکوموز
🌹 بان درگیسی‌نین بوراخیلیشی موناسیبتی ایله
❇️ بان درگیسی‌نین بیرینجی سایی‌سینی ماراقلا اوخویوب بیر گونه قورتاردیم. نه ایسه ایل‌لر اؤنجه چیخارتدیغیمیز یاشماق درگیسینی ذهنیمده جانلاندیردی. او زامانین ادبی چئوره‌سینه یاشماغین گتیردییی یئنی‌لیک‌لری، اون ایل سونرا بان درگیسی، بوگونکو ادبی فضامیزا آشیلادی.
❇️ یاشماق درگیسینده ادبی تنقیده اؤزل بیر یئر آییرمیشدیق. بو گون بان درگیسی بو اؤنملی مساله‌یه نئچه قات داها آرتیق بیر اؤزه‌نله یاناشیب. نثر و ادبی تنقید بو درگینین ان چوخ اؤنمسه‌دییی و یئر آییردیغی قونولاریندان‌دیر. بیر حیکایه‌یه بئش منتقدین چئشیدلی آچی‌دان باخدیغی تنقیدی مقاله‌لر، درگینین ایلک صفحه‌لرینده یئر آلیب. دونیانین بؤیوک یازارلارینین موصاحیبه‌لریندن قاندی‌نین هیتلئره یازدیغی مکتوبونا قده‌ر چئشیدلی قونولارین یئر آلدیغی درگی‌ده، شعر تنقیدینه ده اؤزل بیر یئر وئریلیب. آذربایجان حیکایه یازارلارینین موصاحیبه‌سیندن جلیل محمد‌قلی زاده‌نین یارادیجیلیغینا، آنارین حیکایه‌سینین بیلیمسل تحلیلیندن ادبی دئنه‌مه‌لره، شهرده "سئوه‌للنمه" لره قده‌ر چکیجی، گؤزل و ماراقلی یازی‌لار وار بو درگی‌ده.
❇️ ۴۶جی صفحه ده ایسه چوخ دَیرلی بیر تاریخی فاکت گتیریلیب. فارس شاعیری حبیب یغمایی‌نین "زاغکی قالب پنیری دید" شعری‌نین میرزه علی اکبر صابر "قارغا و تولکو" شعریندن ادبی اوغورلوق اولدوغونو ایلک دؤنه بو درگی‌دن اؤیره‌ندیم. ۴۶جی صفحه ده میرزا علی اکبر صابرین بو قونودا یازدیغی شکوائیه‌سینه یئر وئریلیب.
❇️ درگی‌ده بعضا ایملایی یانلیش‌لار و اورتوقرافی فرقلی‌لییی ده آراسیرا گؤزه چارپیر. اومود ائدیرم گلن سایی‌لاریندا بونا دا بیر فیکیر قیلمیش اولالار.
❇️ بو درگی ایشیق درگیسی ایله بیرلیکده، حال حاضیرده آذربایجاندا نشر اولونان تکجه معتبر ادبی درگی‌لریمیزدیرلر. آذربایجان ادبیاتچی‌لارینین گؤزو بو ایکی درگی‌ده‌دیر. بوتون چالیشان‌لارینا اوغورلار دیله‌ییر، ادبیاتیمیزین گؤی اوزونده بئله بیر اولدوزون سایریشماسینی سئوینجله قوتلاییرام.
✍️ غفور امامی زاده‌خیاوی.
🌺 لوطفن بو کانالدان مطلب پایلاشیرسانیز لینکی ایله برابر پایلاشین.
🌺 @oykumuz
❇️ بان درگیسی‌نین بیرینجی سایی‌سینی ماراقلا اوخویوب بیر گونه قورتاردیم. نه ایسه ایل‌لر اؤنجه چیخارتدیغیمیز یاشماق درگیسینی ذهنیمده جانلاندیردی. او زامانین ادبی چئوره‌سینه یاشماغین گتیردییی یئنی‌لیک‌لری، اون ایل سونرا بان درگیسی، بوگونکو ادبی فضامیزا آشیلادی.
❇️ یاشماق درگیسینده ادبی تنقیده اؤزل بیر یئر آییرمیشدیق. بو گون بان درگیسی بو اؤنملی مساله‌یه نئچه قات داها آرتیق بیر اؤزه‌نله یاناشیب. نثر و ادبی تنقید بو درگینین ان چوخ اؤنمسه‌دییی و یئر آییردیغی قونولاریندان‌دیر. بیر حیکایه‌یه بئش منتقدین چئشیدلی آچی‌دان باخدیغی تنقیدی مقاله‌لر، درگینین ایلک صفحه‌لرینده یئر آلیب. دونیانین بؤیوک یازارلارینین موصاحیبه‌لریندن قاندی‌نین هیتلئره یازدیغی مکتوبونا قده‌ر چئشیدلی قونولارین یئر آلدیغی درگی‌ده، شعر تنقیدینه ده اؤزل بیر یئر وئریلیب. آذربایجان حیکایه یازارلارینین موصاحیبه‌سیندن جلیل محمد‌قلی زاده‌نین یارادیجیلیغینا، آنارین حیکایه‌سینین بیلیمسل تحلیلیندن ادبی دئنه‌مه‌لره، شهرده "سئوه‌للنمه" لره قده‌ر چکیجی، گؤزل و ماراقلی یازی‌لار وار بو درگی‌ده.
❇️ ۴۶جی صفحه ده ایسه چوخ دَیرلی بیر تاریخی فاکت گتیریلیب. فارس شاعیری حبیب یغمایی‌نین "زاغکی قالب پنیری دید" شعری‌نین میرزه علی اکبر صابر "قارغا و تولکو" شعریندن ادبی اوغورلوق اولدوغونو ایلک دؤنه بو درگی‌دن اؤیره‌ندیم. ۴۶جی صفحه ده میرزا علی اکبر صابرین بو قونودا یازدیغی شکوائیه‌سینه یئر وئریلیب.
❇️ درگی‌ده بعضا ایملایی یانلیش‌لار و اورتوقرافی فرقلی‌لییی ده آراسیرا گؤزه چارپیر. اومود ائدیرم گلن سایی‌لاریندا بونا دا بیر فیکیر قیلمیش اولالار.
❇️ بو درگی ایشیق درگیسی ایله بیرلیکده، حال حاضیرده آذربایجاندا نشر اولونان تکجه معتبر ادبی درگی‌لریمیزدیرلر. آذربایجان ادبیاتچی‌لارینین گؤزو بو ایکی درگی‌ده‌دیر. بوتون چالیشان‌لارینا اوغورلار دیله‌ییر، ادبیاتیمیزین گؤی اوزونده بئله بیر اولدوزون سایریشماسینی سئوینجله قوتلاییرام.
✍️ غفور امامی زاده‌خیاوی.
🌺 لوطفن بو کانالدان مطلب پایلاشیرسانیز لینکی ایله برابر پایلاشین.
🌺 @oykumuz