عندك ذنب معيّن بتقع فيه كل شوية، وخايف يفضل مرافقك؟
أو مشكلة شايل همّها، ومرعوب من يوم الحساب لما تُعرَض أعمالك؟
كلنا بنغلط… بس الشاطر هو اللي بيلحق ينضّف الصحيفة قبل ما تتقفل.

تخيّل إن النبي ﷺ قال:
«طوبى لمن وجد في صحيفته استغفارًا كثيرًا».
إذا كان الاستغفار كفيل يرزقك الجنة ونعيمها، تفتكر مش هيقدر يرزقك راحة البال، ويصلّح لك مشاكلك في الدنيا؟

إحنا في شهر شعبان…
الشهر اللي بتُرفع فيه الأعمال لربّ العالمين.
إلحق توب ونضّف صحيفتك بالاستغفار.
ربنا بيفرح برجوعك، ومش بس كده…
ده كمان بيبدّل سيئاتك حسنات 🤍